蒸焗爐簡單嚟講就係「焗爐+電蒸鍋」,底部發熱盤嘅發熱管通電而產生熱能,將鍋內嘅水快速轉化成高溫水蒸氣而蒸熟食物。
而且一機可以做到蒸、焗兩用,令食物快速熟透,既唔會破壞食物營養又有更好口感同埋鮮味。
功能性極多,可以做到蒸、焗烤、燒、焗、燉、解凍、炸(熱風對流),甚至有啲型號可以做到乾果、慢煮,喺屋企都做到多變化嘅菜式。
家用焗爐嘅原由都係採用發熱線進行烤焗,同時內置風扇製造熱風對流,令熱力均勻係焗爐內滲透,快速及均勻烹調食物。一般溫度最高可達200°C至300°C。
一般焗爐因為缺少蒸汽,煮出嚟嘅食物或焗出嚟嘅蛋糕甜品可以缺乏水份、或者比較濕潤口感。烹調美食變化上亦比較少。而蒸焗爐就有蒸汽,除咗有上述更多功能之外,喺清潔上仲可以更加方便,撳個制就自動自潔、除垢程序。比起傳統焗爐要放碗水就有蒸汽清潔方便得多。
好多人都會問蒸焗爐同水波爐係咪同一樣嘢?其實兩者功能性上真係差唔多,都係主打煮出健康菜式,但原理上有少少唔同。
水波爐係發明廠商(SHARP)嘅專利商標,原理係先將水加熱至100度變成水蒸氣,再進一步將水蒸氣加熱到超過100度變成無色透明嘅氣體,藉著過熱水蒸氣將巨大熱能穿透食物內部加熱,快速逼出食物中嘅油脂跟鹽分,減少對食物細胞破壞與氧化,就做到減油、減鹽以及保留食物營養。
提供多個模式於一機內,做到蒸、焗烤、燒、焗、燉、解凍、炸(熱風對流),甚至有啲型號可以做到乾果、慢煮,喺屋企都做到多變化嘅菜式。慳返唔少空間!
蒸焗爐蒸汽可以減少食物氧化,喺唔破壞食物營養嘅同時,又可以做到滋味香脆嘅口感。
蒸焗爐令到你入廚有更多菜式上嘅變化,例如做到燉湯、燉蛋、烚蛋等都係只有蒸焗爐先處理到。
好多人返工帶飯,都應該知道微波爐加熱完,令到飯餸變味、同變到好硬。而蒸焗爐翻熱保持到你飯餸味道、恢復原來水分!
好多蒸焗爐都有自潔程序,簡單一撳就會利用蒸汽高溫完成清潔,減少油積污垢。
香港係彈丸之地,廚房大細同佈局都係揀蒸焗爐主要考慮因素。巿面上有座檯式同嵌入式蒸焗爐,座檯式蒸焗爐可直接放喺檯面,只要連接電源就可以使用;嵌入式蒸焗爐有兩種安裝方法,可分為安裝喺牆上(Wall mounted)或牆壁櫃內(Bench mounted),蒸焗爐同廚櫃亦可融為一體,又慳位又好睇啲。你必須要留意,無論購買座檯式或嵌入式蒸焗爐,都要確認蒸焗爐可唔可以放入廚房。安裝時,最理想係蒸焗爐兩邊、機背及機頂預留空位散熱,有足夠空氣流通。
蒸焗爐一般容量都係由15公升至60公升不等,特大容量型號就可達70公升。咁要買幾大嘅蒸焗爐呢?
第一,你需要考慮自己嘅需要。先講蒸煮功能,如果平常所煮食物份量較大,又成日要蒸煮餸菜,容量較大如似30公升以上會較好,可一次過蒸煮幾款餸菜。
至於焗煮功能,要睇你想烹煮簡單嘅食物,抑或想煮出有質素嘅食物啦?如果想煮簡單食物,容量小、約20公升以下爐款嘅蒸焗爐已經足夠,因為容量細嘅爐款發熱線較接近食物,食物容易受熱,適合用於只需短時間烤焗嘅食物,例如焗雞翼、多士,翻熱披薩等。如要用來製作份量大嘅 party 嘢食,咁就要需要較大容量嘅蒸焗爐,20公升以上嘅爐款會較適合。特別留意,爐內發熱線佔去部份空間,選購時應留意實際容量而唔單指機身尺寸。
層架數量有一層至四層不等,唔同型號嘅蒸焗爐有唔同嘅層架數量,食物份量較多就可以考慮選購層架較多嘅爐款,一次就可以同時蒸煮唔同餸菜。
蒸焗爐溫度多數係30度至250度,溫度選擇越多,煮食方式就越多元化。你仲可以留意預熱時間,唔同嘅型號預熱時間可相差1倍。另外都要留意爐內溫度均勻程度,如爐嘅溫度分佈唔平均,食物質素就會較水皮啦,例如蔬菜變黃,蛋糕色澤一邊深色一邊淺色等。
常用電器,耗電量也較多。想選購較慳電型號,要點樣揀呀?你可以比較唔同型號嘅功率,選擇功率較低嘅型號。功率,俗稱「火數」、「watt數」,學名為「電功率」,即係電器喺用嗰時用電量,量度單位就係瓦特(Watt),簡稱瓦或W。功率越大,耗電量越大。
有啲爐款內置有自動清潔系統,有啲就更有易清洗內壁塗層。使用過嘅蒸焗爐入面遍佈油積,清潔都幾麻煩,如果你成日用蒸焗爐,可以考慮買配備呢啲功能嘅型號。
蒸焗爐開啟嗰陣溫度極高,如唔小心靠近爐身,有機會辣手。如果你有小朋友,切記揀一個有安全鎖嘅蒸焗爐,防止小朋友自己亂開蒸焗爐。
完全唔洗擔心買完蒸焗爐會有相對嘅食譜用,因為其實好多焗爐嘅食譜都係可以通用嘅,至於係蒸煮方面,網上亦有唔少群組同大家交流心得,更有好多唔同嘅實體本好似係由一批熱愛惠而浦蒸焗爐嘅資深用家所寫《千變萬化的蒸焗爐料理》,集合多達 50 款精選網友食譜由專業廚師將網友極具創意嘅菜式重新精心烹製、有營小食、美味健康主菜、精巧甜品一一盡有、蒸焗爐保養與活用都有,更多秘技公開,我哋 Built-in Pro 亦有唔定時連機附送呢本蒸焗爐天書,有興趣就記得 Like 我哋 Facebook 專頁啦。
消委會連同機電工程署評測市面上8款蒸焗爐,測試以效能、環保、安全、表面溫度控制、使用方便程度及聲稱吻合程度評分,更安排蔬菜、海鮮飯、蛋糕煮食測試,比較8款蒸焗爐烹調食物嘅色澤同味道。結果發現各爐款整體表現相差唔大,以5分為滿分,其中3款嘅總評分獲4.5分,另外5款則同為4分。惠而浦CS2320、樂聲Panasonic NU-SC100W同Gemini GSO17G呢3款蒸焗爐,三者總評分都有4星半。
相片來源:Topick
各爐款均以100或200℃純蒸煮模式進行測試,將約-20℃的急凍青豆,放在相同的玻璃器皿蒸熱青豆。「樂聲」、「德國寶」至「Cristal」較快達至預定溫度。「惠而浦」或許由於爐腔較大而蒸氣功率沒增加,表現較遜。
以預熱焗爐測驗各爐款焗煮嘅加熱時間。其中「Cristal」嘅蒸焗爐最高溫度設定只得200℃,預熱測試30分鐘仍未能達到要求嘅溫度而未有完成測試,表現較遜色。「惠而涌」、「樂聲」、「德國寶」及「山崎」嘅蒸焗爐溫升較快,只需約8.5分鐘就去到設定嘅溫度。
各爐款都可設定溫度,除「山崎Sanki」以扭掣設定爐溫外,其餘爐款都配備電子操控,設定可調節少至相差5℃或相差10℃嘅爐溫,比較方便。從量度爐內實際溫度可發現,「惠而浦」與「Gemini」嘅溫度操控較準確。
以各爐款製作紙杯蛋糕、蒸煮青豆及西蘭花、及烹調海鮮焗飯。所有爐款皆能焗出味道良好的紙杯蛋糕;有些青豆在部份爐款蒸煮後變黃,而所有爐款蒸煮出來嘅西蘭花都稍稍偏黃;所有爐款都能焗出色香味俱全嘅海鮮飯。
Rasonic 樂信 RSG-R38W 38公升 座檯式蒸氣焗爐
*唔建議大家亂用白醋或梳打粉,擦洗內部,因為梳打粉加熱後嘅粉末有機會影響機件運作。
蒸焗爐運作嗰時,爐門有大量蒸氣排出?
選用蒸汽功能時,睇唔到入面有蒸汽?
焗/蒸完嘢,風扇仍在運作?
蒸焗爐功率較高,應獨立用一個插座;
機背及機頂須預留通風空間,唔好放近窗簾、塑膠或紙張等可燃燒物件;
注意焗爐內發熱線及表面嘅高溫,切勿使用磨損性嘅清潔用品清理爐門嘅玻璃表面,避免爆玻璃;
煮食時唔好觸摸爐面,亦唔好俾小朋友單獨使用同觸碰;
使用後應清洗可拆下嘅烤架或底盆,發熱管及內壁可以軟布輕抹,唔應該使用鋼絲刷清潔以免刮花表面,引至生銹;
如果蒸焗爐出現異常情況,有異常噪音、氣味或過熱,應立即停止使用,並搵有經驗技師進行檢查。