本文同大家分享規劃廚房空間喺物料上有乜注意。要講到一般廚櫃設計涉及嘅物料，當中包括板材、封邊技術、把手、功能五金、感應燈帶、水盤龍頭等。

廚房設計二三事---物料篇目錄
 
本文聯同專業櫥櫃設計公司 Woodstudio , 為大家整合咗 8 項喺訂造櫥櫃嗰陣要注意嘅空間同安全問題。無論你係新居入伙，定想翻新廚房都總會有得著！
 

板材選擇

選擇板材的話, 最重要當然係要留意板材嘅甲醛釋放量同顏色。畫面上嘅列表清楚顯示咗有關歐洲同日本喺甲醛釋放量標準嘅比較。

如果屋企有老人家、小朋友或者孕婦，就建議大家揀翻環保等級最高嘅日本標準F4星進口板材。F4星板嘅甲醛釋放量比國內嘅E0板低百分之四十 ，配合埋激光封邊技術處理，唔會再見到傳統封邊技術產生嘅膠水污漬同瑕疵批口。

顏色方面，隨著近年極簡風興起，膚感啞光純色板大受歡迎。配合埋窄框灰玻璃櫃門同櫃內氣氛燈，鍾情於意式極簡氛圍廚櫃嘅千祈唔好錯過呀！想了解更多的話，歡迎過嚟BUILT-IN PRO北角同九龍灣門市睇睇。

封邊技術

頭先略略提及過吓封邊技術，究竟係咩嚟呢？大部份業主都希望自己屋企廚櫃使用壽命長啲，所謂魔鬼在細節，其中一樣影響廚櫃使用壽命嘅細節就係板材封邊喇！

封邊技術係指板材經切割相應尺寸後，再同封邊條融合嘅方法, 一般分咗做三類。當中包括EVA, PUR 同激光封邊。簡單嚟講就係前面兩者都係因為融合嗰陣需要用好多膠水，令到佢嘅甲醛釋放量偏高。同埋會易啲見到黑邊唔平整，去到後期板材受潮濕影響， 咁啲邊位就會容易爆開喇！

所以，用得進口板材就梗係要配搭翻進口同色封邊條啦！而封邊條同板材嘅黏合技術，就要選用翻首選嘅雷射激光封邊技術。佢嘅好處係冇膠線、倒角圓滑、更高嘅防潮性能、耐抗污同使用壽命長。喺到提提大家，選購板材嗰陣記得問清楚板材係唔係用激光封邊呀！

把手選擇

金屬把手近年喺極簡風盛行下慢慢退出幕前，取而代之由隱藏式把手配搭鋁槽，成為咗主流。當中又以意式隱藏式把手最受歡迎，22厚板材配搭意式隱藏式把手，五金成熟工藝配搭穩重嘅質感，絕對係近年受大眾喜愛嘅原因之一呀！

特別係有小朋友嘅家庭, 為左防止小朋友走嚟走去容易撞到把手，依啲安全性嘅風險考量當然要喺選料嗰陣顧及埋啦！到時撞損小朋友個頭或者臉就唔好喇！

功能五金

廚櫃五金之中，除咗門鉸同路軌因為手感同耐用性，必須要採用進口品牌之外：其他功能性收納五金開始慢慢被廣泛使用。有高收納需求嘅用家，可以揀翻高身拉籃、連動拉籃配搭高櫃；而對鍋具同醬料瓶有收納需求嘅用家，就適合飛碟轉盤、極窄寶配搭矮櫃。總括嚟講，層板結構嘅櫃體因為佢嘅收納效率較低，而逐漸畀功能型五金取代。

感應燈帶

我哋喺度建議各位選購燈帶款，儘量唔好揀射燈款式。當中廚房最常見嘅燈帶感應設計，就係開門感應同觸摸感應。一般櫃筒同對開門都會相應翻開門感應；而帶玻璃門嘅櫃體同吊櫃底板，就大多配合觸摸感應開關。

水盤龍頭

水盤基本上每日都會用到，所以一定要揀翻款耐高溫、耐沖擊、防紫外線唔甩色、防菌保護兼得到綠色環保認證嘅產品。我嘅首選當然係陶瓷納米顆粒塗層嘅花崗岩盆啦！新型材料結合密度更加高，表面更加係光滑屬性，相信嚟緊會得到更多人嘅垂青。