邊款好?邊隻好?點樣揀先至啱?2022 年最新風筒選購指南及專家推介 (附消委會報告重點),一定幫到你!

嗱嗱嗱,我知道你哋有好多女士都為咗保持自己嘅頭髮喺最佳狀態、或者係男士懶,洗完頭都會由個頭「自然乾」,但係其實咁樣做會令到髮質更加差,更有機會令頭皮受損、甚至增加甩頭髮嘅風險。

其實而家好多嘅風筒都有保護用家髮質嘅設計,可以令你喺快速吹乾頭髮嘅同時、又可以塑造唔同髮型、保護髮絲。

 

風筒邊隻好? 各種類的風筒比較


負離子風筒

最常聽到就一定係負離子啦,原理係風筒釋出嘅負離子同濕髮嘅正離子相遇,會形成一個保護膜幫你鎖死水份,減少折斷丶毛躁問題出現。一般較適合自然捲曲或非常厚頭髮的用家。

最新嘅離子技術重有納米水離子,原理係比一般空氣離子多帶1000倍含水量,納米水離子能有效閉合髮絲嘅毛鱗,深層滲透髮絲,密集性地水潤你嘅秀髮。納米水離子重可以令頭皮上多餘皮脂更容易與水份結合,保持頭皮清爽健康。

 

陶瓷風筒

一般有分為塑膠或金屬外殼製嘅風筒,陶瓷製主要為咗提供更均勻同溫和嘅溫度。。而且,陶瓷或陶器風筒亦會有負離子或紅外線技術,紅外線有更長能量波,可以穿透頭髮,從內向外完成吹乾你個頭嘅使命。

 

鈦金屬風筒

鈦金屬主要係均勻分佈熱能,令到熱風溫度更加平穩。但同陶瓷製風筒比較,鈦金屬風筒嘅重量輕得多。吹頭吹得耐,唔怕手都軟埋啦,最適合頭髮多、厚嘅人選用啦。

 

 

選擇風筒的考慮因素


功率瓦數 (watts)

風筒嘅功率瓦數watts數愈高,風筒嘅風力同溫度都會更高更穩定,即係可以令你吹頭嘅時間更加短、頭髮更快乾。但係一般watts數低嘅風筒價格比高瓦數平。家用風筒嚟講,一般1300 watts或以上已經好夠用啦。但如果你頭髮非常厚丶多,不易吹乾,市面上都會有1800 watts 以上嘅款式俾你選擇。

 

重量

頭髮長嘅女士吹個頭都可以真係要10分鐘,如果風筒太重,手都軟埋,一般產品資料都會列明重量,可以既話就緊係去下門市親身試下啦。

 

溫度調控

一般風筒溫度會維持係50度至60度之間,有保持較好效率,對頭髮及頭皮健康亦較好。溫度控制基本會有高、中、低三個制,再高級嘅風筒會有凍風,幫助設計頭髮造型。

最高技術嘅溫度控制就係智能溫度控制技術, 確保頭髮接觸溫度保持喺控制範圍內,防止高溫對頭髮造成損傷。

 

風嘴提供

擴散型係將風力打散,利用風嘴上細孔,令風力減到最低但保持溫度,達致烘乾效果,容易做到加強立體感同營造自然攣。另一種為集中型風嘴,集中風力,配合埋梳用,可以吹出貼服直髮。

 

安全裝置

最好就梗係選擇有過熱保護裝置款式,可以避免因過熱發生意外。記得留意使用時要避免風筒帶電部分受潮。並應定期檢查電線有冇緊接。如果電線受損應該唔好再好同去保護維修啦。

 

電線長度

風筒電線嘅長度其實冇一定標準!主要係睇用家屋企嘅電掣位同你吹頭嘅位置距離有幾遠啦。但隨住無線風筒嘅出現,用家只需要考慮差電座放置就可以了!
 

噪音

風筒嘅音量相信係好多人關心嘅事情,因為以往基本可以話"愈大風就愈大聲"。但好多牌子都推出咗靜音風筒,可以將音量降至50-55dB 分貝!咁用家可能喺深夜吹頭都唔怕嘈到屋企人啦!

 

 

專業風筒推介 (2022最新)


Dyson HD08 Supersonic™ 風筒

dyson風筒

四段式精密溫度設定

  • 100°C 快速乾髮及造型
  • 80°C 標準乾髮
  • 60°C 低溫烘乾塑型
  • 28°C 恆冷

全新抗毛躁風嘴
塑造滑順直髮的修整工具。 將毛躁隱藏於健康長髮之下,讓髮絲散發柔順光澤。 只需運用空氣。

黑鋼色   全桃紅  桃紅色

 

Panasonic 樂聲 EH-NA55 1400W 風筒

納米離子風筒

  • nanoe™納米離子科技(含水量比負離子高出約1,000倍),配合nanoe™納米離子感應板,有效讓離子吸附在頭髮上,令水份更易滲透髮芯
  • 吹髮同時護髮,有助平衡油脂分泌,改善頭皮質素,全面滋潤及修護頭髮
  • 外置獨立納米離子管道,避免離子直接受熱而流失
  • 3段溫度/風速調節,配合不同造型需要
  • 速乾護髮風咀,提升乾髮速度

了解最新優惠

 

Super S2018 2000W Salon 專業型風筒

靜音風筒

  • 2000W 快速風乾
  • 強勁/高質/低噪音摩打
  • 2檔冷風調效
  • 2檔熱風調效

了解最新優惠

 

風筒消委會評測


消委會係2016年測試巿面上14款風筒,結果發現當中6款唔達部分安全測試項目要求,其中中國製嘅「聲寶 Sharp IF-CA60A-P」同「億健 Innocare HD1200DU」係唔正常情況: 即摩打短路、故障情況時,部分零件會過熱燃燒,導致塑膠外殼變形,令帶電部件外露。
另外,「好運達 Rowentea CV3622」、「Super S2018」、「沙宣 VS Sassoon VS907PH」保護套內部電線絕緣體或導電體喺拉力測試下會受損。「沙宣 VS Sassoon VS907PH」同「Alpha Tool YL-3107」最高吹髮溫度達105度同109度,或有機會導致髮質受損,患皮膚敏感、濕疹或髮質乾者亦易產生頭皮敏感。

雖然報告已經有4年多啦,但係仍然有重點係要大家喺買風筒嗰時要留意,好似係安全系統,過熱時會唔會自動停止、或者係溫度控制,長時間吹同一位置會唔過熱等。

資料來源: oncc