屋企新裝修,又有較大空間,而且對成個廚房設計都有少少要求嘅話呢,以下介紹可能更加適合你。因為今次,我哋將會介紹五款最暢銷嘅嵌入式蒸焗爐!

嵌入式蒸焗爐選購攻略目錄

 

 

 

 

座檯式蒸焗爐

可直接放喺檯面,只要連接電源就可以使用;獨立式焗爐主要優點係可以容易安裝喺現有嘅廚房,唔駛額外裝修配合; 缺點係冇嵌入式焗爐令廚房更時尚嘅感覺。

 

嵌入式蒸焗爐

嵌入式一般有兩種安裝方法,可分為安裝喺牆上(Wall mounted)或牆壁櫃內(Bench mounted),焗爐同廚櫃亦可融為一體,又慳位又好睇啲。

 

蒸焗爐比較:嵌入式 vs座檯式


容量

對於座檯式嚟講,38公升已經好厲害;但對嵌入式呢,只不過係起步咋。市面上大多數嵌入式蒸焗爐,容量都都介乎40-70公升左右,甚至可以去到80L。

 

散熱 / 蒸氣排氣口

而嵌入式蒸焗爐嘅蒸氣排氣口,一般都喺前面,而座檯式就多數喺後面,不過即使係咁,兩者都一樣需要內要預留散熱通風嘅空間。

 

更多煮食功能

嵌入式蒸焗爐亦會比座檯式有更多煮食功能同自動清潔功能,喺用料、耐用性之上,大多都更加優勝,呢一點亦會喺價錢上反映到出嚟,適合更加高階嘅用家。

 

選購嵌入式蒸焗爐基本考慮因素


尺寸

一般標準嘅焗爐大多數係60或90厘米闊,香港一般以60厘米為主,所以好容易搵到對相合適嘅廚櫃。而座檯式焗爐嘅闊度就比較多選擇,由70到150厘米都有。

 

容量

焗爐一般容量由9升至60升都有,一般3-4 人家庭可以選擇20 至30公升嘅焗爐,如果家庭人數多,就可以選擇30公升以上嘅焗爐款式。你亦可以照自己通常煮咩食材而定,如果你經常同朋友開 party 或煮大型食材好似係原隻火雞,就應該揀容量較大嘅焗爐。

 

功率

市面上嘅焗爐常見功率一般喺500 - 1500 watt 之間。可以先考慮家用電度表嘅安培值,避免因為電壓過大,引致跳制用唔到。

 

溫度控制

一個焗爐好唔好就係溫度控制得準唔準確、係咪每個角落嘅溫度都一樣,溫度誤差可以多達30度,出品嘅食物味道就梗係有影響,顏色又唔夠均勻。

焗爐溫度控制係咪準確穩定可以睇發熱管嘅數量、熱力,有冇熱風循環,上下火力控制等等,當然愈多溫度控制功能嘅焗爐就要付出更多啦。

 

溫度範圍

焗爐溫度多數係30度至250度,溫度選擇越多,煮食方式就越多元化。你仲可以留意預熱時間,唔同嘅型號預熱時間可相差1倍。

 

內外規格

焗爐溫度變化極大,所以需要有厚實安全嘅用料。高階嘅焗爐嘅材質會有兩層隔熱玻璃,及行業高標準0.5mm原冷軋板或不鏽鋼面板材料。而中高檔焗爐至少應有2個烤盤位置,能分別靠近上火丶下火及中部。

 

層架數量

愈多層架,煮食時嘅變化更多,更加靈活,同時煮多款菜式都冇問題。

 

高階清潔/自潔功能


催化內壁

原理係以催化壁嘅細孔表面將油脂吸走及氧化,當你高溫烤焗食物(約攝氏200度 - 250度)時可以自會動進行清潔。

優點:減少清潔程序,每次煮食同時清潔、催化內壁嘅焗爐一般較平

缺點:壁板會和飽,需要定期更換

 

熱解清潔

原理係以熱力分解烤箱焗爐油脂污垢,底層和頂層加熱器將焗爐溫度加熱至約500℃(視乎唔同型號而定),熱解後會變成細白色粉末,之後只需用濕布抺走即可,無需用力擦洗。熱解清潔進行時,而焗爐會自動鎖住爐門。當溫度到達熱解作用時,亦會自動啟動風扇,保證熱力均勻分佈於喺整個烤箱。

優點:只須輕抺即可

缺點:加熱至熱解作用,須要極大功率,用電量大

 

蒸氣清潔

原理係加入水後關門,焗爐會加熱並使用蒸氣清潔內部,工作完成後你只需將餘下的水及食物殘渣抹走即可,一般電焗爐較少有此功能,但蒸焗爐則較常見。

優點:每日用蒸氣清潔,減少日後擦洗工夫

缺點:一般電焗爐要自己加水,蒸焗爐會加快用完水箱內嘅水

 

五大最暢銷嵌入式蒸焗爐推介 (2022年最新)


Rasonic 樂信 RSG880A 50公升 嵌入式蒸氣焗爐

嵌入式蒸焗爐推介

  • 9 種烹調程式 (包括蒸煮、蒸烤、熱風蒸煮、熱風對流、熱風烤焗、烤焗、熱風單管烤焗、單管烤焗及發酵)
  • 7 款特別功能(功能組合、殺菌、解凍、保溫、除垢、預約及暫停)
  • 3 層玻璃拉門式設計,耐高溫及高隔熱
  • 外置易拆式水箱設計,水箱容量 1.1 升
  • 配件(集油盤、燒烤架、食物盤、隔熱手套及吸水器)

最新優惠

更多 Rasonic 電器產品

 

Philco 飛歌 PSMO634X 34公升 多功能三合一 嵌入式微波蒸焗爐

嵌入式蒸焗爐比較

  • 加入微波功能,配合各種模式例如微波+燒烤、微波+熱風對流、微波+燒烤+熱風對流,更加快捷、方便,而均勻地烹調食物,而又唔會失去食物原本嘅口感同色澤。
  • 加熱溫度:50°C - 230°C
  • 13個煮食模式
  • 80個自動烹煮模式
  • 自動除水垢功能

最新優惠

更多 Philco 電器產品

 

German Pool 德國寶 SGV-5228 52公升 多功能嵌入式蒸烤焗爐

嵌入式蒸焗爐

  • 專利嘅蒸氣加熱技術,30-250°C精準控溫,全360度立體循環加熱,於密封加壓環境下雙管齊發,直接噴射100°C蒸氣,配合埋上下發熱管加熱,唔使反轉食物,都可以做到上烤下煎嘅效果,令食物迅速均勻熟透之餘鎖住營養、水份,仲有效溶解多餘油脂。
  • 四層食物架,六至八人嘅份量
  • 加闊爐腔設計,方便放入長條形食物
  • 水箱容量高達1.3公升,
  • 配件(集油盤、燒烤架、食物盤、隔熱手套及吸水器)

最新優惠

更多 German Pool 電器產品

 

Baumatic BCS495BGL 56公升 黑魂系列 嵌入式蒸焗爐

嵌入式蒸焗爐牌子

  • Baumatic 嘅品牌宗旨,就係將產品美學同實用元素結合,希望設計出喺任何環境中都可以引人注目嘅美觀產品,就咁睇呢部 BCS495BGL 嘅全黑外型,又真係幾吸引嘅。功能設計上亦真係有好多心思位
  • 14 個煮食功能(上下火加熱、Pizza 模式、一鍵麵包等)
  • 全觸摸操作
  • 可折疊控制嘅面板
  • 內置電子鐘編程器
  • 可拆卸式玻璃門。

最新優惠

更多 Baumatic 電器產品

 

 

Bosch HSG656RS1 71公升 嵌入式蒸焗爐

嵌入式蒸焗爐BOSCH

  • 獨特 4D 熱風,就算將食物放喺邊一層,甚至係同時放晒四層,都可以均勻受熱。
  • 水箱隱藏在升降控制面板後方;只需將 1.1 公升水箱注滿就可以自動添加蒸氣。機門亦都配備緩衝式開關門鉸,輕鬆開門,寧靜關門,安全又舒適。
  • 「多點測溫烤肉針」,插落食物度,再利用 Perfect Roast 功能,一㩒個 START 掣,支針嘅三個靈敏測量點就可以幫助感應器,即時判斷出食材內嘅中心溫度,確保可以整出最佳成品。
  • PerfectBake 設計,可以幫到你輕鬆應對最難控制火喉嘅烘焙甜品,佢嘅感應器可以測量到糕點食材中嘅含氧量,並且自動調節成個烘焙過程,直至整出完美嘅成品~
  • EcoClean Direct 清潔功能,爐嘅內壁同上壁,都係超細陶瓷球體特殊塗層,整嘢食時,自行分解返飛出嚟嘅油脂,真係夠晒方便,仲延長到成部機嘅使用壽命添。
  • 極多配件(烤網架、烤盤、萬用焗盤、小型有孔蒸煮盤、小型無孔蒸煮盤、加大型有孔蒸煮盤)

最新優惠

更多 Bosch 電器產品