第一件事梗係睇吓屋企預留咗幾大地方去放雪櫃。留意返,千其唔好唔記得預留空間俾雪櫃門打開,避免雪櫃門唔夠位完全打開,或者會撞到廚櫃門。
雪櫃運作嗰時需要通風同散熱,如果散熱空間唔夠,雪櫃可能要更多時間製冷,能源流失,電費又貴咗。長期散熱差甚至影響到製冷功能,整壞雪櫃或燻黑牆身。所以頂部、側邊都預留足夠嘅空間。
日立雪櫃建議嘅散熱空間:
雙門雪櫃
- 櫃頂 約 12 吋 (30cm)
- 背後 約 4 吋 (10cm)
- 兩旁 各約 2 吋 (各5cm)
三門雪櫃
- 櫃頂 約 2 吋 (5cm)
- 背後 約 2 吋 (5cm)
- 兩旁 各約半吋 (各1cm)
唔同款式嘅散熱位都唔一樣,甚至有啲型號可以做到前置散熱方式,一般說明書會有詳盡列明,或者你可以直接向我哋職員了解。
揀雪櫃容量可以考慮慮家庭人數同生活習慣,如果家庭人數多,要存放嘅食物就會有一定數量,要考慮較大嘅雪櫃。
雪櫃基本用品大概會佔用約100L左右,而一個家庭成員嘅基本需求容量平均係70L。
雪櫃容量計算公式大概為:(基本需求量x家中人數)+100L
以4人家庭為例,用上面公式計算就要揀一個約380L 嘅雪櫃。
一般嚟講,呎寸愈大、容量都愈多,但而家好多品牌都研製唔同嘅物料,希望用最簿嘅物料換取更多空位,所以即使呎吋一樣,唔同型號嘅雪櫃容量都有差別。
雪櫃一般都係按雪櫃門數分類,例如有迷你、單門式、 雙門式同多門式。單門雪櫃通常就只有冷藏室,而最常見嘅雙門雪櫃就有冷藏室同冰格,雙門雪櫃又再細分為上置式、下置式同對門式三種。最後多門式雪櫃就有齊有冷藏室,急凍室和蔬果室。唔同雪櫃門數、款式都有唔同用途同優點。
門數 |
主要用途及優點 |
迷你/單門 |
|
上置式雙門 |
|
下置式雙門 |
|
對門式雙門 |
|
多門式 |
|
相信唔少人都會試過雪櫃突然唔凍嘅問題。一般兩門式雪櫃正確溫度為平均4℃,同冰箱平均約-18℃。唔少雪櫃為解決溫度唔準確嘅問題,都設有手動調整溫度功能。有啲高性能雪櫃有獨立溫度調節嘅冷藏室,等您嘅食材保持喺最佳嘅溫度入面。
雪櫃內籠嘅層架佈局都好重要,好嘅設計可以令你用盡所有空間、又可以喺有好多嘢雪嗰時都保持雪櫃每個角落嘅溫度平均。購買時,可以考慮有咩食品儲存或點擺。
以膠製嘅層格可以讓用家更容易清潔。另外,層格重都可以防止食物飲品漏水落下一層嘅情形。
獨立式冰箱頂部會較多塵,需要在冰箱頂部放置一些防塵用品,內置式在櫥櫃動工之前就要先行選購,可做到最大化的銜接,就能最有效的防止積塵。
可參考能源效益標籤,標籤上能源效益分為五級,第一級就是最具效益。雖然第一級的雪櫃價錢可能較貴,但雪櫃基本上24小時運作,有良好能源效益就慳番唔少電費,貴買平用,你懂的。
獨立式冰箱放喺同一位置使用好多年,冰箱四邊牆身會非常多塵,冰箱後面嗁櫥櫃、牆壁會熏黑。而內置式都是採用前置散熱方式,可減少牆壁熏黑嘅機會。
喺購買時要多注意廠商保養期限,以及原廠維修要求。最好當然問一問店員或產品資料睇吓,最重要睇有咩事項係唔包落保養到,例如無足夠空間散熱而壞機等。
有小朋友、甚至係有寵物嘅家庭喺選購雪櫃嘅時候,可以留意雪櫃有冇安全設置,保障小朋友同毛孩嘅安全。而家市面上嘅雪櫃已經有唔少安全設置,基本有安全鎖丶同專為兒童而設嘅飲水機等。仲有唔同類型嘅提示同警報系統,例如係開門提示、電壓感應、出風口感應等等。
壓縮機係對耗電量有最直接嘅影響。近年基本上多數嘅雪櫃都用緊變頻式(inverter)壓縮機,變頻式雪櫃會內設摩打帶動製冷劑(即係成日講嘅雪種)流動,將雪櫃入面嘅熱能帶到外面,保持低溫。變頻式壓縮機嘅摩打設計,有效改變轉速同減低耗損,更高效咁運作,用最少嘅能量控制溫度。
冷凍效率高代表降溫時間短從而用最少嘅耗電,而隔熱能力強就可以避免外界溫度轉變影響到雪櫃內部溫度。
揀一部有LED照明系統嘅雪櫃,耗電量同效率比起傳統鎢絲燈膽好,又唔會產生更多熱力,又耐用啲。
唔少新型號都設有慳電(eco)或耆假期模式(vacation mode/ holiday mode),如果你長時間唔用雪櫃,好似係放長假旅遊,呢個模式就會將雪櫃冷藏室溫度設定自動提高,減低雪櫃嘅耗電量。
Electrolux 伊萊克斯 係家用電器及專業用備設嘅世界領導品牌之一,每年喺全球150個國家銷售超過6000萬件產品,Electrolux 喺雪櫃研發同生產都花盡心思、提供唔同款式、現化化設計雪櫃,更有唔同系列嘅設計概念,例如Electrolux SpacePlus、NutriFresh Inverter、“Thinking of Yout”等,照顧用家喺儲存空間、環保意識、保存新鮮食材等唔同嘅需要。
Hitachi 日立成立於1910年,至今超過百年歷史嘅日本品牌。日立雪櫃更係連續18年全港銷量No.1,喺香港各大討論區都搵到用家大讚日立雪櫃耐用又夠凍。日立雪櫃有5年全機保用,變頻式壓縮機更提供高達10年保用,特設日本製造系列,一定係信心保證。
樂聲牌 Panasonic 相信都冇咩香港人唔識,Panasonic一樣有推出日本製造嘅雪櫃,ECONAVI系列雪櫃亦非常適合一般家庭使用、ECONAVI 智慧節能技術,動學習家庭生活模式,感應環境溫度、亮度、雪櫃門打開閂次數以及食物嘅存儲狀態,做到最節能慳電。
三菱係日本機械生產都可以話數一數二,雪櫃範疇就主打環保設計,全部型號均為100%不含氯氟化碳,更採用環保雪種R600a。良好間隔設計,無霜設計、獨立蔬果室,配合「維他命C製造工廠」功能,切合用家唔同嘅需要。
Smeg 係意大利家電潮牌,復古外型設計擄獲唔少時裝潮流界用家歡心。雪櫃設計擺脫傳統黑白銀色沉悶風格,以特別嘅顏色配合現代化雪櫃技術,成為雪櫃界新選擇。最經典嘅英國國旗設計,真係令真.香港人更加印象深刻。
Samsung 近年嚟放咗好多心血係研發到,務求新突破。電視範疇都係世界頂尖之一,亦有積極開發唔同領域,雪櫃範疇亦有自家新技術;SpaceMax™採用了高效保溫物料,提高空間,全方位冷凍系統,雪櫃任何角落適當冷卻,Optimal Fresh + 雙溫度靈活保鮮等,致力減少雪櫃設計上嘅傳統缺點。
LG 近年主打智能技術,LG ThinQ 相信大家都唔會陌生,雪櫃除左冷凍、壓縮機都有創新技術,更可以透過 Wi-Fi 連接 LG ThinQ 應用程式,智能雪櫃內搭載語音助手,只需一句「打開雪櫃」,雪櫃門就會自動打。最新版 InstaView門中門智能雪櫃,升級外部透視窗大細,唔洗開門都睇到雪櫃內部。
消委會喺2021年8月測試咗17款型號,包括單門、雙門及三門雪櫃,聲稱總淨儲存量分別為122升至252升(中型),及45升至122升(較小型)。當中11款為無霜雪櫃,同有6款直冷式雪櫃,售價由$1,398至$6,280;測試項目包括能源測試、冷凍同冷卻能力以及儲存溫度等。
消委會指,直冷式雪櫃即係有霜雪櫃,一般較慳電、慳位,但係由於蒸發器包入雪櫃到,所以濕氣會喺冷管上凝結,用家就要自己定期溶雪。而無霜雪櫃就用凍風吹入冷凍室或冷藏室製冷,用發熱器定時溶化喺蒸發器嘅霜雪。
雪櫃品牌 | 類型 | 聲稱原產地 | 售價 | 標準/綜合耗電量 | 估計全年電費 | 保溫能力 | 總評分 |
伊箂克斯 Electrolux | 中型、無霜、三門 | 泰國 | $5,190 | 32.3%/34.7% | $299/$322 | 7小時12分鐘 | 4.5 |
三菱電機 Mitsubishi Electric | 中型、無霜、三門 | 泰國 | $6,280 | 42.8%/45.2% | 317元/335元 | 12小時27分鐘 | 4.5 |
金章 Zanussi | 中型、無霜、雙門 | 中國 | 3,190 | 33.6%/37.0% | 233元/257元 | 11小時26分鐘 | 4.5 |
Panasonic | 中型、無霜、雙門 | 印尼 | 4,480 | 34.4%/38.7% | 245元/272元 | 10小時11分鐘 | 4.5 |
惠而浦 | 中型、無霜、雙門 | 中國 | 2,960 | 42.4%/47.5% | 270元/302元 | 6小時12分鐘 | 4 |
東芝 Toshiba | 中型、無霜、雙門 | 泰國 | 2,960 | 40.6%/44.9% | 281元/310元 | 8小時34分鐘 | 4 |
三星 Samsung | 中型、無霜、雙門 | 越南 | 3,140 | 39.1%/45.6% | 272元/316元 | 6小時5分鐘 | 4 |
豐澤 Fortress | 中型、無霜、雙門 | 中國 | 2,748 | 50.3%/55.4% | 289元/318元 | 8小時40分鐘 | 4 |
Winot | 中型、無霜、雙門 | 中國 | 3,080 | 54.3%/58.9% | 293元/318元 | 8小時13分鐘 | 4 |
日立 Hitachi | 中型、無霜、雙門 | 泰國 | 2,380 | 64.9%/72.7% | 413元/463元 | 8小時24分鐘 | 4 |
Sharp | 中型、無霜、雙門 | 中國 | 2,380 | 75.7%/86.1% | 414元/471元 | 2小時53分鐘 | 3 |
*只列出高分型號
資料來源:HK01
建議每三個月就應該清潔一次雪櫃。避免食物殘渣滋生細菌。
非無霜或循環除霜的型號其實要定期除霜,而結霜應少過 6 mm。
1. 切斷電源並以保溫箱收藏好食物
2. 清潔雪櫃層板、雪櫃內部、雪櫃門
以清水加濕布清洗,並再用乾布抹至乾透;如有頑固污漬,可以用溫和嘅清潔劑。
3. 底部水槽
可以以 1 公升溫水加入梳打粉擦拭,清除污漬,徹底風乾後,先放回原位。
4. 清潔通風口
可以用吸塵機或軟毛牙刷直接清理通風口位置,千其唔好用濕布,否則有機會生鏽
5. 確保所有已清洗嘅地方完全乾訪透,先好再開啟雪櫃。