Hello!大家好!以往提起為家居裝修,好多時喺設計上都係偏向以客廳為重心,但近年來廚房呢個神聖領域就越嚟越備受重視,話就話係一個普通嘅煮食空間,但佢肯定係屋企人最經常出入同埋使用率最高嘅地方。如果你喺不久嘅將來有需要為廚房規劃一下的話,咁就唔可以錯過西門子星級廚電組合啦!

西門子廚電組合絕對稱得上係德國科技同設計美學嘅完美結合,佢地嘅當代廚房設計概念會先讓你既目光遊走於家電幾何線條之間,設計上簡約得嚟同時注重使用上嘅小細節,無論屋企設計係工業風、日式、定北歐風格都絕對carry得到!

至於西門子廚電系列亦都唔再局限喺煮食爐、抽油煙機、雪櫃等呢啲基本廚電,同時亦可以配合到更多其他嵌入式家電例如焗爐、洗衣乾衣機、洗碗碟機、同暖碗碟櫃等等。全方位大大提升入廚效率,亦同時令你更方便咁分擔繁瑣事務!

 

 

首先要為大家介紹就係西門子嘅60厘米嵌入式蒸焗爐(HS636GDS2)。

呢部焗爐配備德國科投工藝嘅烤焗感測技術「roastingSensor Plus」,利用專屬嘅 3 點測溫烤肉針,可以準確探測食材入面嘅中心溫度、最佳烤焗溫度完美烹調食物、即使要整Beef Wellington、原隻烤雞等菜式都一樣 no problem !

值得一提呢一部機仲有一個 cookControl Plus 自動烹調程式,只需要喺目錄選擇菜式,焗爐就會自動選擇理想加熱模式,溫度及準備時間,撳個制就搞掂。咁就可以為自己製造更多me-time啦!

 

為咗照顧大家飯後有更多私人時間,之後為大家介紹嘅就係西門子 60厘米嵌入式洗碗碟機(SN65EX56CE)。

除配備14套標準餐具嘅大容量,喺設計上亦有型格 timeLight,喺您嘅廚房地板上投影以分鐘為單位嘅剩餘時間、程序狀態等信息,唔需要打開部機仍然可以掌握佢嘅運作狀況。

佢擁有 iQdrive 無刷式摩打能夠安靜地處理討厭既洗碗工作,加上令人讚嘆嘅自動感應清洗,只要按下呢個自動感應清洗按鈕,水質感應系統會檢查水嘅污槽程度、自動調節清洗時間、水量同溫度,做到99.999%高效除菌。

如果各位女士都係「鐘意煮飯、討厭洗碗」,你嘅夢幻廚房又點可以少咗呢一部洗碗碟機呢!

 

要做到未來感滿滿嘅智能廚房,點少得一機在手控制所有廚電。

西門子指定嘅星級廚電產品亦都內置 Home Connect智能連結功能。只需透過應用程式,你就可以遙距掌控你嘅西門子電器,啟動程序、檢查模式運作狀況等等。


 

如果你都想升級你嘅廚房、對Siemens西門子星級廚電組合有興趣嘅話,可以透過 Siemens 於Built-in Pro北角旗艦店使用視像家電產品諮詢服務 「E-consultant」,同西門子嘅專業顧問實時以視像對話,直接查詢有關廚電組合安裝或設計事宜,為你提供一個更全面、更個人化廚房升級計劃。