邊款好?邊隻好?點樣揀先至啱?2022 年最新座廁選購指南及專家推介 (附消委會報告重點),一定幫到你!

香港土地問題嚴重、工作生活壓力大,廁所已經成為咗唔少香港人唯一嘅私人空間,既 relax 又可以思考人生。所以一個好嘅座廁係必須的!但座廁點樣揀、邊隻好相信好多人都唔太熟悉。今次就一口氣教大家點揀最 fit 你嘅座廁,仲會有最新專家推介、最新優惠畀大家!

座廁選購攻略目錄

 

 

坐廁種類


分體式坐廁

水箱同座廁中間會有連接位,需要靠水箱螺絲連接,價錢相對較平!

連體式/一體式坐廁

完件燒製,冇連接位,清潔會比較方便、易處理啲!

 

 

坐廁選購重點


坐廁最重要就梗係沖走啲污槽嘢啦!沖水系統一般都分為以下 3 種:

沖水系統

原理 優點 缺點

直沖式

坐廁到會有好多細嘅隆好嚟沖水,喺短時間用水力沖洗,就好似用水桶一嘢倒落去嘅效果!

唔會咁易塞

佔用空間較細

會濺起水花

沖水聲大
漩渦式 水流會喺焦棱內壁同水去處出水,形成向心力,造成漩轉嘅水流帶走大便!

寧靜

濺起水花少

較慳水

佔用空間大

耗水量大

較易淤塞
虹吸式 沖廁時會先令馬桶水位上升,從而產生壓力差,利用虹吸原理將污物吸走。

寧靜

少濺起水花

較慳水

用空間大

耗水量大

較易淤塞

 

 

沖水量

傳統直沖式一般就會有6公升以上,有一啲慳水嘅設計就會有3升同6升嘅雙容量沖水。

漩渦式就更加慳水,可以做到只要3升同4.8嘅雙沖水。

 

沖水範圍

直沖式嘅隆同內壁有一段距離,所以會有死角位。而漩渦式就可以全面覆蓋成個廁bowl ,無死角沖水!

 

去水位:高咀、低咀、自由咀

高咀

係指座廁去水位嘅中心 (喉中),離地超過180mm(即6吋)或以上,現時市面上絕大多數嘅樓宇或者係新落成嘅樓宇設計都係高咀!

低咀

座廁嘅去水位嘅中心,離地100mm,即4吋左右。通常會喺一啲比較舊式,大約樓齡30年嘅樓宇,大喉去水位會用低咀式設計.所以低咀嘅坐廁款式愈嚟愈少。

自由咀

係將座廁出水位向內縮入去,令到更多足夠空間,去駁長去水喉接駁大廈嘅大喉位,無論係高去水,低去水,甚至是地去水,自由咀都可以自由地安裝到。

由於現時接駁座廁嘅出水位係可以用一種名為〔風琴喉〕嘅物料,所以就算原有大廈屎渠去水位係低位,都係可以用高咀座廁。

 

 

座廁功能選擇


暖板功能

等你喺冬天嗰時,唔駛再一坐落去,就凍到入肺。

 

易潔塗層

喺廁 bowl上面加上易潔塗層,避免經常有屎積出現。

甚至有一啲智能座廁有便前噴霧,係你如廁前濕潤廁bowl!

 

洗淨功能

唔少智能坐廁都有洗淨功能,相信香港人去日本旅行都有試用過,一般會有臀部清潔,下身洗淨等,仲有啲型號會有乾風功能。

 

自動感應沖水

等你去完大小2便之後,無須自己撳制沖廁,更衛生方便。

 

 

座廁品牌介紹


 

係全日資嘅日本品牌,喺浴室產品行業中都算係數一數二。相信香港人對呢個品牌都唔會太陌生,因為好多大型商場、商業大廈嘅洗手間都會搭配使用TOTO嘅產品。呢個日本品牌仲有一個很大嘅優勢,就係使用感方面更加人性化,追求健康、舒適同衛生。

 

美國品牌,創於1873年成立,創新嘅設計同功能令到呢個品牌為人所熟悉。亦以獨特色彩同曲線享負盛名。北美設計,著重唔易藏積嘅物料,相信輕鬆清潔對冇咩時間嘅香港人一定有吸引力。

 

係一個嚟自西班牙嘅品牌,擁有超過一百年的歷史。有咁長年嘅經驗對用家嘅使用感,有獨特嘅設計!價格定位雖然一般比較高,但一分錢一分貨,追求品質、氣派嘅用家又點可以錯過!?

 

 

2022最新座廁專家推介


TOTO CW680PB 緊密連體座廁

  • 分體自由咀式設計
  • 適合高咀、低咀、地去水
  • 設有雙撳制沖水設計
  • 採用CEFIONTECT納米抗菌防污塗屠

最新優惠

 

Kohler K-78476H-0 MODERN LIFE 分體式自由咀座廁

  • 創新隱藏式邊緣
  • 無邊框設計提供360°沖洗
  • 邊緣向內部傾斜以防止過量液體積聚
  • 獨有廁板設計,無須接觸座廁拎起廁板
  • 易拆卸纖薄廁板
  • *此座廁不能做到15"地去水

最新優惠

 

Roca Gap Round Rimless 3410N0 自由咀分體座廁配油壓廁板

  • 無沖水通道的設計
  • Roca Rimless Technology 無圈孔技術
  • 具備新穎水推進器
  • 配油壓廁板
  • 歐洲製造

最新優惠

 

 

座廁清潔及保養貼士


1. 唔好用硬刷頭或者鮑魚刷擦洗!因為廁bowl 一般有塗層,長時間擦洗更有機會令到表面唔平滑、更容易有污積出現

2. 油壓廁板唔好用力撳!油壓廁板其實係消耗品,壽命會因為使用次數同方式有所影響!

3. 盡量用中性清潔劑,強力清潔劑有可能令塑膠材質出現龜裂嘅情況。

4. 無論你嘅座廁有冇抗菌功能,都要冚埋個廁所板呀!