今時今日科技愈來愈先進,愈來愈多產品都開始3C化,早幾年就有掃地機械人、無線吸麈機,今日我哋就想同大家開箱一個新產品,就係Rasonic嘅家居抗菌小幫手-RCM-F51WB 無線電動噴水拖把!

 

 

規格及配件


Rasonic RCM-F51WB 無線電動噴水拖把嘅包裝入面除咗主體之後,亦有好豐富嘅配件,包括纖維抹布、夾層墊、除塵紙及專用拖頭清洗座;

操作亦都簡單易用,紅外線按鍵開閂,貼上特製纖維抹布,再於內置水箱加入稀釋中性清潔劑,就可以直接使用!

撳一下掣就可以噴水,加上特強旋轉力,每分鐘約200圈轉速,增加摩擦力,較易帶走污跡;

 

 

實測部份:清潔力/靈活度/續航力


❖    清潔力:我哋分別會實測RCM-F51WB喺三種唔同材質地板上嘅清潔力(瓷磚/PVC 地板),喺上面方上麵粉,再用紙布測試清潔完之後地板濕度。

PVC 地板清潔力

PVC 地板清潔力:★ ★ ★ ★ 

瓷磚地板清潔力

瓷磚地板清潔力:★ ★ ★ ★ ★

除咗微細污垢,RCM-F51WB 清潔起寵物毛髮都好有力,適合有毛孩嘅家庭!

清理寵物毛髮

 

❖    靈活度:接下來會測試下RCM-F51WB喺各種難清潔位嘅表現(拐格、彎位、沙發底),發現佢拖把頭靈活多變,輕鬆清理屋企任何角落,而且佢拖頭前置有個LED可以照明,清理陰暗死角無難度,值得一讚!
清理死角

❖    續航力:作為3C產品,其中一個最重要嘅賣點當然係續航力啦!根據實測,我哋喺單次充電後,一共運作約80分鐘,就算將成間由頭到尾拖兩次都冇問題,續航力非常之高!

 

 

實測部份:過水/充電


每次清潔完屋企後,可以將佢放喺特製專用拖頭清洗座,輕輕鬆鬆過淨抹布,一踏將污水排走,保持雙手乾淨不沾污!
專用拖頭清洗座

 

 

 

總結開箱體驗

 


小編覺得 RCM-F51WB 用起上嚟真係非常輕鬆,最大好處係唔使行嚟行去攞水,整個打掃過程一滴汗都唔使流,非常推薦畀懶人。可能有啲人會話,某啲品牌嘅無線吸麈機其實都有拖地功能,但我個人就認為,無線吸麈機一般體積較大,喺清潔狹窄角落上比較困難,但RCM-F51WB 就冇呢個問題。

最後就係價錢啦,以幾百蚊價錢嚟講,佢性價比相當高,如果你都係一個講求家居衛生,但又想輕輕鬆鬆做家務嘅人呢,呢部樂信 RCM-F51WB 無線電動噴水拖把就啱晒你喇!


Rasonic 樂信 RCM-F51WB 無線電動噴水拖把


  • 產品尺寸 (闊 x 深 x 高) : 295 x 135 x 1120 毫米
  • 儲水箱容量 (毫升)(約): 150 毫升
  • 淨重 (公斤): 1.2 公斤
  • 額定功率: 9 W
  • 充電時間 (小時/約): 4 小時
  • 使用時間 (分鐘/約): 50-80 分鐘

最新優惠