臨近聖誕節,大家諗好咗要買咩禮物俾身邊嘅女士未呢?相信大家都諗到頭都大埋架喇,今次為大家搜羅6大聖誕節禮物推介,仲可以用低至1折嘅價錢買到又抵又實用嘅家電,咁多款梗有一款啱你心水,一齊好好準備聖誕節禮物啦!

1. NEX NEX-I3-BK 即熱水壺


第一款要同大家介紹嘅就係NEX NEX-I3-BK 即熱水壺,呢款即熱水壺最特別嘅位就係佢夠細,無論放起邊都夠曬慳位,辦公室、廚房、客廳或睡房想放一部都冇問題,相信細細部好啱女士放係屋企用!

佢有多個溫度選擇,即刻㩒就會即刻熱架啦,完全無需保溫,啲水即飲就係最新鮮架啦!而佢仲有三種出水量、五段水溫比你揀。無論咖啡定蜜糖水唔同溫度都可以即時斟出嚟即時沖泡!

女仔每個月都會幾日要飲多啲暖水架嘛。一㩒就會有水,完全唔使等,以前用嘅電熱水壺要等半個鐘先有熱水,等得黎口都乾埋,依家呢款即熱水壺啱曬我呢啲無耐性嘅女仔呀!

另外佢仲有低噪音設計,屋企無「共隆共隆」嘅聲,就可以舒舒服服咁做自己野啦!

加上佢介面簡潔,十分容易操作,用埋高出水口設計,大部分嘅杯都放得落架!

 

2. Baumatic 不銹鋼廚具套裝


第二款要介紹嘅就係Baumatic 不銹鋼廚具套裝,入面分別有5L特大號砂鍋、1.5L小號砂鍋同26cm中號煎鍋。對於對經常進出廚房同埋對廚具有啲要求嘅女士,買呢個套裝作為禮物佢一定好鐘意啦!

佢用左出左名高質量嘅SS304不銹鋼,仲可以兼容多種爐具,無論係燃氣、電磁爐定陶瓷都無問題!

佢入面仲有5毫米底板,可以有效改善熱量分布。

佢亦可以用洗碗機清洗,好方便架!其中煎鍋仲採用左瑞士ILAG非黏性塗層,用得可靠又放心喇!

 

3. Lightair Evolution Gold 540平方呎負離子空氣清新機


黎到第三款要介紹嘅就係Lightair Evolution Gold 540平方呎負離子空氣清新機。

平時空氣入面會有好多污染物都係對人體有害,例如細菌病毒、寵物過敏原、煙粒子、交通污染、工業污染、黴菌或者花粉等等。

加上依家病毒肆虐,呢款負離子空氣清新機有權威證明極有效減低空氣中流感傳播,專家保證咁就用得安心又放心啦!

如果你身邊嘅女士成日都有頭痛、疲倦或者鼻敏感嘅話,送呢份禮物比佢一定覺得你係溫柔貼心嘅男人喇!

 

4. Bosch MUMPC33S00 OptiMUM 廚師機


第四款要介紹嘅就係Bosch MUMPC33S00 OptiMUM 廚師機。

對於美感有追求嘅女仔一定會鍾意呢一款設計嘅廚師機,皆因佢用咗高質金屬銀色機身設計,睇落去非常之簡約,而且高貴優雅。

呢一款廚師機有1300W嘅強大摩打同埋5.5公升容量,即使係製造比較大份量嘅麵團亦都可以輕鬆完成,無論你係大家庭定小家庭都適合使用。

屋企有部廚師機,家中嘅女士就唔需要等待麵團搓柔嘅過程,可以慳到好多時間㗎!唔使等咁耐,咁就可以善用時間整多啲唔同嘅嘢食啦!

加上可以配合使用攪拌機嘅配件,有時想飲下冰沙都可以整到添!

而Bosch呢款廚師機仲設有3D全方位攪拌系統,佢可以向三個方向嘅軌道旋轉同埋攪拌,咁就可以更加均勻咁樣混合同埋攪拌碗入邊嘅所有食材喇。就算係烹飪新手定係對煮食有要求嘅女士相信我一定會鍾意呢一個功能!

呢一款廚師機Series 8 OptiMUM仲配有烘焙配件套裝,包括有攪拌漿、全金屬打蛋器(可調節高度)同埋高性搓粉鈎。呢部廚師機可以滿足晒你所有嘅願望,無論你係想整靚靚嘅蛋糕、蛋白酥皮、或者整麵團整吓麵包,呢個配件套裝都可以令你協助你整到一個完美嘅成品!

仲要佢可以放入洗碗碟機清洗,就唔使自己慢慢洗啦。

同埋大家最關心嘅安全性呢佢都係做得非常之好㗎,佢設有摩打保護蓋、電子安全關機模式、橡膠腳釘,都可以防止烹飪過程發生意外!


 

5. Cimatech 高德 CFS308GB 22公升 50厘米 二合一 座檯式組合蒸焗爐


第五款要介紹嘅就係Cimatech高德CFS308GB二合一座檯式組合蒸焗爐,佢嘅容量係22公升,闊50厘米,蒸汽功率有1600W,而對流功率有800W,同時又有1.2公升嘅大容量水箱,可咁煮野食嘅時候就唔使成日加水啦。

Cimatech呢部蒸焗爐係設計方面用左黑色一體化玻璃,有時尚嘅現代感,根據公司前台同事講返,好多女士都偏好呢種設計架!

佢仲用咗一個精磨、無框、拉絲不銹鋼外殼,以及不銹鋼腔體,非常容易襯到其他家電。用觸控式按鍵操作嘅面板方便清潔,唔容易殘留污跡,一抹就乾淨晒,絕對方便曬作為廚房主人嘅女士!

功能上除咗常規加熱,呢款蒸焗爐仲有純蒸氣同熱風蒸氣兩種蒸氣模式。用蒸氣加熱食物,可以更加健康,令食物喺烹調過程中唔會流失水份,保持鮮嫩多汁。加上有多達26種嘅自動菜單及程式選擇,無論係烘焙食品、美味燒烤、解凍、發酵,抑或蒸家常菜、包點同甜品。烹飪初哥定專業烘焙,只需要簡單撳個掣,就可以自動調校至合適嘅烹調程序。

佢仲要非常容易保養,入面有三種嘅維護保養程序,自動清潔、自動排水,器皿消毒埋都做到,送比女士就唔使擔心唔識蒸焗爐嘅維護保養啦!


 

6. Bosch MFQ4030 手提式攪拌器 (三色)


第六款要介紹嘅就係Bosch MFQ4030 手提式攪拌器啦!

佢仲有3隻顏色揀添,分別係湖水藍、石墨色、粉紅色,呢啲咁少女心嘅顏色送俾女士就最好不過啦!

佢嘅性能非常之優秀架,有500W 摩打,機身又輕巧,操作時又寧靜。仲要有5段速度選擇,點動及快速功能,非常方便女士使用!

配件方面有2 枝高效能不鏽鋼FineCreamer,可以瞬間做到攪拌同發打效果,另外仲有2 枝不鏽鋼麵糰鉤,就整咩食物都咁得心應手啦!

設計上, MFQ4030 嘅外殼非常之附合人體工學,有卸除攪拌器按鈕、輕易安裝攪拌桿、

同電線儲存及電線固定夾。

而擔心清潔麻煩都唔使擔心,佢嘅手提攪拌機及配件都非常容易清潔,攪拌器及麵糰鉤都可以使用洗碗碟機清洗架!佢用嘅物料都非常安全,所有塑膠物料不含BPA,唔使驚有害健康喇!

 

總結


好喇,今集嘅聖誕禮物推介又分享完啦,唔知呢條片幫唔幫到諗到頭都大埋唔知買咩聖誕禮物好嘅觀眾朋友呢?快啲留言話比我地知你最後買左咩啦!又或者...女士可以留言分享下你想要咩聖誕禮物架!下次再同大家睇其他家電產品啦,記得留意住我地Channel啦!有咩關於家電資訊想知嘅話,非常歡迎留言話畀我哋知,我地會keep住同大家分享架!下條片見啦,拜拜!