喺屋企煮嘢食唔一定要對住個熱辣辣嘅爐,近年就愈出愈多好幫手,除咗微波爐、傳統焗爐,又有蒸焗爐、光波爐、水波爐,再有近年大熱嘅氣炸鍋,咁多個爐,你又識唔識分、識唔識揀?

座檯式/嵌入式焗爐


香港係彈丸之地,廚房大細同佈局都係揀焗爐主要考慮因素。巿面上焗爐有分為座檯式同嵌入式。

 

座檯式

可直接放喺檯面,只要連接電源就可以使用;獨立式焗爐主要優點係可以容易安裝喺現有嘅廚房,唔駛額外裝修配合; 缺點係冇嵌入式焗爐令廚房更時尚嘅感覺。

嵌入式

嵌入式一般有兩種安裝方法,可分為安裝喺牆上(Wall mounted)或牆壁櫃內(Bench mounted),焗爐同廚櫃亦可融為一體,又慳位又好睇啲。

 

你必須要留意,無論購買座檯式或嵌入式焗爐,都要確認焗爐可唔可以放入廚房。安裝時,最理想係焗爐兩邊、機背及機頂預留空位散熱,有足夠空氣流通。

 

焗爐類型比較


大家睇完上面比較表都應該對唔同類型嘅焗爐有基本認識,建議大家可以根據自己嘅煮食習慣揀適合自己嘅焗爐類型,小編個人就會推介大家可以選購蒸焗爐加埋氣炸鍋,就最全面、最符合一般家庭需求啦。

 

揀焗爐基本考慮因素


尺寸

一般標準嘅焗爐大多數係60或90厘米闊,香港一般以60厘米為主,所以好容易搵到對相合適嘅廚櫃。而座檯式焗爐嘅闊度就比較多選擇,由70到150厘米都有。

 

容量

焗爐一般容量由9升至60升都有,一般3-4 人家庭可以選擇20 至30公升嘅焗爐,如果家庭人數多,就可以選擇30公升以上嘅焗爐款式。你亦可以照自己通常煮咩食材而定,如果你經常同朋友開 party 或煮大型食材好似係原隻火雞,就應該揀容量較大嘅焗爐。

 

功率

市面上嘅焗爐常見功率一般喺500 - 1500 watt 之間。可以先考慮家用電度表嘅安培值,避免因為電壓過大,引致跳制用唔到。

 

溫度控制

一個焗爐好唔好就係溫度控制得準唔準確、係咪每個角落嘅溫度都一樣,溫度誤差可以多達30度,出品嘅食物味道就梗係有影響,顏色又唔夠均勻。

焗爐溫度控制係咪準確穩定可以睇發熱管嘅數量、熱力,有冇熱風循環,上下火力控制等等,當然愈多溫度控制功能嘅焗爐就要付出更多啦。

 

溫度範圍

焗爐溫度多數係30度至250度,溫度選擇越多,煮食方式就越多元化。你仲可以留意預熱時間,唔同嘅型號預熱時間可相差1倍。

 

內外規格

焗爐溫度變化極大,所以需要有厚實安全嘅用料。高階嘅焗爐嘅材質會有兩層隔熱玻璃,及行業高標準0.5mm原冷軋板或不鏽鋼面板材料。而中高檔焗爐至少應有2個烤盤位置,能分別靠近上火丶下火及中部。

 

層架數量

愈多層架,煮食時嘅變化更多,更加靈活,同時煮多款菜式都冇問題。

 

進階功能及規格


清潔功能

催化內壁

原理係以催化壁嘅細孔表面將油脂吸走及氧化,當你高溫烤焗食物(約攝氏200度 - 250度)時可以自會動進行清潔。

優點:減少清潔程序,每次煮食同時清潔、催化內壁嘅焗爐一般較平

缺點:壁板會和飽,需要定期更換

 

熱解清潔

原理係以熱力分解烤箱焗爐油脂污垢,底層和頂層加熱器將焗爐溫度加熱至約500℃(視乎唔同型號而定),熱解後會變成細白色粉末,之後只需用濕布抺走即可,無需用力擦洗。熱解清潔進行時,而焗爐會自動鎖住爐門。當溫度到達熱解作用時,亦會自動啟動風扇,保證熱力均勻分佈於喺整個烤箱。

優點:只須輕抺即可

缺點:加熱至熱解作用,須要極大功率,用電量大

 

蒸氣清潔

原理係加入水後關門,焗爐會加熱並使用蒸氣清潔內部,工作完成後你只需將餘下的水及食物殘渣抹走即可,一般電焗爐較少有此功能,但蒸焗爐則較常見。

優點:每日用蒸氣清潔,減少日後擦洗工夫

缺點:一般電焗爐要自己加水,蒸焗爐會加快用完水箱內嘅水

 

兒童鎖

蒸焗爐開啟嗰陣溫度極高,如唔小心靠近爐身,有機會辣手。如果你有小朋友,切記揀一個有安全鎖嘅蒸焗爐,防止小朋友自己亂開蒸焗爐。

 

冷門設計

由於焗爐嘅內部溫度非常高,如果設有冷門設計就可以保護用家避免燙傷。呢個設計特別適合有小朋友嘅家庭。有部份焗爐採用門內風力降溫方式,有部份係以多層密封方式隔熱。

 

照明

唔少人喺購買焗爐時都會忽略照明呢個功能。其實照明功能可以令你更方便睇到食物烘烤嘅狀況同上色程度等,可以減少開閂門嘅次數,唔會因為開門令到溫度唔精準。

 

烹飪協助功能


內置自動食譜

唔少比較多功能嘅焗爐都已經有內置自動食譜,一般都會多達50款,令你可以唔駛用咁多時間自己搵食譜,又擔心其他食譜會唔啱自己個焗爐用。

 

焗爐計時器

會幫你記錄烹飪餘下需要嘅時間,及自動計算出烹調程式嘅開始時間。喺預設嘅時間,當焗爐預熱至設定嘅溫度後,所選嘅操作程式會啟動。保持這一溫度,直至烹調時間結束。烹調過程中,你唔駛一路睇住過程,因為當烹調完成或焗爐要休息停止,就會響鐘提醒你。

 

食物探針

有內置溫度計功能嘅焗爐,可以幫助你控制溫度,避免煮出嚟嘅食物過熟。

 

品牌推介


Electrolux 伊萊克斯 EOB3450AAX 74公升 嵌入式電焗爐

  • UltraFan Plus均勻受熱
  • InfiSpace™ 74公升 特大內壁 
  • 風扇輔助熱循環
  • LED操作面板及伸縮旋鈕
  • 多層防燙玻璃門及易潔搪瓷內壁 
  • 意大利製造

​最新優惠


Rosieres RFVS580X 34公升 嵌入式蒸焗爐

  • 蒸汽/烤架/風扇/上烤架+風扇/除霜
  • 1 公升水箱
  • 1750W 烤焗功率1750W 熱風對流1500W 蒸煮功率
  • 48個內置食譜
  • 電子全觸控
  • 兒童安全鎖

​最新優惠

 

Rasonic 樂信 RSG-R38B 38公升 座檯式蒸氣焗爐 (2020年最新顏色)

6種烹調程式 (包括烤焗、熱風上下烤焗、熱風對流、蒸煮、蒸烤及熱風蒸烤)

  • 18款內置食譜
  • 6個特別功能(包括DIY食譜、發酵、解凍、殺菌、除垢及暫停)
  • 噴注式蒸氣,加熱均勻,令蒸煮效率更出色
  • 最高(約)250°C 烤焗烹調 (上/下發熱管可獨立運作)
  • 外置水箱設計,大大增加內腔烹調空間
  • 輕觸式及旋鈕式調控

最新優惠

 

Toshiba 東芝 ER-TD5000HK 30公升 純蒸氣烤焗水波爐

  • 7種功能:過熱水蒸氣烹調、純蒸氣烹調、熱風對流炸焗、混合烹調、烤焗、燒烤及微波
  • 100至300°C過熱水蒸烹調
  • 51款自動烹調食譜
  • 內壁物料 納米易潔塗層
  • 設有上方及後方兩組隱藏式發熱器
  • 先高火後低火炆燉功能

最新優惠


Origo AF-560 3.2公升 健康免油氣炸鍋 (粉紅色)

  • 無油氣炸鍋,食得健康
  • 電子輕觸式控制面版,LED溫度及時間顯示
  • 7個預設模式,亦可自行調節理想溫度及時間
  • 可炸薯條、焗蛋糕/麵包、烤焗雞翼/海鮮及各種肉扒等
  • 1-60分鐘定時功能,配合自動關機功能
  • 50-200℃溫度調節,適合烹調不同食材
  • 可拆洗炸籃,清洗方便

最新優惠

 

購買焗爐常見問題


第一次用噴白煙好正常?

  • 第一次用有白煙,唔係故障現象。係由於元器件嘅保護油受熱揮發所致。所以大家攞到機嗰時儘快開機焗一焗佢,散佐保護油先。

焗爐插拖扳得唔得?

  • 盡量唔好,因為有啲焗爐嘅功率高,可以達成千watt ,有機會搞到跳制。

焗/蒸完嘢,風扇仍在運作?

  • 烹調結束後,風扇會延時工作,將爐腔內嘅熱量排出,冷卻爐腔同電子零件,屬於正常現象。

 

焗爐清潔方法


  1. 每一次清潔前先燜插頭,等機器完全冷卻
  2. 用沾有軟性洗滌劑嘅布擦拭產品外殼,再用濕布擦淨即可
  3. 嚴禁將焗爐浸入水或別的液體中
  4. 可用焗爐專用洗滌劑清潔內部污積,再使用高溫蒸汽功能及排水功能去走污水 (如宥)
  5. 為達到最佳清潔效果, 建議使用溫水清洗附件

*唔建議大家亂用白醋或梳打粉,擦洗內部,因為梳打粉加熱後嘅粉末有機會影響機件運作。