香港一講到夏天會諗到啲咩呢，一定係又焗又熱又濕，相信大家都身同感受。係條街行到身水身汗翻屋企，一定想即刻涼下！租樓啲舊冷氣嘈音又大又耗電，業主又唔係話換就會換。或者有時候喺間屋度行嚟行去，又唔想開晒全屋冷氣，呢個時候如果有部可以跟住你郁又夠凍嘅冷氣機就好喇！今日想同大家介紹嘅，就係我身邊嘅依部由Turbo Italy推出嘅TAC-200R免接喉式移動冷氣機。

Turbo Italy TAC-200R免接喉式移動冷氣機目錄

香港一講到夏天會諗到啲咩呢，一定係又焗又熱又濕，相信大家都身同感受。係條街行到身水身汗翻屋企，一定想即刻涼下！租樓啲舊冷氣嘈音又大又耗電，業主又唔係話換就會換。或者有時候喺間屋度行嚟行去，又唔想開晒全屋冷氣，呢個時候如果有部可以跟住你郁又夠凍嘅冷氣機就好喇！今日想同大家介紹嘅，就係我身邊嘅依部由Turbo Italy推出嘅TAC-200R免接喉式移動冷氣機。

傳統移動冷氣機缺點

相信大家都係坊間睇過唔少關於移動冷氣機嘅留言！

傳統式移動冷氣機，為咗要幫部機散熱，就要駁喉排啲熱力出去窗外面。呢個時候就要喺窗口度做一啲改動工程，如果唔想改窗，就要將條喉直接放出窗口。條喉其實都唔細，放喺窗口其實會連窗都閂唔到。如果住喺馬路邊又或者打風落雨，真係唔知點算好呀！另外，傳統式移動冷氣機係用機後面散熱，同一個空間又吹凍風又排熱風，有時分分鐘唔開好過開呀！

介紹Turbo Italy TAC-200R免接喉式移動冷氣機

Turbo Italy TAC-200R 就一次過解決晒傳統式移動冷氣機既問題同缺點！佢係全港首創免接喉式移動冷氣機，唔需要駁喉，亦唔需要改窗，就可以輕鬆散熱，呢個技術仲可以解決傳統式移動冷氣機後面出熱風嘅缺點，做到真正嘅全機吹凍風啊！Turbo Italy作為香港免接喉式移動冷氣機嘅首創先鋒，技術同創新度絕對稱得上係同類型產品之最，即插即用，完全毋須安裝！屋企細細好難改動或者房冇窗嘅你就一定要留意佢喇！

跟著落嚟，我哋就講下Turbo Italy TAC-200R嘅規格先，佢高585mm寬325mm深275mm，重21kg，企喺度睇，都係只得半隻腳咁高！輕巧纖薄嘅機身啱晒屋企空間唔大嘅用家，唔用嘅時候都好易存放，唔會佔用好多空間。

為咗方便清洗，TAC-200R採用咗獨立式防塵網設計，令用家可以輕鬆拆落嚟清洗。

佢仲特設活動滾輪，隨時隨地點樣郁都唔係問題啦！

功能方面，佢一機兩用，可以制冷加抽濕，完美貼合香港夏季嘅潮濕悶熱天氣！佢有2000BTU嘅強力製冷能力，局部涼爽完全夠晒！仲加設水箱位置，用家如果想再凍啲就可以落凍水入去。

17-30度隨意調較，仲有強弱兩級嘅風力選擇同自動模式。

外加上下搖擺送風功能，俾用家靈活使用！

不過，如果每次操作都要行到去部機先較到都幾麻煩，所以 Turbo Italy TAC-200R 就附設咗個多功能遙控器，俾用家遠程控制，好方便㗎！

抽濕方面，佢每日最高可以抽取15公升嘅水， 媲美多款獨立式抽濕機。唔單止咁呀，佢仲有1-24小時全智能定時開關，訓覺唔想開足成晚但又想一覺訓到大天光，又或者想放學放工返屋企，佢就會開著嚟迎接你，呢個功能就可以做到喇！

可能大家會講，點解唔直接開冷氣呢？除咗租屋租房嘅空間問題，相信只要問下屋企嘅家庭主婦們就會知，平時日頭屋企人都去晒翻工翻學，開冷氣一定唔係佢哋嘅首選，一嚟冷氣耗電量高，電費會好貴；二嚟做家務嘅時候行嚟行去，都唔知開屋企邊部冷氣好啊！所以有部輕巧，免安裝，又可以跟住郁嘅移動冷氣機就真係幫到手！

移動冷氣機使用小貼士

依家就嚟到移動冷氣機嘅使用小貼士喇！

  • 預留散熱空間

電器喺運行期間會散放熱力，移動冷氣機都唔例外。建議用家喺機身運行期間預留返一定嘅散熱空間，避免太貼近牆身或者大件物件。

  • 清洗隔塵網

移動冷氣機嘅隔塵網如果長期唔清洗，積聚塵埃，就會影響機內嘅氣流，降低降溫效率。所以建議用家每幾個星期就幫隔塵網吸塵，同埋最少2個月就要進行一次清洗。