電子門鎖愈來愈多人用就係人都知,但今日特登幫大家實測下呢部 Rasonic 全新型號 RSL-VF03 智能指靜脈門鎖!佢號稱擁有嶄新指靜脈識別技術,唔係用指紋,而係用手指第二節血管解鎖,仲不受任何皮膚狀態影響添,係咪咁犀利呀?一齊睇吓!

 

 


指靜脈識別技術


Rasonic RSL-VF03一共有五種開門方法,包括係密碼、電子匙咭、鎖匙、手機,以及指靜脈。所謂指靜脈,係一種嶄新識別技術,將手指放入識別位置,感應器就利用近紅外線拍攝手指第二節靜脈圖譜,進行身分識別,真正做到活體生物識別,安全性比起指紋更加高!因為就連中國銀行,都係用指靜脈認證㗎~對於「指紋識別困難戶」,例如小朋友或者老人家,亦都更加友善。

指靜脈識別技術

 

指靜脈感應度開門實測


一般指紋鎖,雙手皮膚狀態稍為乾啲濕啲,都有機會影響感應效果,唔知呢個指靜脈識別技術,喺面對唔同皮膚狀態時,又會有咩表現呢?

疫情之下,唔少人返屋企之前都會捽捽酒精先,或者已經過度使用酒精消毒雙手,連指紋都唔見埋,好多時都要scan 幾次先開到門,今次我哋就同大家實測一下模擬下雙手喺啱啱捽完酒精嘅情況下,開唔開到門先?
酒精測試

再模擬下搽完 hand cream 之下去開門呢?
護手霜測試

貼埋張膠紙喺手度又得唔得呀?
膠紙測試

終極測試,試下戴埋手套呢?
手套測試

估唔到真係全部過關呀!仲要全部都係 1 take pass,證明指靜脈技術嘅感應度真係非常好!

  指靜脈開門實測
酒精
護手霜
膠紙
手套

 

 

獨特安全設計


呢個新技術係就係幾方便嘅,但門鎖講到尾都係安全性吖嘛!喺智能門鎖愈嚟愈普及嘅同時,賊人解鎖爆格嘅技術,又點會停滯不前呢?唔少新聞都出現過賊人透過鐵絲等工具,伸入貓眼之中,穿過並勾開戶主嘅門柄從而入屋偷野;更甚嘅,仲有賊人透過俗稱「小黑盒」嘅強電磁場脈衝干擾器,直接擾亂門鎖嘅程式,登堂入室。

好彩,Rasonic RSL-VF03全新獨特外型設計,使用正方形門柄,從源頭上杜絕咗賊人用鐵絲勾引門柄開門嘅可能性。

正方形門柄

專業研發團隊更加研發咗防小黑盒嘅技術,等門鎖唔會受到干擾,令賊人無機可乘!

 

體驗總結


總結今日嘅使用體驗嚟講,Rasonic 呢部指靜脈門鎖畀我嘅感覺,就係四個字-與時並進。唔單止擁有嶄新嘅功能技術,更大程度上咁方便咗用家操作;更加對以往智能門鎖喺防盜上嘅漏洞加以改進,帶畀用家足夠嘅安心。

 

 

Rasonic 樂信 RSL-VF03 指靜脈智能鎖

  • 5種開門方式(指靜脈, 密碼, 電子匙咭, 鎖匙及手機)
  • 鋰電池可循環使用
  • 全自動解鎖及鎖門
  • 無線網路連接
  • 手機應用程式遠程解鎖
  • 防貓眼開啟
  • 防小黑盒

最新優惠及了解更多