慢煮棒推介、慢煮棒比較、慢煮棒牌子及選購攻略

2021-09-10

慢煮棒由最初係一種熱潮到而家成為一款屋企廚房基本嘅用具，亦深受好多追求健康飲食女士、甚至係中意健身嘅男士熱捧！咁究竟點解慢煮棒咁受歡、近年有咩最新功能？即刻同大家逐一細數！睇到最後，仲會有2021最新推薦同優惠畀埋你！

慢煮棒選購攻略目錄

真空低溫烹調法，又叫低溫慢煮法，法語：Cuisine sous vide！係由Georges Pralus 於1970年代中期為法國嘅Restaurant Troisgros 餐廳所開發，之後經過好多唔同廚師研究，成為唔同頂級廚師嘅必備嘅入廚技術之一。

利用較低溫度，透過長時間加熱去烹煮食物。一般方法就係將食物放入真空密實袋，然後將密實袋放入熱水或溫水，以50°C 至 80°C浸煮幾個鐘頭不等。

1. 減少食材因高溫烹煮而流失或分解營養

2. 食材唔會因為高溫而受到破壞，保持口感鮮嫩多汁。肉質口感細嫩，海產原味道更加特出

3. 操作極簡單，只需要控制溫度同時間！

4. 網上已經有好多唔同專業廚師嘅食譜，亦有唔少嘅慢煮捧有內置多個食譜！

慢煮非常注重溫度同時間嘅準確度，溫度唔準有機會影響慢煮效果，一般產品都會說明廠方測試控溫範圍，精確至 +/- 0.X°C。

有一啲品牌嘅慢煮棒可以連接 app 使用，能夠比用家遙距使用慢煮棒，即使出門口或者做緊其他嘢都可以善用時間搖控開機同時制作美食。

唔同用料會影響耐用程度，甚至有產品會有做跌落測試。而防水性能，最少都要有防水性能標準中有IPX7呢個等級！

好多人以為用密實袋都做到真空效果，就可以配合慢煮捧使用！其實密實袋受熱能力有限，達到一定溫度，會釋放有毒物質，所以最理想就係用真空慢煮專用嘅膠袋。

要留意食材質素！一般廚師認為，肉類可以用50℃至55℃慢煮！但餐廳食材一般會比家庭好啲，唔通喺佳X、X寶嘅牛扒都拎嚟慢煮咩？！會出事架嘛！

家用慢煮棒功率有限，過多食材有可能影響溫度誤差！