邊款好?邊隻好?點樣揀先至啱?2021 年最新冷氣機選購指南及專家推介 (附消委會報告重點),一定幫到你!

夏日炎炎正好眠 ! 夏天為大地帶來雨水以外,還有美腿......汗水至真呀。冷氣機已經成為了我哋日常生活中不可或缺嘅一部份,林林總總嘅冷氣機款式,你又了唔了解邊一款先適合您屋企中用?

定頻式 vs 變頻式


定頻式冷氣機

定頻式冷氣機係冇自動調節轉速嘅功能,只能一直維持喺高轉速名最高耗電量模式運作,當冷氣機達到預定嘅室內溫度前,都會用呢個轉速運作,一旦去預定溫度,壓縮機就會自動停止運轉。

壓縮機只有「ON」嗰時送出冷氣、「OFF」嗰陣就由風扇送風,室內溫度達到設定值就「OFF」,室內溫度超過設定值就「ON」,溫差大約係3℃入面,風量大細可以隨你嘅設定而改變。定頻式冷氣機嘅運轉模式會令到溫差比較大,或者會讓你覺得時冷時熱同有啲唔太舒適。

 

變頻式冷氣機

變頻式冷氣機嘅壓縮器能喺一定範圍內自動調節轉速,開動之後以高轉速運行,咁就係所謂嘅「起泵」,但係當室溫跌到某一個預設溫度,壓縮器就可以自動降低轉速。

變頻式冷氣機低轉速運行,能夠慳返唔少電。按消費者委員會喺2016年做嘅測試,佢哋發現變頻式較傳統定頻式,有較高嘅製冷能源效率,更合乎能源效益同埋慳電費,全年慳電約四成,電費亦慳到九成。

 

圖片來源:消費者委員會

 

冷暖空調機

冷暖空調機嘅外形同安裝方法基本上跟傳統嘅淨冷型(即係冇製暖)冷氣機並冇分別,同樣可分為窗口式及分體式設計。冷暖空調機與淨冷型冷氣機之間嘅分別在於淨冷型冷氣機嘅雪種只可以單方向流動,將室內嘅熱能帶到室外,而冷暖空調機嘅雪種則可逆轉流動方向,唔單止夏天可製冷,冬天時仲可以逆轉運行,將室外嘅熱能帶入室內,喺出風口吹出暖風,做到冬暖夏涼嘅效果。

 

窗口式 vs 分體式


窗口式冷氣機

窗口式冷氣機係最常見嘅款式,機身包括製冷同排風部份,估位較少,安裝過程簡單,一般會用金屬支架安裝喺窗框上或特設嘅冷氣機台上,部分型號仲設有遙控器同埋時間掣。窗口式冷氣機連同製冷部分嘅壓縮器一齊裝喺窗台。

推介大家買機嗰時可以視乎屋企有冇合適嘅窗台位置或冷氣機大細同窗框嘅位置係咪配合而定,建議可以預先了解冷氣機嘅尺寸,確保適合喺窗框安裝。

 

分體式冷氣機

可分為室外機或者室內機。室外機由壓縮器同散熱冷凝管組成。室內機係冷卻盤管。室外機同室內機須要用管道互相連接以令系統運作。

分體式冷氣機其實仲有三個選擇:壁掛式隱藏式箱型落地式

壁掛式:安裝較方便,維修保養較容易,出風口較為集中,但機體有可能影響美觀,亦要考慮管線配置同美觀。

隱藏式:出風較平均,融合空間設計,較不會破壞風格,但要配合裝潢或必須有輕鋼架天花板。維修、清潔保養都會唔太方便。

箱型落地式:一般都係商業用,喺較大空間或營業場所,風量極大。

 

 

優點

缺點

       窗口式冷氣機    

最新優惠

  • 較慳位
  • 安裝過程簡單
  • 清洗同維修都比較方便
  • 價錢相對平啲
  • 有一定機械聲

 分體式冷氣機

最新優惠

  • 安裝自由度大
  • 唔受窗口位限制
  • 通常有配備空氣清新功能
  • 壓縮器可以一拖二,仲可以只用一部室外壓縮機,安裝兩部室內機
  • 價錢、安裝、維修都比窗口式貴。

 

窗口分體式冷氣機

市面上有部分分體式冷氣機採用「窗口分體式」設計,雖然室內機嘅外形基本上同傳統分體機並無分別,同樣安裝喺室內嘅牆上,但窗口分體式冷氣機值得推介嘅係室外機嘅體積則較傳統嘅分體機細,加上有分體機嘅優點,可以安裝喺大部分窗口機位,較傳統嘅分體機比較方便安裝,解決空間唔夠嘅煩惱。

了解更多窗口分體式冷氣機款式

 

移動式冷氣機

移動式冷氣機結構同一般窗口式冷氣係一樣嘅,只係多咗四個轆,同樣係當前面出冷氣嗰陣,後面就會排出相應嘅熱氣,所以都要預留位置排熱、排水。否則做唔到室內降溫啦。或者你可以將移動式冷氣機當作另外一種降溫方式看待,就是係直吹或循環。

仲有唔少移動式冷氣機配備額外功能如製暖、抽濕、空氣淨化等,做到一機多用嘅效果。

了解更多移動式冷氣機款式

 

冷氣機匹數點揀?


揀合適自己款式嘅冷氣機之後,就要考慮匹數啦。正常嚟講,客廳同房面積愈大,就需要愈大匹數嘅冷氣機。購買嘅匹數一定要同面積配合,先唔會曬咗。大家要注意嘅係匹數同製冷量(BTU)只係唔同冷氣機嘅冷凍能力量度單位,可以參考吓下面張圖。

同樣匹數嘅冷氣機,BTU/h越大,就愈凍。不過,如果大家住或者返工地方經常受西斜影響或喺頂樓,所需嘅冷氣匹數亦可能比一般單位高,因此買冷氣機都要考慮呢個因素呀。

 

擺放位置

屋企面向有冇經常受到陽光照射,單位係咪受西斜影響,而且樓層係咪屬於高層,如果接近頂層的話,則表示太陽對單位直射會令室溫提高,冷氣機嘅負載亦會更大。需要匹數或需要更大就涼得夠快。

另外,一些房屋是禁止將冷氣機的機身伸出街外,使冷氣機機身要移到室內,令冷氣機旁的散熱位置被封住。此做法影響冷氣機的散熱,使其效率下降,浪費電力甚至影響製冷效果,更嚴重的是減少其壽命

 

能源效益

現時係香港買到嘅冷氣機係必須附有強制性能源效益標籤計劃規定踲能源標籤。標籤上嘅能源效益級別係按照進口商呈交予機電工程署嘅認可實驗所測試結果所計算出嚟,分為1至5級,1級能源效率最高、最慳電啦。

據機電工程署網頁嘅資料,以窗口式冷氣機為例,1級能源標籤就比3級嘅慳電11%;至於1級分體式冷氣機就比3級慳電36%。

冷氣機愈符合能源效益,就會消耗較少電力,有助保護環境,仲可以幫到你慳返唔少電費。

 

寧靜

知道你哋班香港人瞓覺時間已經唔夠,所以應該要注重睡眠質素,窗口式冷氣機因為壓縮機部分喺機身入面,開著嗰時有一定唔少噪音,但係唔少生產廠商已經推出唔少標榜寧靜嘅款式,買嗰時可以留意吓啦。

 

過濾功能

如果屋企有人對塵蟎敏感,冷氣機有冇配備濾網就非常重要啦,因為冷氣機外加靜電濾網甚至HEPA濾網、如果有定期換新嘅話,可以減少致敏源進入封閉環境,減少敏感問題,但係必須留意冷氣機有冇氣密設計,有好嘅氣密設計才可以確保進入冷氣機嘅空氣全部都經過過濾!

 

安裝同保養

買機嗰時應該要了解更多安裝嘅嘢,因為冷氣機安裝得唔好,會影響性能,可能會有唔夠凍問題,仲有機會漏水,甚至令冷氣機好快打柴。特別係分體式冷氣機對師傅功力考驗極高,啲管勁容易塞。所以,千其唔要自己安裝分體機,唔係嘅話遲吓有排你整。

如果想買分體式冷氣機,必須更加留意保養年期、同埋包啲咩,因為分體式冷氣機比窗口式貴,好難一壞就換,同埋維修費都唔平㗎,保養年期長,壞咗都冇咁頭痕啦。買機買熱門款式,唔係喺保養嗰時,可能要花好多時間搵零件,唔通仲要等佢係外國運嚟咩。

 

 

冷氣機專家推介(2021年最新)


Philco 飛歌 PWA809M 1.0匹 窗口式冷氣機 / Philco 飛歌 PWA812M 1.5匹 窗口式冷氣機

  • Bio-HEPA 殺菌過濾網
  • 特大回風設計
  • 環保雪種: R410A
  • 空氣流量 (m3/hr): 350
  • 1級能源效益標籤

1.0匹 價格及規格詳情     1.5匹 價格及規格詳情

 

LG 樂金 遙控變頻窗口式冷氣機 (3/4匹 / 1匹 / 1.5匹選擇)


冷凍系統

  • 壓縮機    雙迴轉變頻壓縮機製冷劑    R32

THINQ® 智能家電

  • 智能手機應用程式 (推送通知/ 溫度調節/遙距啟動/Smart Diagnosis™ 智能診斷)
  • Wi-Fi 連接  支援數碼溫度感應器  

風向調整    多角度四向(手動)隔塵網清潔提示燈 
睡眠模式    支援節能模式
運作模式    製冷/送風/抽濕/睡眠模式風速    高/中/低
運作音量    製冷/送風/抽濕/睡眠模式

  •  1級能源效益標籤

3/4匹 價格及規格詳情     1.0匹 價格及規格詳情     1.5匹 價格及規格詳情

 

Baumatic BAC101C 1.0匹 移動式冷氣機

  • 1.0 HP獨立式空調
  • 交流/風扇/除濕機功能無外部水箱的自蒸發系統
  • 24小時ON / OFF定時器
  • 可清洗的空氣過濾器
  • 製冷量:9,000 BTU / 1.0hp
  • 除水量:1.0L / h
  • 噪音水平:50-55 dB(A)

價格及規格詳情

 

Baumatic BAC121H 1.5匹 移動式冷暖冷氣機

  • 空調/風扇/除濕機功能
  • 不帶外部水箱的自動蒸發系統,用於標準
  • 雙排水系統(手動和連續出水)
  • 自我診斷功能
  • 24小時ON / OFF定時器
  • 靜音模式
  • 製冷量:12,000 BTU
  • 加熱能力:11,500 BTU
  • 除水量:1.4L / h
  • 空氣循環量380m3 / h

價格及規格詳情

 

2021年消委會報告重點


消委會測試抽查咗市面上14個品牌嘅一匹半變頻式分體冷暖空調機(冷氣機),測試咗各部機嘅製冷表演、慳電同抽濕效果。最後發現大部分樣本嘅製冷效果都高過聲稱表現。發現每年電費最貴同最平樣本之間,電費可以有6成差距。

14款分體式冷氣 有5個樣本製冷低過聲稱

14個樣本入面聲稱最高製冷量由3.20至3.60千瓦,即係俗稱「一匹半」左右,價錢由$5,980至$11,980。製冷能力方面,14個樣本中有9款嘅製冷量符合或者高過聲稱,當中三星Samsung嘅製冷能力比聲稱反而高6.6%。此外,有5個樣本嘅製冷能力低過聲稱製冷量,當中日立Hitachi係所有全樣本入面最低,比起聲稱製冷量低17.6%,消委會已將結果轉交機電工程署跟進。

能源效益差異大 每年電費差近6成

慳電能力方面,消委會以CSPF做標準進行測試,即係估計冷氣機全年從室內排走總熱量同總耗電量之間嘅比率,數值越高就係越慳電。測試發現,14個樣本嘅CSPF數值介乎4.69至7.31,得分最高者係三菱重工Mitsubishi Heavy Industries,而日立Hitachi僅得4.69分,係14個樣本中最低。

消委會再以每年使用冷氣製冷180日、每日12個鐘、總負載量喺每個鐘頭4,000千瓦、每度電$1.2計算,估算出各樣本每年要幾多電費。結果係由$657至$1,023不等,最高與最低相差$366,即係日立Hitachi嘅電費要比三菱重工Mitsubishi Heavy Industries多出56%。

消委會喺比較各樣本嘅抽濕效能發現表現懸殊。消委會指風速對抽濕表現有好大影響,如果用家想有較好嘅抽濕效果,可以因應需要揀選較低嘅風力,但低風速會令製冷性能無法完全發揮。而抽濕能力,開利Carrier樣本表現最好,每年電費估算要$952。

僅列部份牌子

牌子

型號

製冷量表現

每年電費估計

抽濕效果

總評分

三菱重工

Mitsubishi Heavy Industries

SRK35ZSXH-S

SRC35ZSXH-S

5

US$657

1.5

5

大金 Daikin

FTXM36SV1N

RXM36SV1N

4.5

US$737

2.5

4.5

三星 Samsung

AR12TXHAAWKN

AR12TXHAAWKX

5

US$807

3.5

4.5

三菱電機 

Mitsubishi Electri

MSZ-YK12VA-H1

MUZ-YK12VA-H1 

5

US$886

3.5

4

Panasonic

CS-RE12UKA

CU-RE12UKA

5

US$838

3

4

珍寶 General

ASWG12LMCB

AOWG12LMCB

5

US$883

34

富士電機 Fuji Electri

RSG12LMCB-A

ROG12LMCB-A

5

US$873

34

樂信牌 Rasonic

RS-RE12UK

RU-RE12UK

4

US$834

34

格力 Gree

GISF212BXA

(GISF212BXAE / GISF212BXAC)

5

US$924

3.5

4

開利 Carrier

38QCEP12VE

(42QCEP12VE / 38QCEP12VE)

5

US$952

44

美的 Midea

MS-12HRF8A

3.5

US$858

3

4

資料來源:sky post

 

2020年消委會報告重點


消委會測試15款窗口式冷氣機,測試各樣本的製冷量、能源效率、寧靜程度、送風量、抽濕表現、安全程度及使用方便程度。結果顯示,在不同項目的表現相近,有8款樣本總評獲4星半,並推介4款既省電又寧靜的3/4匹窗口式冷氣機:

牌子及型號    製冷能源效率    估計每年製冷所需電費
Panasonic CW-N719JA      4星半$770 
樂信牌 RC-N719J   4星半$775
約克 YC-7GB  4星半$778
東芝 RAC-H07F   4星半$777

消委會表示,在8款總評獲4星半的樣本中,「Panasonic」CW-N719JA及售$3,380的「樂信牌Rasonic」的製冷能源效率分別達3.12及3.10,反映能源效益理想,製冷量與聲稱吻合,室內寧靜程度高,加上使用方便程度不錯,值得考慮。

「約克York」YC-7GB的製冷能源效率為3.09,能源效益高,製冷量與聲稱吻合,室內寧靜程度高;「東芝Toshiba」RAC-H07F的CSPF值亦有3.09,能源效率高,抽濕效果較高,均是不錯的選擇。

消委會又比較各代理商提供的上門檢查和洗冷氣機等,保用期內的售後服務收費,相差高達8成,而保用期過後每年續保的費用,相差亦可逾1倍。

消委會提醒,高昂的售後服務和續保年費,變相降低消費者為產品保養和續保的意欲,一旦機件出現問題而未能及時維修,不但減低產品的運作效率和「壽命」,同時亦加速消費者更換新機的頻率。

資料來源: HKET

 

冷氣機常見問題


新買嘅冷氣機有嘈音?

可能係機內有裝運用物料未完全拆除或安裝唔妥當,可搵相關安裝人員檢查。

關上冷氣機時,牆身有濕氣、甚至有水珠?

呢個情況通常發生喺潮濕日子,冷氣機開咗一段長時間,室內嘅水份被冷氣機抽走,加上室外嘅溫度濕度差距大。熄冷氣機後就即刻開窗,濕又溫嘅空氣湧入遇到較凍嘅牆壁表面,就會形成水珠。

熄機前可以先開少少窗或門,等室內嘅溫度同濕度慢慢回升。

冷氣機開著嗰時有流水聲?

係正常嘅,只係雪種流動嘅聲音,就算熄機之後都可能短暫有流水聲。

唔同牌子、型號、安裝位置嘅聲音大小都有不同。

冷氣機幾時要換新雪種?

當雪種唔足或流失,才需入新雪種,所以一般無需定期入雪種。

 

冷氣機使用小貼士


1. 盡量避免將冷氣機安裝喺有陽光直射嘅位置。

2. 切勿阻擋冷氣機進氣口或出風口。

3. 拉上窗簾避免陽光令室溫上升,盡量關閉門窗。

4. 盡量關上窗口式冷氣機的通風口(air vent)

5. 應設喺最高風速檔,發揮冷氣機最大性能,達至最慳電嘅效果。

6. 配合風扇,加強室內空氣流動,有助體感溫度降低。

7. 夏季期間建議約每兩周清洗隔塵網、進氣口及出風口一次,以防止氣流受阻,影響效能,並定期安排有經驗的技師檢查、保養及維修。