【心水推介】Bosch MUM9A66N00 OptiMUM廚師機｜粉紅少女心首選！｜1600W強力摩打+ 智慧型麵團感應器

Bosch MUM9A66N00 OptiMUM廚師機目錄

介紹Bosch MUM9A66N00 OptiMUM 廚師機

事不宜遲，一齊嚟睇下呢部Bosch MUM9A66N00 OptiMUM廚師機先，榮獲2017年紅點設計大獎，一眼睇落去就即刻俾佢粉紅色嘅機身吸引到，設計優雅嘅高質全金屬機身，令佢有更好嘅耐腐蝕性同散熱能力，即使點攪拌都唔會有過熱嘅情況出現，靚得嚟亦都好襟用㗎！

佢有7段速度選擇，用家可以輕鬆按照自己嘅食材去作出調整。

佢採用咗1600W強勁摩打外加智慧型麵團感應器，令到攪拌速度可以保持穩定高速，即使大量嘅食材都做到快速運轉，用家只需要撳個制就攪拌出完美嘅麵團。加上佢嘅3D全方位攪拌系統，向三個唔同嘅方向旋轉攪拌，令攪拌碗入面嘅所有食材更完美、更均勻，連邊邊位都唔會漏㗎！

佢自帶5.5公升嘅特大不鏽鋼攪拌碗，可以一次過處理大量食材！3.5公斤嘅蛋糕麵糊都完全唔係問題，咁樣慶祝生日定開party都可以輕鬆搞掂啦！

附送嘅Series 8 OptiMUM烘焙配件套裝包括不鏽鋼搓粉鈎、不鏽鋼打蛋器同全方位矽膠貼邊攪拌槳，用途廣泛，適用喺製作蛋糕、蛋白酥皮或麵包等等。

用家亦都可以選擇加配其他配件，例如切割工具、雪糕機、碎肉器、意粉配件同攪拌機，進一步發揮廚師機嘅萬用功效。

跟住落嚟等我哋打開廚師機嘅上蓋睇下，我哋可以見到廚師機上面嘅接駁位有2種顏色，Bosch為咗令配件準確安裝，喺OptiMUM實用嘅配件都設有彩色編碼，用家只需要按照對應嘅顏色安裝就可以輕易使用。佢仲設有智能工具轉速感應：無論使用什麼工具，都能感應每個工具可使用的最高轉速。

安全性方面，佢底部設有防滑吸盤，可以吸附喺檯面，唔易滑動，確保廚師機嘅穩定性。另外，仲設有電子安全關機，可以防止摩打意外啟動而發生意外。用起上嚟安全又安心啦！

廚師機使用小貼士

依家就嚟到廚師機使用小貼士啦，

使用廚師機嘅時候應該將底座放喺平坦、乾淨嘅表面上，確保底部吸盤可以發揮其功效，保障安全。
建議响每次使用廚師機之後，要立刻徹底清潔使用過嘅配件，避免積聚食物殘渣同細菌。
清潔廚師機千奇唔好將機身底座浸泡喺水入面或者放喺水龍頭底下沖洗，避免引致觸電！