【消毒碗櫃大揭密】一口氣介紹3大最值得入手消毒碗櫃！｜極速消費兼烘乾碗筷餐具｜選購保養貼士全公開！

消毒碗櫃大揭密目錄

介紹消毒碗櫃功用

消毒碗櫃最大嘅功用當然係對餐具進行殺菌啦！當中唔同嘅消毒溫度、紫外線強度、臭氧濃度、消毒時間等等嘅因素，都會直接影響到滅菌效果。佢主席要係利用高溫、紫外線或者臭氧等嘅方法，用嚟消毒翻陶瓷同玻璃等嘅餐具。經過消毒碗櫃處理嘅餐具，表面殘留嘅細菌同病毒等嘅微生物都可以被清除，保持翻清潔衛生嘅狀態。

消毒碗櫃可以有效咁維持餐具嘅清潔，清除表面嘅細菌同病毒就可以降低翻感染風險。用家唔單止可以用消毒碗櫃嚟殺菌，仲可以攞嚟儲存餐具，慳翻唔少空間嫁！雖然依款家電功能性好高，但喺坊間就唔係咁常見，等我同大家推介翻兩款值得入手嘅消毒碗櫃先！

介紹Baumatic BST92BL嵌入式消毒碗櫃

第一部想推介嘅係Baumatic BST92BL嵌入式消毒碗櫃。

全黑嘅設計顯得非常型格！佢嘅容量相當大，有成90公升，足以容納大量碗碟，適合家庭甚至乎餐廳入手。

佢設有上下兩層，上層配備咗臭氧紫外線燈管，而下層就特別採用咗，高達125℃嘅遠紅外線高温滅菌技術。兩個區域嘅温度都有分別，咁用家就可以針對唔同材質嘅餐具，自動調節翻相應嘅消毒溫度。而黑色嘅強化玻璃門同不銹鋼內腔，時尚得嚟又容易清潔，為咗屋企人嘅健康著想，真係值得入手翻部。

介紹櫻花 Q-7680ST 吊裝式消毒碗櫃

第二部想同大家推介嘅就係櫻花Q-7680ST消毒碗櫃喇！

有別於頭先提及過嗰一款嵌入式消毒碗櫃，佢係採取吊裝式設計嘅。用家可以將佢掛喺廚房埲牆上面，慳翻唔少位嫁！

功能方面，佢特設60, 45, 30分鐘三段烘乾時間，頭10分鐘仲具備臭氧殺菌功能，咁用家就可以因應碗筷嘅材質同數量，揀翻相應嘅消毒時間。佢亦設有陶瓷熱風循環烘乾同殺菌嘅雙重功能，再配合埋密封式嘅設計，一次過防塵、防蟲同防臭氧洩漏。

當中80℃過熱保護裝置，一旦偵測到碗櫃温度超過80度嘅時候，就會自動斷電，避免因為過熱而損壞或者引起火災。碗櫃裏面更加配備咗不銹鋼碗碟架，等餐具可以擺放得企企理理。而內置嘅水盤，就可以用嚟儲存碗碟流出嘅水份，等用家易啲清潔。佢無論喺功能定設計上都非常貼心，絕對係安全可靠之選呀！

消毒碗櫃保養貼士

講解咗唔同消毒碗櫃嘅規格、原理同功能之後，大家係咪好想知要點樣保養佢呢？等我同大家分享幾個保養貼士先！

首先當然係要定期清潔佢啦！每隔一段時間，就應該用濕布擦乾淨消毒碗櫃內外表面嘅污垢，保持翻機身同內籠清潔。

亦都要定期檢查電線同插頭有冇損壞，降低觸電嘅風險。

為咗保持消毒效果，當中紫外線消毒碗櫃嘅燈管喺用咗一段時間之後必須更換。

同樣要謹記清潔門縫嘅密封條，確保佢嘅密封性能良好，避免流失熱量。