香港係彈丸之地,廚房大細同佈局都係揀焗爐主要考慮因素。巿面上焗爐有分為座檯式同嵌入式。
可直接放喺檯面,只要連接電源就可以使用;獨立式焗爐主要優點係可以容易安裝喺現有嘅廚房,唔駛額外裝修配合; 缺點係冇嵌入式焗爐令廚房更時尚嘅感覺。
嵌入式一般有兩種安裝方法,可分為安裝喺牆上(Wall mounted)或牆壁櫃內(Bench mounted),焗爐同廚櫃亦可融為一體,又慳位又好睇啲。
你必須要留意,無論購買座檯式或嵌入式焗爐,都要確認焗爐可唔可以放入廚房。安裝時,最理想係焗爐兩邊、機背及機頂預留空位散熱,有足夠空氣流通。
原理 |
烹調方法 |
優點 | 缺點 | |
傳統焗爐 |
通過爐內發熱管加熱空氣,對流空氣令食物平均受熱。 |
烤、焗 |
適合專業烤焗 可緩慢烹調唔係咁易熟嘅美食 |
唔同等級嘅焗爐溫差大 加熱有機會唔平均 |
蒸焗爐 |
就係底部發熱盤嘅發熱管通電而產生熱能,將鍋內嘅水快速轉化成高溫水蒸氣而蒸熟食物。 |
烤、焗、蒸、燉、解凍、發酵 |
蒸、焗兩用 食物快速熟透 唔會破壞食物營養 有更好口感同埋鮮味。 |
有可能因水箱唔夠大,要不停手動加手 |
水波爐 |
「過熱水蒸氣」技術,可以將水蒸氣加熱至340度 ~ 400度 |
烤、焗 蒸、燉 解凍 發酵 微波 |
蒸、焗兩用 食物快速熟透 唔會破壞食物營養 有更好口感同埋鮮味。 |
蒸煮溫度極高,要半個鐘就要加水 |
氣炸鍋 |
運用超高溫對流加熱嚟烘烤食物 |
烤、焗 「炸」 |
食材加熱快速(雞塊薯條 6 分鐘) 比油炸健康 口感比旋風烤箱更像油炸 |
容量細 整甜品容易火羅 |
大家睇完上面比較表都應該對唔同類型嘅焗爐有基本認識,建議大家可以根據自己嘅煮食習慣揀適合自己嘅焗爐類型,小編個人就會推介大家可以選購蒸焗爐加埋氣炸鍋,就最全面、最符合一般家庭需求啦。
一般標準嘅焗爐大多數係60或90厘米闊,香港一般以60厘米為主,所以好容易搵到對相合適嘅廚櫃。而座檯式焗爐嘅闊度就比較多選擇,由70到150厘米都有。
焗爐一般容量由9升至60升都有,一般3-4 人家庭可以選擇20 至30公升嘅焗爐,如果家庭人數多,就可以選擇30公升以上嘅焗爐款式。你亦可以照自己通常煮咩食材而定,如果你經常同朋友開 party 或煮大型食材好似係原隻火雞,就應該揀容量較大嘅焗爐。
市面上嘅焗爐常見功率一般喺500 - 1500 watt 之間。可以先考慮家用電度表嘅安培值,避免因為電壓過大,引致跳制用唔到。
一個焗爐好唔好就係溫度控制得準唔準確、係咪每個角落嘅溫度都一樣,溫度誤差可以多達30度,出品嘅食物味道就梗係有影響,顏色又唔夠均勻。
焗爐溫度控制係咪準確穩定可以睇發熱管嘅數量、熱力,有冇熱風循環,上下火力控制等等,當然愈多溫度控制功能嘅焗爐就要付出更多啦。
焗爐溫度多數係30度至250度,溫度選擇越多,煮食方式就越多元化。你仲可以留意預熱時間,唔同嘅型號預熱時間可相差1倍。
焗爐溫度變化極大,所以需要有厚實安全嘅用料。高階嘅焗爐嘅材質會有兩層隔熱玻璃,及行業高標準0.5mm原冷軋板或不鏽鋼面板材料。而中高檔焗爐至少應有2個烤盤位置,能分別靠近上火丶下火及中部。
愈多層架,煮食時嘅變化更多,更加靈活,同時煮多款菜式都冇問題。
催化內壁
原理係以催化壁嘅細孔表面將油脂吸走及氧化,當你高溫烤焗食物(約攝氏200度 - 250度)時可以自會動進行清潔。
優點:減少清潔程序,每次煮食同時清潔、催化內壁嘅焗爐一般較平
缺點:壁板會和飽,需要定期更換
熱解清潔
原理係以熱力分解烤箱焗爐油脂污垢,底層和頂層加熱器將焗爐溫度加熱至約500℃(視乎唔同型號而定),熱解後會變成細白色粉末,之後只需用濕布抺走即可,無需用力擦洗。熱解清潔進行時,而焗爐會自動鎖住爐門。當溫度到達熱解作用時,亦會自動啟動風扇,保證熱力均勻分佈於喺整個烤箱。
優點:只須輕抺即可
缺點:加熱至熱解作用,須要極大功率,用電量大
蒸氣清潔
原理係加入水後關門,焗爐會加熱並使用蒸氣清潔內部,工作完成後你只需將餘下的水及食物殘渣抹走即可,一般電焗爐較少有此功能,但蒸焗爐則較常見。
優點:每日用蒸氣清潔,減少日後擦洗工夫
缺點:一般電焗爐要自己加水,蒸焗爐會加快用完水箱內嘅水
蒸焗爐開啟嗰陣溫度極高,如唔小心靠近爐身,有機會辣手。如果你有小朋友,切記揀一個有安全鎖嘅蒸焗爐,防止小朋友自己亂開蒸焗爐。
由於焗爐嘅內部溫度非常高,如果設有冷門設計就可以保護用家避免燙傷。呢個設計特別適合有小朋友嘅家庭。有部份焗爐採用門內風力降溫方式,有部份係以多層密封方式隔熱。
唔少人喺購買焗爐時都會忽略照明呢個功能。其實照明功能可以令你更方便睇到食物烘烤嘅狀況同上色程度等,可以減少開閂門嘅次數,唔會因為開門令到溫度唔精準。
唔少比較多功能嘅焗爐都已經有內置自動食譜,一般都會多達50款,令你可以唔駛用咁多時間自己搵食譜,又擔心其他食譜會唔啱自己個焗爐用。
會幫你記錄烹飪餘下需要嘅時間,及自動計算出烹調程式嘅開始時間。喺預設嘅時間,當焗爐預熱至設定嘅溫度後,所選嘅操作程式會啟動。保持這一溫度,直至烹調時間結束。烹調過程中,你唔駛一路睇住過程,因為當烹調完成或焗爐要休息停止,就會響鐘提醒你。
有內置溫度計功能嘅焗爐,可以幫助你控制溫度,避免煮出嚟嘅食物過熟。
6種烹調程式 (包括烤焗、熱風上下烤焗、熱風對流、蒸煮、蒸烤及熱風蒸烤)
第一次用噴白煙好正常?
焗爐插拖扳得唔得?
焗/蒸完嘢,風扇仍在運作?
*唔建議大家亂用白醋或梳打粉,擦洗內部,因為梳打粉加熱後嘅粉末有機會影響機件運作。