暖爐暖風機選購指南及專家推介

吹風式暖爐/暖風機

暖風機由機內發熱線產生熱力，暖氣會由風扇吹出。機身體積一般較細，重量都較輕，升溫速度唔錯，適合一啲較細嘅空間用，但留意番，吹風式會令環境變得乾燥，而且運作個陣有一定噪音。

陶瓷暖風機

利用空氣對流嚟發熱。而且配有熱敏電阻，即係當過熱時就會即刻斷電，因此會比一般暖風機安全。

陶瓷暖風機同樣升溫表演唔錯，而且唔會令你覺得好乾噪，能夠保持空氣中既水份，女士們就唔怕DRY啦!

Origo FH-05Y 迷你暖風機

細細部得19cm長，麻雀雖小，但都有PTC陶瓷恆溫技術控制，返工用就可以搵番啲手指啦

查詢價格及了解更多

Rasonic 樂信 RA-CH2500L 2500W 陶瓷暖風機

玻璃底座設計，都幾好睇，LED電子室溫顯示屏，溫度俾你睇到實，唔會太熱太凍啦。 最重要有12小時定時關機功能，唔怕大頭蝦曬電、或者起夜太熱要起身閂機

查詢價格及了解更多

Goodway 威馬 GH-60202 2000W 陶瓷暖風機

一機有曬恆溫、靜音、過熱保護、空氣過濾功能，重要價位都重係入門級，一個字、抵 !

查詢價格及了解更多

對流式暖爐

對流式暖爐嘅發熱器位於暖爐底部，由下至上輸出暖氣，可以令室內唔同位置嘅溫度平均上升，但係大部分對流式暖爐都好大部，有啲掗拃，好難一時放吓廳一時放吓房，最好都係放喺房間或客廳固定位置。

充油式暖爐

充油式暖爐首先將機內嘅化學油加熱，然後喺百葉管內循環，輸出熱力。爐身溫度與散熱較均勻穩定，溫度可高達40℃，送暖範圍相對較廣。冇其他類型嘅暖爐咁乾燥，開啟時噪音較細。但缺點都係體積較大，而且可能做唔到即開即暖嘅效果。

Whirlpool 惠而浦 RT1211 2500W 恆溫充油式暖爐

話就話充油式有充油式嘅缺點，但係世界係會進步，呢部機就有特別設計，如一按即暖功能、翻倒自動斷電裝置等，去一洗充油式嘅污名。

查詢價格及了解更多

Delonghi TRDS41025E 2500W 充油式暖爐

新「放大」電池設計可以有25％ 更大輻射表面確保有更強嘅氣流發射同增強嘅煙囪效應，令到你嘅體感有更好舒適性。

室內恆溫器帶俾你精準嘅溫度控制、自動保持所需嘅溫度。

查詢價格及了解更多

浴室專用暖爐

明白到唔係每個家庭都可以安裝到浴室寶，有啲人都會想放個暖爐就算，浴室專用暖爐就可以幫你一個忙啦，但要留意暖爐嘅防水等級至少要達到 IP21。IP21代表機身通過防滴測試，水滴從上而下滴濕暖爐都無問題，有款式重有IP24，即已經通過防濺測試，更加安全可靠。

Origo FH-M48 1500W 陶瓷暖風機 (浴室專用)

有IP21防水級別， 滴水落去都唔驚，重有PTC 恆溫技術控制、翻倒及過熱自動關機裝置，額外安全舒適

查詢價格及了解更多

Whirlpool 惠而浦 HT015 1500W 陶瓷暖風機(浴室專用)

IP21 防水滴設計，過熱保護裝置、翻倒自動斷電裝置，大大減低出意外嘅機會

查詢價格及了解更多

多功能多用途式

Goodway 威馬 GH-960N 2000W 三合一負離子加濕暖風機           

女仕們怕乾必備，又可以保暖保濕、重有負離子空氣淨化功能

查詢價格及了解更多

消委會測試重點

消委會喺2016年12月發表暖風機測試報告。呢次測試消委會搵咗市面15款暖風機，測試各機款嘅安全程度、加熱速度、暖風溫度同方便性及多功能程度等項目

雖然呢次評測都已經有4年之多，以上型號大多數已經過時，不過大家仍可以以高分品牌作信心之選，「有名有姓品質保證呀」

使用電暖爐7個安全貼士

1. 唔好將電暖爐放喺電源插座下面，或較潮濕地方，例如：浴室（浴室專用暖爐除外）。

2. 除有特別設計嘅型號外，一般電暖爐唔可以晾乾衣褲咁用。

3. 電暖爐普遍功率較高，可能達2,500 Watt或以上，所以唔好同其他高耗電量電器共用電源。

4. 充油式電暖爐頗重，過度傾側時有可能翻側，有機會對小朋友構成危險。

5. 從表面睇唔出出暖爐發熱板有幾熱，意外掂到可能整到灼傷肌膚，必須小心。

6. 準備離開房間或唔用暖爐時，應先閂機，既安全又慳電。

7. 定期清潔電暖爐，清潔前必須抆咗插頭，並等待機身冷卻先開始清潔。