【好物推介】Baumatic BTD51 排氣乾衣機｜衣服乾唔到有噏味？｜香港點解可以咁潮濕！｜延長乾衣機小貼士

Baumatic BTD51 排氣乾衣機目錄

乾衣機種類＋運作原理

市面上乾衣機排走水分的方法分為2種，分別係排氣式同冷凝式。今集會同大家講解佢哋嘅運作原理同差別先。

排氣式乾衣機係最傳統嘅乾衣機種類，原理係將空氣抽入滾筒進行加熱，吸收衣物嘅濕氣，再以水蒸氣形態排出室外。排氣式乾衣機嘅價格一般都較相宜，適合預算少嘅家庭。建議加裝排氣喉，避免濕氣留喺室內影響乾衣效能，入手之前要考慮屋企嘅安裝位置滿唔滿足到加裝排氣喉嘅需要。

排氣式乾衣機細分下，可以分為以電力發熱同煤氣發熱。市面上電力發熱嘅排氣式乾衣機我哋都統稱做排氣式乾衣機；煤氣發熱嘅我哋就叫佢做煤氣式乾衣機。相比煤氣式乾衣機只可以安裝喺煤氣喉覆蓋到嘅地方，排氣式乾衣機喺安裝上就冇咁多限制嘅。乾衣速度方面，由於煤氣排氣式乾衣機係用氣體燃料提供高能量熱力去乾衣，所以乾衣速度一般較電動乾衣機快。

冷凝式乾衣機同排氣式乾衣機乾衣原理一樣，最大嘅分別喺冷凝式乾衣機內置嘅冷凝器，可以將水蒸氣冷卻變凍水，再儲存喺乾衣機嘅儲水箱。過程唔洗排出水蒸氣，所以安裝位置都唔受限制。但係冷凝式乾衣機有機會令室內氣溫升高耗水量較多，而且相對排氣式乾衣機，冷凝式乾衣機嘅售價都會較高㗎。

介紹Baumatic BTD51排氣乾衣機

咁事不宜遲就嚟講吓呢部Baumatic BTD51排氣乾衣機嘅規格先，佢高690mm闊600mm深480mm，小巧輕便嘅設計，更有效地利用家居空間，絕對適合香港「窩居」嘅環境。唔好睇佢體積細細，有成足足5公斤既乾衣量㗎，即使4人家庭都可以輕鬆夠用。

佢採用不銹鋼滾筒，高嘅耐腐蝕性 可以令佢喺潮濕、高溫、高壓嘅環境都發揮所長，配合高速旋轉渦輪風扇，令每次乾衣都可以做到卓越嘅效果，確保衣物乾燥唔留異味。

旋鈕設計可以簡單控制0－200分鐘計時器同功能，令乾衣過程操作簡單，易於使用，唔熟悉電器嘅用家都可以輕鬆上手！另外，佢內置雙層棉絨過濾器去隔除滾桶入面嘅衣物纖維，避免纖維細絲積聚，影響機件運作。

安裝方面，佢配有牆壁安裝套件，用家可以按照自己需要 去選擇掛牆定係座地，令室內設計保持彈性。

佢仲有可調式水平腳，俾用家輕鬆調較高度，高定矮都完全冇問題！

安全性方面，佢有三組獨特嘅熱保護裝置，減低乾衣過程產生熱力而引致燙傷嘅機會。另外，佢仲設有開門自動暫停功能，可以避免用家响中途打開機門嘅時候 俾仲轉緊嘅滾筒整傷。
 

延長乾衣機壽命小貼士

跟著落嚟就到延長乾衣機壽命嘅小貼士啦

• 使用乾衣機嘅時候，為免機件負荷過重，用家應該放入建議容量嘅衣物，確保乾衣量唔會超載。
• 乾衣機耗電量比較大，建議乾衣機使用獨立的供電插座 。
• 唔好將羽絨、含有膠質或者蠟質等等嘅衣物放入乾衣機。因為呢啲物質响加熱之後有機會會熔化、燃燒，甚至釋放有毒氣體㗎。