|
唔駛安裝排氣管,所以香港全部廚房都可以安裝再循環型抽油煙機,原理係用兩層過濾網:外層吸油網、內層活性碳過濾網。油煙空氣會經過兩層過濾網淨化,再喺廚房中循環運行。
優點:適合各類型廚房、安裝容易,唔需要額外俾錢買排氣管,夏天開冷氣都唔怕流失。
缺點:如果經常使用或者煮嘢太多油煙,要經常換濾網。
排氣型抽油煙機需要安裝排氣喉管,如果廚房冇排氣孔或唔接近窗邊,就難以安裝,操作原理係以油煙罩內嘅抽氣扇將油煙吸入,經由排氣管排到室外。多數配合集油杯,濾走油脂。
優點:可以直接排出異味、油脂和熱氣等,唔需要定期更換活性碳過濾網,只需清理集油杯。
缺點:部份廚房因架構(例如油煙機位置不在窗邊)或空沒有排氣孔而無法安裝,需額外買排氣管。
合併型有齊以上排氣型同再循環型嘅特點,但兩者唔可以同時運行,消費者需要喺安裝前決定。如安裝排氣管,就要拆去碳過濾網。如果只用碳過濾網,就會成為再循環型。
市面最常見亦都係較多人買嘅機款,沒有之一,價格最平,吸力一般。
煙囪式造型極簡,俐落有型,吸力正常。
斜煙囪式係傳統式嘅改良款,內壁同兩側斜背式嘅設計能夠更有效集中油煙,集中抽油煙嘅效果比傳統式好。
隱藏型式可以喺你唔需要使用抽油煙機嗰陣,收藏到煮食爐上面嘅水平面板上,如櫥櫃或者係掛牆放置,可以令家居怖置更簡約有型。
你可以直接參考煮食爐表面面積,確保抽油煙機可以完全覆蓋煮食爐,咁一般嚟講就可以發揮抽油煙機最大功效。
一般廚房嘅兩頭煮食爐可以揀闊度90厘米嘅款式,三爐頭可以用120厘米的抽油煙機,如果你較少炒、炸嚟煮食,油煙唔勁嘅廚房可以揀一啲較細嘅款式,例如70厘米或60厘米嘅款式。
你可以參考呢3個重要指標:排風量、風壓、功率
排風量
簡單可以理解為抽油煙機排風量越大,吸排油煙能力越強,市面上一般都會有每小時約800立方米(即約16立方米/分鐘) 、每小時約1,000立方米(即約17立方米/分鐘)嘅排風量,主要視乎自己嘅飲食習慣而定。
注意!排風量亦有可能因住宅煙道技術限制,當抽油煙機的量大風量超過15m3/min時,繼續增大排風量對提升抽油煙效果沒有太大幫助。
風壓
代表係為咗防止室外風從排風口倒灌進機器,如遇到室外風力過強或排煙管較長嘅情況時,風壓過低嘅抽油煙機會引起倒灌情況出現。
功率
抽油煙機輸入功率一樣不是越大越好,因為功率作用就係提升風力同風壓,如果這兩者都冇提高,即使有大嘅功率都冇用,只會做成曬電。
應留意廠商測試產品排氣量所採用嘅度單位有冇唔同,例如歐洲廠商採用EN標準量度,亦有廠商採用日本JIS標準或台灣CNS標準量度。
抽油煙機造料主要係不鏽鋼同烤漆,一般烤漆同不鏽鋼嘅抽油煙機價位都比較平。
清潔方面,機體本身都比油漬污垢痴住,但係烤漆及不鏽鋼表面都十分容易清理,基本上煮完飯後可以簡單將表面汙抺一次就可以保持常新。要主意係烤漆表面較容易被清潔劑腐蝕破壞,不鏽鋼表面就冇呢個問題。
現時嘅控制介面已經非常方便,更簡單,更時尚。例如有唔少品牌推出IQ Touch、電子按鍵、顯示屏等,迎合智能家居需求,而控制介面多數會有以下功能。
照明控制鍵:可以開閂照明燈, 同時仲可以調節照明燈嘅亮度。
排氣扇開關控制鍵:除了可以開閂排氣扇外,大部份抽油煙機可以選擇風力同延續運行,仲有時間制,喺五至十五分鐘後自動關閉。
濾油網嘅控制鍵:當濾油網需要清潔,濾油網指示燈會著。部份抽油煙機嘅制都會係每次清潔濾油網之後,重新倒數。亦可以檢查或更改濾油網使用時間制。
抽油煙機設計已經可以做到控制功能,令你係唔要用嗰時, 騰出更多空間,適合廚房空間較細嘅家庭。
抽油煙機可移動式設計可以有助抽油煙時更集中喺特定位置,確保所有油煙都能夠俾抽油煙機抽走。
現時大數嘅抽油煙機已經有自動清潔功能,而一般都係將洗潔液倒入專用嘅清洗水箱,然後撳清洗制對風輪進行噴射,再利用風輪嘅高速運轉直接將風輪上面嘅污積全部清洗乾淨。完畢後污水就會從油杯孔直接收集到油杯。
唔同品牌嘅抽油煙機都有唔同嘅保養限期,購買時可以向職員了解,以免抽油煙機有損壞嗰陣,要額外俾錢維修。
消委會對市面上15款抽油煙機進行測試,測試項目包括排氣量、風扇轉速、抽油煙、氣味及蒸氣能力、能源效率及安全程度等,15款抽油煙機嘅結果中發現,共14款取得4星評分,只得1款取得3星半評分。
5款抽油煙能力較強 煙囱式樣本排氣量較高
而15個樣本中,其中5款的抽油煙能力較強,分別是煙囱式的「惠而浦Whirlpool」、「太平洋Pacific」,拉趟式的「伊萊克斯Electrolux」,整流板式的「德國寶German Pool」,以及傳統雙風扇的「金雅典Athens」。不過,也有樣本的排氣量相差逾一倍,其中煙囱式的樣本的排氣量,普遍比整流板式、拉趟式、傳統雙風扇較高。
僅3款通過全部安全測試 另3款電氣安全表現稍遜
至於安全程度方面,僅3款樣本通過全部安全測試項目,包括1款煙囱式、1款拉趟式及1款傳統雙風扇樣本,其他樣本均有改善空間。3款樣本的電氣安全表現稍遜,當中1款整流板式樣本電源插腳從插座拔出1秒後電壓高於標準上限、1款傳統雙風扇樣本的底板打開後有小部分內部位置絕緣保護不足、1款傳統雙風扇樣本在非正常操作約20分鐘後冒煙;有7款樣本的底板、風扇罩、整流板或過濾網打開後,測試手指能觸及扇葉;8款樣本的內部油盤或排氣喉連接座的塑膠物料未能通過阻燃能力測試。
資料來源:Sky post
消委會整體表現相對較佳的抽油煙機推薦
煙囱式型號:
「惠而浦 Whirlpool AKR4071/IX」:抽油煙能力佔優,排氣量較穩定。了解更多
「Panasonic FV-953P」:風扇能源效率較好
「TGC EXCEL 710」:風扇能源效率較好,操作較寧靜。
拉趟式型號:
「伊萊克斯Electrolux EFP60473OS」:抽油煙能力佳。了解更多
整流板式型號:
「富士皇Fujioh FR-FS1870VSM」:油杯/油煙過濾網集油能力佳,而且風扇能源效率高。
傳統雙風扇型號:
「西門子Siemens LU83S750HK」:自動清洗功能效果顯著。了解更多
「櫻花Sakura SR-2883S」:於此類別中整體表現較好。
意大利製造
冇開機,但扇葉會自動轉動?
抽油煙機安裝注意事項
抽油煙機使用貼士
抽油煙機清潔/保養貼士