煮食原理


焗爐

利用發熱管提升焗爐入面溫度,加熱食物。

當焗爐設定為一個指定溫度,加熱管就會開始發熱令到焗爐達到設定溫度。價錢愈貴嘅焗爐,溫度就會愈精準,亦會分怖得愈平均,焗出嚟嘅嘢食上色亦會更加平均,唔會得一面燶曬。

 

蒸焗爐

蒸焗爐,顧名思義就係一機有齊’焗’加’蒸’嘅功能。焗爐嘅煮食原理同上面一樣,而蒸煮嘅原理就係通過底部發熱盤嘅發熱管通電後產生熱能,令到爐入面嘅水喺短時間變成高溫水蒸氣加熱食物。

 

水波爐

「過熱水蒸氣」係水波爐獨有嘅技術,主要係將水蒸氣加熱至340度至400度,將微細分子直接穿透食物煮食。

 

咁焗爐、蒸焗爐、水波爐應該要點樣揀?


主要都係要了解各個特別,迎合自己煮嘢食嘅習慣去選擇!

 

焗爐:烘焙必選

電焗爐一般對溫度、熱力分佈更有要求,所以喺烘焙嘅效果會更加好,製作麵包丶蛋糕等,你可以有更精準嘅溫度,減少出錯嘅機會。部份焗爐更有獨特發酵功能,可以用焗爐做一個適合閉合空間,保持一個好嘅溫度同濕度去發酵麵糰。如果你係整麵包嘅高手,電焗爐定會係你最好選擇。

同其他兩款爐相比,焗爐嘅功能就少啲,多用喺製作烘焙食物,少咗較為健康嘅蒸煮烹調方式。

 

蒸焗爐:蒸煮更健康

蒸焗爐最大特點就一定係極多功能,例如蒸氣丶烘烤丶先蒸後烘丶加熱循環丶熱風燒烤丶解凍、消毒等。蒸汽煮食就更加符合現時嘅健康飲食習慣。即刻係烤焗,蒸焗爐都可以做到香口嘅表面,但又有一定濕度,唔會乾爭爭。

美中不足嘅係蒸焗爐嘅蒸氣溫度只有100度,同水波爐比較就可能唔夠全面。

 

水波爐:極高溫度

啱啱提到嘅「過熱水蒸氣」技術可以快速直接煮熟食物中心地方。以300度以上蒸氣令食材內部被蒸熟,同時將食物表層燒烤至乾脆。而電子機板可有效米控制蒸氣溫度同濕度,可以營造出煎丶烤丶炒丶炸等口感。

水波爐中主要有五個模式過熱水蒸氣丶水蒸氣蒸煮丶烘烤丶燒烤丶微波及十一種功能酥脆加熱丶保濕加熱丶水波烤箱丶水波燒烤丶水波烤箱發酵丶低氧烹調丶烤箱烘烤丶燒烤烹調丶微波加熱丶解凍)。而且同樣做到蒸功能,所以烹調出嚟嘅食物同樣少油丶少鹽,而且唔會流失營養。