大家住係香港地，相信都覺得一年四季都好潮濕。特別係入春嘅時候，就會更加濕，濕度最高仲會去至100％！唔單只地下同牆身會濕答答容易發霉，朝早洗嘅衫去到夜晚甚至幾日都唔會乾，長期處於呢個環境，仲會整個人都冇嚟精神，頭重重咁。呢個時候有一部好用嘅抽濕機就非常重要啦！ 今集結合權威機構嘅評分，我會推介幾款2024好用抽濕機俾大家參考。

第一名: LG 變頻式抽濕機（最抽得之選）

LG 變頻式抽濕機獲得由權威機構頒發嘅4.5星，係抽濕機入面最高評分之一，係當中最抽得既一部！呢個系列嘅抽濕機有唔同抽濕量俾你抽，有每日抽濕量到29公升MD17GQSE0、30公升MD18GQBE0同31公升MD19GQGA1。

佢榮獲香港一級能源標籤認證，採用咗雙迴轉變頻壓縮機，可以有效做到節能、強效、寧靜、耐用。仲有智能抽濕功能，會根據室內環境濕度，自動調節抽濕強度，令室內環境乾爽舒適。

另外，佢有抗菌納米離子，係運作期間會主動釋放納米離子去除空氣中嘅細菌等有害物質。呢種離子空氣淨化係經過美國奧本大學測試可以有效去除平均90%以上嘅沙門氏菌、彎曲菌同塵蟎致敏原。想要最抽得嘅用家，呢部就一定係你哋首選！

29公升MD17GQSE0   30公升MD18GQBE0   31公升MD19GQGA1

第二名: 三菱 抽濕機（日本製節能之選）

三菱 抽濕機由日本製作，佢有香港一級能源標籤認證，保證慳電節能，佢有唔同抽濕量嘅型號，分別有18公升MJ-E100AR-H、22.5公升MJ-E130AL-H、28公升MJ-E160HR-H同38公升MJ-EV230HR-H，佢獲得由權威機構頒發最高評分4.5星嘅能源效率最佳抽濕機。

內置自動濕度調節器，有多個濕度俾用家可以按照自己嘅舒適度自行設定。其中最特別嘅就係智能乾衣模式，可以監測濕度嘅同時又可以控制風量，估計衣物乾嘅時間。佢仲有銀離子濾網可以阻隔花粉和灰塵，做到真正嘅用得安心又放心！

另外，最令人驚艷嘅一定係佢嶄新嘅1＋2抽濕系統！係傳統二重式構造上面多一個副冷凝器，又增設旁通風路，大幅提升進氣風量，帶來前所未有嘅強效同省電性能，絕對係日本製節能之選！

18公升MJ-E100AR-H   22.5公升MJ-E130AL-H   28公升MJ-E160HR-H   38公升MJ-EV230HR-H

第三名: Whirlpool 抽濕機（最方便之選）

Whirlpool 抽濕機有2款抽濕量嘅型號選擇，分別係20公升DS202NF同24公升DS242NF。佢自設6公升特大水箱，可以減少倒水次數，係最方便之選！

佢獲得香港一級能源標籤認證，用起上嚟都唔洗擔心會產生好多電費。採用IP21防水滴設計，獨立乾衣模式配合IP21防水滴設計，唔洗擔心晾衫嘅時候有水滴整壞部機，可以做到輕鬆乾衣又確保安全。

佢有納米銀離子前置濾網同埋負離子淨化裝置，其中銀離子仲具有高效抗菌作用，可以阻隔塵埃、毛髮、寵物毛髮等，負離子淨化裝置就可以減低細菌生存力同殺死細菌，減少空氣中嘅細菌，去除霉味，一部就可以做到抽濕空氣淨化同乾衣，方便用家！

20公升DS202NF   24公升DS242NF

第四名: Dometic H30R 抽濕機（性價比最高之選）

Dometic H30R 抽濕機嘅每日抽濕量最高可以去到30公升，榮獲香港一級能源標籤認證，慳電節能，仲係高抽濕量型號入面最實惠嘅機款，大約2千蚊就入到手！

佢有環境濕度顯示功能，用家可以清晰易明咁監測四周環境，從而揀翻最適合嘅抽濕模式。佢採用咗手提式有蓋水箱，方便用家進行倒水。

佢仲有負離子空氣淨化功能，可以做到減少塵埃、除臭、淨化嘅效果，加上活性碳層過濾網可以吸附異味同有害化學物質，可以提供防塵同寵物毛髮第一級防護，有養寵物嘅用家一定要留意呢部性價比之選啊！

Dometic H30R

抽濕機注意事項

買咗一部啱心水嘅抽濕機，都要留意使用方式去確保安全。

係開機前要清潔插頭上面嘅灰塵毛髮，避免積聚阻礙導電同埋要確認電線有冇破損。另外，依家好多抽濕機都自帶滿水自動斷電功能，使用前就要先檢查呢個功能係咪正常，可以將水箱裝滿之後開抽濕確認佢可唔可以自動斷電。

開機之後要關窗，減少室外濕氣進入，仲可搭配電風扇或者循環扇，令室內空氣循環對流，抽濕效率更好。亦建議抽濕機同牆壁、窗簾、傢俱等至少保持50厘米距離，先唔會造成機器散熱不良、過熱發生危險。