空氣清新機推介、空氣清新機比較、空氣清新機牌子及選購攻略 2023

2023-01-06

邊款好？邊隻好？點樣揀先至啱？2023 年最新空氣清新機選購指南及專家推介 (附消委會報告重點)，一定幫到你！

武肺去到依加都冇咩完結嘅跡象，空氣清新機作為屋企抗疫第一守護神，你又點可以唔買返部？

空氣清新機選購攻略目錄

濾網種類
潔淨空氣輸出率（CADR值）
適用面積
運作噪音
附加功能
2023 最新空氣清新機專家推介
消委會測試比較空氣清新機（2018年更新）
空氣清新機使用貼士

首先，我哋可以先了解空氣清新機運作原理，換句說話講，即係用咩因素去判斷潔淨空氣嘅效能。

第一、用咩濾網？

HEPA 濾網：由纖維所製成，係最為常見嘅空氣清新機濾網，可以過濾 99.7% 嘅 PM0.3，但唔可以重用，亦唔能夠消除異味，大部分都唔可以用水洗。

銀離子：係一種較新且非常有效嘅技術，已經廣泛應用到唔同地方作為抗菌用途，例如通風管道或油染等。

活性碳濾網：通過活性碳消除異味及揮發性有機化合物，不過就無法過濾灰塵。大概可以用 3-6 個月左右，裏面嘅物質就會飽和，失去功效，需要定期更換。

靜電式：一般少於 0.01 微米，同時隔絕所有細菌及病毒，且有效去除油煙及二手煙微粒，但係需要定時清洗組件，否則唔可以發揮效用。

負離子：利用化學反應將異味分子變成一般水同二氧化碳，讓空氣入面嘅飄浮微粒帶電，喺互相吸引後就會跌係地上變成灰塵，但有效範圍好細，一般只能有幾十平方尺，並產生一定數量嘅「臭氧」，必須要喺空氣流通嘅地方使用。通常負離子會搭配HEPA濾網使用。

臭氧：可用作殺菌，但只適合喺處理水。因為氧係非常唔穩定，吸入過量會對肺部會造成損害，最好唔好亂咁用。

光觸媒：用紫外光分解有機物，包括空氣中細菌。不過呢個方法分解速度慢，除非空氣通過時間夠長、夠耐，否則無法分解空氣中細菌。

淨係睇濾網邊到夠？要睇一部空氣清新機潔淨能力有幾勁，其實我哋仲要留意一部空氣清新機嘅潔淨空氣輸出率(CADR值)同埋適用面積。

第二、潔淨空氣輸出率（CADR值）

CADR（Clean Air Delivery Rate）係一款由美國家電製造商協定嘅標準，代表空氣清新機淨化唔同污染物速度數值。數值越高，淨化污染物嘅速度就越快。

然而，同一部空氣淨化機喺去除唔同污染物時有唔一樣速度，所以喺比較唔同型號嘅CADR時，要對應涉及係咩污染物。有啲舊空氣清新機未有提供相關資料，所以單靠CADR值未必可真正反映空氣清新機效能。

第三、適用面積

除了CADR值，唔少空氣清新機以間房大細 (或稱適合房間面積) 嚟表達淨化能力。各位可因應間房或窒內空間大細使用，一部迷你座枱式空氣清新機可能已經夠用；如果喺客廳，揀適合面積較大嘅座地式空氣清新機就較為合適。

不過，我們唔能夠單單用可使用面積去衡量一部空氣清新機嘅淨化能力，因為一個空間嘅污染程度會令空氣清新機嘅實際可使用面積而改變，而且唔同廠商在計算面積時採用嘅單位都唔同，所以唔可以直接以廠商提供嘅數字作比較，各位係呢一點要多加留意。

第四、運作噪音

CADR數值越高淨化污染物嘅速度就越快，同時又會有更多噪音，所以依加好多牌子都研發唔同嘅摩打，意味住可以減少噪音同時提升CADR數值。一般運作聲音已經可以壓低到50分貝左右，而有一啲牌子型號特設睡眠模式，噪音分貝可以做到只有19，實行靜過太空。

但想真正了解部機嘈唔嘈就梗係睇吓實物試試機，Built-in Pro 有3間門市都有準備一啲型號俾大家！門市可以拉到最底！

附加功能

睡眠/夜間模式

用最寧靜嘅設定進行監控同淨化，亦會將屏幕校到最暗。

空氣品質偵測

令您可以實時了解屋企空氣質素，有啲空氣清新機會有偵測機，一般可以偵測到PM2.5甚至PM1.0，仲有顯示燈，唔同顏色嚟代表空氣污染嘅嚴重程度。

APP應用程式

你可以下載相關嘅APP了解空氣清新機嘅狀況，例如濾網嘅飽和量、實時嘅室內空氣品質、用電量等等，仲可以當成遙控，開閂部機或者係製訂每日編排。

自動感測空氣品質

當空氣清新機感測空氣污染超過安全水平，就會自動啟動快速清淨功能。

循環扇

可以令到淨化咗嘅空氣吹到更加遠，仲可以令到屋企入面嘅空氣更加流通。

2023 最新空氣清新機專家推介

Lightair IonFlow 50 Evolution Gold 空氣清新機 (建議使用面積 540尺)

有效減低空氣中流感傳播，減少病毒活躍度高逹97%！

除去PM2.5等懸浮粒子超過99.8%
1小時除總菌量達91.5%
除去甲醛超過99%
除去空氣中異味 (包括煙味)
幾乎靜音設計，只有21dB(A)
7W特低耗電
終身免耗材，不用購買高價消耗品 (如過濾網)，集塵環可水洗
釋放高濃度負離子，優化室內空氣質素
唔會產生臭氣

搶購鏈結

LG 樂金 AP151MWA1 1.67平方米 PuriCare™ 便攜式空氣清新機

去除 99% 有害物質
快速淨化空氣
雙重淨化風扇
小而輕巧、低噪
獲 Intertek、英國過敏協會等多個認證
支援藍芽

搶購鏈結

LG 樂金 AS55GDWU0 554平方呎 PuriCare™ 360° 空氣清新機 (韓國製造)

360° 全方位空氣淨化
PM1.0 懸浮粒子及異味感應器
去除包括甲醛等5 大有害氣體
ThinQ™ IoT 智能家電

搶購鏈結

Philips 飛利浦 AC4558/31 1119平方呎 4500i系列空氣清新機

智能空氣感測器可偵測到最細微的空氣變化，並調節風扇速度，帶來最佳的空氣淨化效果。
提供 4 種專門設計的自動模式，包括：一般、污染、氣體和致敏原模式。
採用升級的 VitaShield 技術，有效去除 99.97% 小至 0.003 微米的粒子（比 PM2.5 小 800 倍），包括 PM2.5、病毒、細菌、花粉、塵埃及寵物毛屑。
經歐洲過敏研究中心機構 (ECARF) 認證防敏。

搶購鏈結

消委會測試比較空氣清新機

消委會喺2018年9月委託獨立實驗所，測試咗市面12款空氣清新機唔同方面嘅表現，包括去除煙味煙霧、塵埃同花粉速度、去除甲醛速度、安全程度、空氣淨化速度、使用方便程度、能源效率同寧靜程度等等。

結論：愈貴未必愈好？！

係呢次測試入面，價格差距好大，由$1,099至$7,080，最平有小米嘅 2S(AC-M4-AA)，而最貴就係 Blueair Classic 405 (SmokeStop)，為香港人最熟悉牌子Dyson都係呢次測試入面，售價為 $5,480。

小米評分高過Dyson？！

最後總評分入面，小米空氣淨化器2S(AC-M4-AA) 有4粒星，而Dyson 兩個型號Pure Cool TP04 同 Pure Cool Link TP03都係得3粒星， Pure Cool Link TP03係空氣淨化表現更只得2.5粒星。

去甲醛方面，消委會指所有樣本都可以降低空氣入面嘅甲醛份量，不過當中速度最慢比起最快嘅樣本相差成26倍。當中以飛利浦樣本AC3259/31表現最突出，每分鐘去除甲醛CADR 139.9立方呎；而法國特福嘅樣本就差，僅得每分鐘5.1立方呎。報告更指出，有七成半嘅樣本喺除甲醛評分只有2.5分或以下。

最後，消委會又指出有4款聲稱適用房間面積較細嘅空氣清新機，清除顆粒物嘅速度較3款聲稱適用面積較大嘅樣本快。

所以提醒消費者喺購買空氣清新機嗰時，要留意產品聲稱嘅適用面積未必反映到實際淨化表現。

牌子	型號	總評分 (5星為滿分)	空氣淨化表現 (5星為滿分)
飛利浦	AC3259/31	4.5	4.5
日立	EP-NZG70J	4	4
無印良品	MJ-AP1GL	3	3
聲寶	KC-AH50-W	4	4
Panasonic	F-PXM55H	3.5	3.5
小米	空氣淨化器2S(AC-M4-AA)	4	3.5
Blueair	Classic 405 (SmokeStop)	3.5	3.5
法國特福	PU4065	3	2.5
Dyson	Pure Cool TP04	3	3
Dyson	Pure Cool Link TP03	3	2.5