邊款好?邊隻好?點樣揀先至啱?2022 年最新嵌入式煮食爐選購指南及專家推介 (附消委會報告重點),一定幫到你!

香港地「小人多」,生活空間愈來愈壓迫,開放式廚房愈嚟愈普遍,為左慳位,嵌入式煮食爐都好咗好多人用,種類繁多、唔識揀或者係唔知有咩要注意,使用個時有咩要留意,消委會近年煮食爐測試重點都一一係曬呢篇文章,希望可以令你對揀煮食爐有更多基本知識。

嵌入式煮食爐選購攻略目錄

 

嵌入式煮食爐種類


氣體煮食爐

氣體煮食爐主要分為煤氣爐石油氣爐兩款。

煤氣煮食爐/石油氣煮食爐

煤氣爐同石油氣爐特點都係明火煮食,即時加熱,火力一般較大,煮出嚟嘅嘢食較有鑊氣,操作容易。

煤氣煮食爐 vs 石油氣煮食爐 揀邊款?

煤氣爐同石油氣爐雖然有好多種唔同嘅構造型式,但係基本上用途都係一樣嘅,其實要邊一款都係睇你住所大廈或地區供應邊一種氣體。事實上,同一型號嘅氣體煮食爐有供煤氣用或石油氣用之分,只係調壓器唔同。石油氣供氣壓力比煤氣大,所以煤氣爐唔可以駁石油氣,反之亦然。

 

電磁爐

IC (Induction Cooker, 或日本稱IH) 電磁爐係通過磁場感應發熱,由爐具內嘅線圈產生磁場,磁場通過鐵磁體(即係有含鐵鍋具)時會產生感應而出現渦流電流(Eddy current),從而產生熱力。電磁爐比起氣體煮食爐最大嘅好處就係熱力直接傳到鍋具,減少熱力流失,可以慳高達七成嘅能源費用。此外,因為無需空氣燃燒,開爐嗰時唔會有毒廢氣或碳微粒。不過必須留意電磁爐會產生電磁輻射,小朋友、孕婦及使用心臟起搏器嘅人士就要慎用電磁爐。

 

電陶爐

電陶爐係用鎳鉻金屬發熱體,將電熱能轉變為紅外線,直接加熱爐面傳熱,所以唔需要用鐵鍋,用陶瓷、玻璃、砂鍋等等耐熱鍋具都可以用。而且電陶爐火力大,同明火煮食沒有大分別,而且電陶爐唔會產生輻射,不過傳熱效率唔夠電磁爐高,所以用電量較大。價錢比起電磁爐貴少少。

 

電磁+電陶爐(2合1)

近年都多咗好多人詢問有關於2合1電磁+電陶爐,其實即係煮食區分為電磁或電陶爐,令都用家你係使用上更加靈活,有電磁爐慳電既同時又可以有電陶爐猛火嘅長處,如果你有興趣了解更多,可以搵我哋客戶服務專員,或入去睇下有咩好選擇<<嵌入式電磁+電陶爐(2合1)>>

 

電炸爐、燒烤爐、鐵板燒爐

唔少名牌廠商或獨立牌子更有推出電烤爐、電炸爐、電蒸爐甚至電鐵板爐等其他專門用作烤炸、蒸食物或作鐵板燒輔助大家唔同嘅煮食需要。以上提及嘅爐具都可以獨立安裝或者配合同品牌產品組合購買。可以 click 入去了解睇睇有咩選擇<<嵌入式燒烤爐、電炸爐、鐵板燒爐>>

 

 

嵌入式煮食爐比較


 

 

  煤氣爐/石油氣爐 電磁爐 電陶爐
優點

火力大

控制火侯較易 

無預設溫度級數

熄爐後迅速冷卻

無火煮食,減低火警機會

爐面易於清潔

傳熱效率高,可達90%,有效節能

安裝簡單,插電即用

 

可設定自動熄火,安全性高

火力大(煤氣爐差不多),最高可達700度左右。

唔駛配合特定鍋具,只要係陶瓷、玻璃、鋁壺、砂鍋等耐高溫嘅平底鍋都可以用

有明火煮食嘅的感覺。

缺點

爐頭難清潔

廚房變到好熱

有機會漏煤氣

能源效益低

須要自行調節溫度級別,火力控制唔靈活。

只能用特定鍋具(鐵器)。

熱效率唔及電磁爐好,加熱速度慢。

使用時廚房溫度提高

熄爐後亦需要時間冷卻爐面。

 

 

選擇嵌入式煮食爐的基本考慮因素


爐頭/煮食區數目

爐頭一般係氣體煮食爐叫法,而電磁爐/電陶爐嘅「爐頭」可稱為煮食區。

通常煮食爐都有兩至四個煮食區/爐頭,當然有啲型號亦可以多達五、六個。爐頭愈多當然係使用上變化愈大,可以喺短時間同時處理多個菜式。愈多爐頭同時煮食就會產生好更油煙,所以應配合一個抽力較大嘅抽油煙機,你可以參考<<抽油煙機推介、抽油煙機比較、抽油煙機牌子及選購攻略 2021>>

 

火力

一個煮食爐火力有幾大可以了解產品嘅最大輸出功率(以千瓦時 kw/h 為單位)。

煤氣爐一般功率可以去到6千瓦火力,但相同款式接駁石油氣就會得4.5千瓦火力,所以要記得唔好搞亂呀。

電爐嘅煮食區可以有2至3個唔同嘅功率火力。以高低功率煮食區互相配合幫助你處理唔同菜式。一般巧率範圍係較經濟的1.2千瓦時至快速加熱的2.4千瓦時都有。而一些最強火力的感應區範圍則可以高達3千瓦時甚至更高。

 

多環設計

無論係氣體煮食爐定係電磁爐都有多環設計,雙環甚至三環設計嘅煮食爐為你提供了額外的火侯控制。例如雙環喺一個爐頭只係可再拆分為內環同外環,兩個環均可獨立調較熱力。如果你係需要用細煲,您就可以閂咗外環火力,令到火力可以更加集中加熱,減低熱力流失。而三環同樣係差唔多原理,中間多一個環,令你可以更加細緻控制火侯。

 

 

嵌入式煮食爐的安全性及其他功能


熄火保險裝置

氣體煮食爐最好有熄火保險裝置。呢個裝置主力用作熄火後截斷氣體供應,阻止燃氣進入爐頭,以免氣體洩漏。即使你唔睇火,煲瀉湯又或者係突然大風吹都會自動停止氣體流向爐頭,都唔存在安全問題。

電磁爐或電陶爐都有鍋具感應器可以檢測到係咪有一個兼容嘅鍋具放置喺爐面。如果你拎開咗個鍋具被,嗰個煮食區功能將自動關閉。如果你開咗電源好耐但又冇放鍋具上去,電爐就會切換到自動待機模式,以免浪費電源或產生安全問題。

 

餘溫警告燈

通常係熄火之後都仍然有少量餘熱。餘溫警告燈著咗即提醒你唔要掂到嗰個區域或者放其嘢上去直至佢再次冷卻。

 

旋轉控制鈕

一般都係氣體煮食爐先有,係較為傳統嘅選擇,使用非常簡單,只需要撳住個制1至2秒左右,就可以成功撻著個爐,之後就可以簡單轉動控制你想要嘅火力。這個設計優點比較難唔小心掂到或撞到煮食爐嘅開關。

 

觸控式開關

用觸控設計整個爐具表面就更加簡潔光滑,且方便直接清潔,旋轉控制鈕容易有隙縫,有機會有污積。而觸控面板嘅兒童安全鎖模式更可確保小朋友唔會唔小心開到爐。觸控式開關會較常見於電磁爐/電陶爐,但少數玻璃面板嘅氣體煮食爐都有觸控設計,廠商會將觸摸控件嵌入到玻璃入面。

 

童鎖

氣體煮食爐通常有兩個位置放開關,一係爐頭前部,一係就側面。一個開關喺側面嘅氣體煮食爐有一個最明顯嘅好處,就係個位置稍靠後,小朋友唔會咁易撳到。而氣體煮食爐大多數都係用物理形式做童鎖,有時候鎖得唔用都有可能比小朋友開到。而觸控面板嘅兒童安全鎖模式就比較安全,小朋友難以因為亂撳就可以開到。

 

 

煮食爐爐面物料


不銹鋼

不銹鋼材料會工業風格,而拉絲不銹鋼帶來一種更加柔和嘅啞光效果。兩種材質都具有耐磨嘅特性,外觀時尚,適合有好多金屬表面電器嘅屋企。

 

強化玻璃

表面光滑,外觀時尚,清潔應該係最方便。一般食物殘渣好難黏實喺玻璃到,所以可以很容易擦去玻璃上嘅污積。有一啲較進階嘅型號,會有無框玻璃設計,可以完美嵌入廚櫃,方便你沖洗整個枱面。

 

搪瓷

搪瓷設計會顯得比較復古,搪瓷表面常見喺較平嘅入門級機型或復古機型。如果您唔中意玻璃或不銹鋼嘅設計,您可以選擇白色,奶油色或黑色搪瓷設計。

 

 

專業煮食爐推介 (2022最新)


嵌入式煤氣煮食爐推介 :Kuzzo KF-326TG 75厘米 嵌入式雙頭煤氣煮食爐 (ISO9001優質認証)

嵌入式煮食爐-煤氣煮食爐

  • 德信工程師專業耐用設計 獨立中心火
  • 鍛鑄雙環火爐頭 堅固耐用
  • 人體工學太極型設計旋扭 輕易調節火力
  • 專利 F-1 TECHNIK 電子點火設計
  • 5500W X2 火力輸出 (煤氣型號)
  • 專利 AVC 熄火安全裝置
  • 易拆式水盤設計 滾瀉後方便拆走清洗*
  • ISO9001 認證強化平面玻璃 光潔耐用

詳細規格及價格     更多嵌入式煤氣煮食爐款式

 

嵌入式煤氣煮食爐推介 :Kuppersbusch GKS3920.0ED 30厘米 嵌入式雙頭氣體煮食爐(煤氣) 德國製造

雙頭煤氣爐-煤氣爐推介

  • 前置式控制旋鈕
  • 超薄燃燒器
  • 安全裝置 / 變量設置
  • 平鍋適用(鑄鐵)/ 燃燒器蓋(鑄鐵)
  • 不銹鋼框架
  • 德國製造

詳細規格及價格     更多嵌入式煤氣煮食爐款式

 

嵌入式石油氣煮食爐推介 :Electrolux 伊萊克斯 EGC2901HKLPG 29厘米 嵌入式單頭石油氣煮食爐

石油氣煮食爐-單頭煮食爐

  • 5千瓦(香港石油氣)
  • 法國Euro Kera陶瓷 + 玻璃面板
  • 意大利進口爐頭組件
  • 可調校內外環火
  • 鑄鐵製爐架
  • 電熱偶安全裝置
  • 旋鈕式電動打火
  • 獲GU05認證

詳細規格及價格     更多嵌入式石油氣煮食爐款式

 

嵌入式電磁爐推介 :Rasonic 樂信 KR-R227E 2800W 嵌入式/座檯式 雙頭電磁爐 (日本製造)

電磁爐推薦-雙頭電磁爐

  • 額定功率:2.8千瓦
  • 9段火力及最高7段溫度控制(火力共享)
  • 紅外線感應器,可以準確檢測出鍋底溫度
  • One Touch烹調鍵 (煎炒、油炸、煮粥功能)
  • 2級能源標籤

詳細規格及價格      更多嵌入式電磁爐款式

 

嵌入式電陶爐推介 :Baumatic BHC305.2 30厘米 嵌入式雙頭電陶爐

嵌入式電陶爐-電陶爐

  • 1個1.80kw超高速區,ø200 mm
  • 1個1.20kw超高速區,ø165 mm
  • 結晶陶瓷玻璃
  • 直接感應器觸控
  • 9級功率設定

詳細規格及價格     更多嵌入式電陶爐款式

 

Baumatic BHIC243 68厘米 嵌入式水晶玻璃電磁及電陶爐

電磁爐-電陶爐-電磁爐推薦

  • 1 x 2.0kW 電磁區,Ø200 mm  +  1 x 2.0kW 陶瓷區,Ø200 mm
  • 10 段功率溫度設定
  • 前置觸控操作
  • 兒童安全鎖
  • 開機指示
  • 餘熱指示
  • 爈具識別

詳細規格及價格     更多嵌入式電磁電陶爐2合1款式

 

 

煮食爐消委會測試


2019年電磁爐測試

消委會於2019年與機電工程署合作,當時測試了市面上12款座枱式單頭電磁爐,包括9款超過24厘米闊的普通電磁爐,以及3款小於24厘米闊度的迷你電磁爐。測試結果發現有7款未能完全通過安全測試,型號分別為「SPT IC-2020HF」、「美的Midea QH2130」、「伊碼Imarflex IIH-2100G」、「卓爾Summe IC-S2000K」等普通型號電磁爐,以及「法國名家Famous F1-13D(FAM)」、「樂斯Nutzen MIC-101」、「家美Homey IP-F8」。

消委會的安全測試可分為樣本的結構、溫度提升及標示說明等項目。於結構方面,測試標準要求輕觸式電磁爐必須用家於2個不同位置按鍵後,才可開始煮食如電磁爐面放有合適鍋具,只需輕輕按動開關掣就會即時加熱,並不符標準要求。至於其餘7款輕觸式樣本,則符合標準要求,即需要先按開關掣,再按鍵選擇烹調程序或調校火力才會開始加熱步驟。

溫度提升方面,「家美Homey IP-F8」電磁爐一樣不及格,其電磁線圈於正常操作時量得達108K,超出75K的溫度上升標準上限。消委會提醒市民,如果線圈長時間於超標準上限的溫度運作,可妁令絕緣系統加速老化,會影響操作,嚴重則可致「跳大掣」。

消委會是次亦有測試這批電磁爐的效能,當中包括了待機消耗、加熱速度、操作效率、低火力控制等。當中「Ikea Tillreda」在沒有任何操作下耗電率最低,較為省電。於操作效能上,「SPT IC-2020HF」及「米家MI DCL01CM」的表現則較佳,操作效率均超過82%。

加熱速度方面,「Ikea Tillreda」、「米家MI DCL01CM」、「SPT IC-2020HF」、「美的Midea QH2130」等電磁爐都可以在4分鐘內加熱一升水,屬於表現較佳。低火力控制方面,「SPT IC-2020HF」及「卓爾Summe IC-S2000K」能夠於加熱15分鐘後仍然將油溫控制於攝氏75度以下,屬於表現較佳者。

 

2017年氣體煮食爐測試

消費者委員會測試市面上18款煤氣及石油氣煮食爐,發現其中三款的燃燒表現測試不合格,釋出一氧化碳濃度超標逾一倍。機電署指三款爐在正常情況下使用亦安全,消委會提醒市民在使用時應保持廚房空氣流通。

今次消委會測試18款雙頭氣體煮食爐,分別為煤氣及石油氣爐,及各有六款嵌入式及三款座枱式,均有機電署的「GU」安全標誌,售價介乎$1,630至$4,280。

測試模擬最壞情況,並以較極端的高供氣壓力及最高火力測試,結果發現,其中三款中國製造的煮食爐在操作時會產生過多的一氧化碳,濃度分別由0.17%至0.36%不等,超出「基本安全評估」規定上限的0.14%,最多超出約1.4倍至1.6倍不等。出現問題的品牌分別為煤氣嵌入式煮食爐的「惠而浦Whirlpool AGK233」、「飛歌 Philco PH2753B」及一款煤氣座枱式煮食爐「德信牌 KÜZZO KF-218T」。消委會已將結果交機電工程署跟進。

機電署指,因廚房本身有一定空間及空氣,用戶在使用煮食爐時亦應確保空氣流逍,故操作時產生的廢氣不會積聚,強調上述產品在正常情況下使用亦為安全。三個品牌均表示可為客戶安排免費檢查。

資料來源: HK01

 

消委會測試雖然都係作為一個基本参考,但我哋可以從中了解揀爐嗰時可以輕觸式電磁爐嘅開爐方式係咪符合必須喺 2 個唔同位置撳制開機,好多貨品說明可能未有提及,但你可以隨時到門市睇睇。

 

 

購買嵌入式煮食爐常見問題


開放式廚房係咪一定要用電爐?

根據《2011年建築物消防安全守則》,係沒有訂明開放式廚房需用什麼煮食爐具。如果開放式廚房係根據已核准大廈圖則建成,冇違反消防及符合建築條例等要求,當然就可以合法使用。

購買非煤氣公司嘅煮食爐,可唔可叫煤氣公司代為安裝?

可以,煤氣公司會收取有關費用。

點樣判別鍋具適用於電磁爐?

只需要用一粒磁石放喺鍋具底部,如果能成功痴實,即係可以用喺電磁爐。

嵌入式煮食爐入面舊電可以用幾耐?

大約可以用1年,由於電池係喺出廠時安裝,可能已經係爐內有一段時間,所以有機會用唔足一年。

點解氣體煮食爐會「噠噠」聲響?

一般係因為電池盒或點火針出現問題。當點火針濕咗水或遇濕氣時就會有「噠噠」聲。可以先取出電池,等打火針風乾後放返電池入面就得。

 

 

購買及使用嵌入式煮食爐貼士


  • 根據《氣體安全條例》,所有本港氣體煮食爐,必須有機電署發出嘅「GU」標誌,而使用之前必須經註冊技工進行安裝或測試。
  • 避免喺煮食爐附近放置易燃物品
  • 若煮食爐撻唔著,唔好太急係咁撻,因為每次撻爐都會釋出燃氣,有機會發生搶火甚至爆炸
  • 記得經常清潔爐頭及爐架,以保持爐頭氣孔暢通。
  • 最少每18個月,就要聯絡註冊氣體工程承辦商做安全檢查。