吸塵機選購攻略目錄

唔同種類嘅吸塵機比較

直立式吸塵機

直立式吸塵機係現時市面上最常見嘅吸塵機類型，一般;都係用機內嘅摩打產生吸力，呢款吸塵機嘅吸咀通常都會配有一個由摩打推動嘅旋轉動刷，利用旋轉同震動吸塵刷，撥開地氈上嘅絨毛，將藏喺入面嘅塵屑污垢清理好。加上長而直身嘅設計令你唔需要彎低身使用，仲有一啲型號無需機座都,可以,直立擺放，更慳位方便！

無線吸塵機

另外，而大部分款式都係無線型號，一般會附有差電機座，只需差滿一次電就可以用到一個鐘頭，唔駛好似傳統吸塵機又要拉電線插電制咁麻煩，等你輕鬆打掃屋企。

罐筒式吸塵機(圓筒式)

最傳統吸塵機類型，特別在於罐筒有一個設有2個轆，方便你移動，吸咀一般接駁一條軟身、伸縮自如吸管，令你更容易清潔屋企嘅窿窿罅罅。

但係罐筒式吸塵機多數都係要用插頭，好處當然係唔駛差電，唔好嘅就梗係使用上冇咁靈活啦。要注意係選購時要留意嗰2個轆嘅物料會唔會刮花地板。

手提式吸塵機

係體積比較細小嘅吸塵機，令你更輕鬆清潔梳化、床邊、窗簾、甚至車箱入面等直立式或罐筒式都難以清潔嘅地方。

以前，手提式吸塵機多會配合直立式吸塵機使用，所以而家唔少廠商都推出直立、手提二合一吸塵機，有齊直立式設計，亦容許你將機身分拆出嚟變成手提式吸塵機。

塵蟎吸塵機

顧名思義當然係用嚟吸除塵蟎啦，近年成為消費者必買產品之一，因為佢幫到唔少人減少到鼻敏感問題，塵蟎吸塵機設計輕巧，方便手提清潔床鋪。而且特有針對除蟎嘅設計，如UV燈丶拍打功能丶熱力等。

了解更多塵蟎吸塵機款式

吸塵機械人

如果你係好唔中意打掃、或者好忙嘅典型香港人，吸塵機械人都係可以幫到你手。圓餅造型，機身內置由多組感應器組成嘅智能導航系統，然後自動吸走屋企地板上嘅塵埃。

特定型號更可以透過光學聲傳感器檢測塵埃集中程度而調整清潔力度，再喺完成工作後自動返回基座充電，完全無需用家介入。你仲可以用手機程式設定吸塵時間，減少吸塵噪音影響。一般運行時間大概有30分鐘至2小時，然後需要重新充電。

選購時請注意，吸塵效能不及直立式或圓筒式吸塵機，只適用喺較簡單清潔，而且圓形設計亦未必可以清潔牆邊角落。

水濾式/蒸氣式吸塵機

呢兩款吸塵機係市面上比較少見，型號選擇亦少。水濾式吸塵機係將吸入嘅塵埃直接溶喺水到，同時過濾廢氣，用水代替濾網同塵袋，特別適合容易過敏嘅人士；而蒸氣式吸塵機則依靠噴出嘅高壓水蒸氣去除地板頑固污漬並同時用高溫殺菌，蒸氣式吸塵機可以一邊吸塵同時拖地，一次過搞掂。

了解更多蒸氣式吸塵機   了解更多水濾式吸塵機

唔同種類嘅吸塵機比較總結

吸塵機塵袋設計比較

塵袋式吸塵機

呢款吸塵機係用布製或紙質嘅塵袋收集灰塵同過濾帶塵空氣。一般布質塵袋要定時拎出嚟倒走當中嘅灰塵，加以清洗。不過拎出嚟嗰陣要格外留神，避免打瀉，造成二次污染。而且蟎蟲之類等微生物有機會喺塵袋入面滋生，所以布製塵袋必定要定期清潔。

而選擇使用紙質塵袋，雖然可以免除清理煩惱，不過，要不斷購買塵袋更換，好似有少少曬錢同唔環保。 

無塵袋吸塵機

而呢款吸塵機就係用集塵盒取代塵袋，當然係可以減少換塵袋嘅支出。一般集塵盒用塑料製作，清洗嗰時，只需要倒走啲塵同用水沖，不過都有機會會揚起塵埃，應多加注意。

雖然無塵袋吸塵機一般比有塵袋吸塵機價貴少少，但係無塵袋設計冇二次費用，長遠嚟講其實兩者價格差距唔大。

選購吸塵機注意事項

吸力

吸塵機嘅吸力主要取決於牌子嘅技術，但唔同牌子有唔同嘅專屬技術，所以難以直接比較。最簡單了解吸塵機吸力可以睇電功率(Watt數)，一般都係愈大Watt數就愈大吸力，消委會曾建議大概850 watt 嘅吸力式吸塵機已足夠一般家庭使用。

除咗睇功率之外，有一啲品牌仲會列明吸塵機嘅真空度同吸入功率。真空度係指吸塵機嘅吸力由真空形成。當吸塵機功率越大，機跆密封做得越好，真空度亦會提高。不過真空度一般喺18kpa-23kpa之間就夠，並唔係越高就等於越好。

另外，好多吸塵機都會設有吸力強弱控制，讓你可以依據環境選擇合適嘅吸力。例如吸地毯就用最大力度，而清理窗簾就可以用較弱嘅吸力，避免整難窗簾，有一啲吸塵機仲會有智能感應系統，可以自行分析所需強度。

噪音

吸塵機入面由摩打推動，所以一般都會有啲嘈音，來吸收空氣中嘅塵屑。一般吸塵機嘅運作噪音大概有78至90分貝。如果好怕嘈嘅用家可以揀一啲有寧靜模式嘅型號、或者係運作噪音低過70分貝嘅型號。

重量

如果你係成日長時間用到吸塵機，咁你就一定要留意吸塵機嘅重量啦，唔係容咩易搞到勞損。有一部輕身嘅吸塵機仲可能令到你更有決心打掃屋企！

空氣過濾 (HEPA標籤)

HEPA即係有高效空氣過濾器嘅意思，即是過濾效果更強勁，更有效過濾微塵，令到屋企空氣更加清新。現時市面上大部份吸塵機都有HEPA標籤，但HEPA標籤都有細分唔同等級，最高為S級，若然屋企冇人患有哮喘或有嚴重過敏就唔駛用咁貴嘅價錢購買HEPA S級嘅吸塵機。

附加配件

吸塵機一般都附送唔同嘅清潔配件，好似係尖嘴刷頭、掃塵刷、傢具刷、小毛刷同小吸頭等方便你清理角落、窗簾、縫隙、床鋪等，令清潔效率大增。有一啲型號有拖地吸頭，等你可以一次過做曬拖地吸塵，慳水慳力！

設計細節

一個好嘅設計細節，真係可以少好多煩惱！

例如吸塵機開關需唔需長撳，唔同習慣已經有好大分別。又例如一般罐筒式

吸塵機開關會係機身到，有一啲係吸管到都有開關就可以更方便。

唔理係有沒有塵袋嘅吸塵機都要清理塵埃。因此，你可以選擇有塵埃積集指示器嘅吸塵機，可以及時清理集塵盒或更換塵袋。

收納吸塵機嘅細節同樣重要。可以幫你慳到更多時間同空間，你可以選擇有自動回捲電線功能嘅吸塵機，唔駛人手捲電線。直立式吸塵機配件較多，應選購機身有儲藏格或盒嘅吸塵機，放置所有配件，唔駛用額外空間收埋，又唔怕唔見曬。

保養

細型家電都係電器，仲要有咁多配件，買機嗰時就更加應注意廠商嘅保養期同保養項目，以免之後壞機要用更多錢維修。

2022最新吸塵機推介

Bosch BBH3251GB Flexxo 無線直立式吸塵機 (白色)

• 配件組合可直接收納喺吸塵機機身。
• 2合1配件，等您可以清潔由地板至天花板嘅塵埃
• 高效嘅旋風過濾器系統
• 持久續航力嘅鋰離子電池

按此了解更多

Bosch BCH3P255 Flexxo系列 二合一手提直立式吸塵機 (深鑽藍色)

呢款機最大特點係配件可以藏喺機身，縫隙吸嘴可以到達狹窄角落同天花板，甚至可以喺車廂使用。二合一傢俱及座椅刷頭組合清潔特殊表面都非常方便。

Bosch獨有的嘅RobustAir系統通過空氣流動和改進的密封性，可以減少清潔塵盒同過濾器次數。可自行站立嘅設計可令你喺操作上更加得心應手。

按此了解更多

Electrolux 伊萊克斯 ZB3325B 直立式吸塵機

Electrolux ZB3325B直立式吸塵機最大賣點係針對去除塵蟎、微塵同致敏源等，利用BedPro Power™電動床褥吸扒連UV紫外燈，徹底清除深藏喺床褥入面嘅塵蟎、致敏源。測試證實過濾器有效鎖住99.99%嘅PM1.5微塵粒子。

普通家居清潔嗰陣，有附带傢俱吸嘴，特長窄縫吸嘴，特長軟喉，窄縫吸嘴及小毛刷，等你係全方位清潔屋企每個角落。

按此了解更多

LG 樂金 A9KPRO CordZero™ A9Kompressor 無線手持吸塵機

• 輕易掌握: Opti-balanced handle™ 人體工學設計
• Kompressor™  輕壓空間倍升
• 4段伸縮式吸管
• 可水洗濾網: HEPA, 前導濾網及金屬濾網
• 充電: 掛牆、座地或簡易安裝

仲有ThinQ™ 智能家電智能手機應用程式，支援 Android / iOS，可以做到濾網更換報警、電池狀態報警、智能診斷、清潔紀錄！

按此了解更多

2020年吸塵機消委會報告重點

消委會公布的 20 款在香港有售無線直立吸塵機測試報告，是由多國消費者組織合作，國際消費者研究及試驗組織負責統籌，而測試樣本售價介乎 HK$1,398 至 HK$6,998 不等。

測試項目為續航力及吸力維持、吸淨能力、省電程度、寧靜程度及使用方便程度進行評分。

最後發現大部份都有充電時間長、耗電快的問題，他們綜合各項要為為所有產品評分，結果以 Dyson V11 Absolute 以及 Dyson V8 Animal 同得 4 分。
 

*評分以5為總分

由於每位用家使用無線直立吸塵機的要求不同，因此消委會建議大家應權衡吸淨能力、配件及功能、續航力、售價及設計等方面，選出最合適的型號。如要求吸淨能力較高的產品

消委會吸塵機使用小貼示

1. 喺更換任何吸塵機配件前，必須先閂制同抆插穌。

2. 如果吸塵機嘅運作聲音太大，可以先檢查塵袋或塵盒係咪裝滿，並檢查吸塵機吸頭、吸管或其他零件有冇堵塞。

3. 吸塵機採用塵袋式設計，可以喺每使用二至三個月後，清洗或更換一次。

4. 無塵袋嘅吸塵機，建議喺每次使用後將塵箱沖洗乾淨，風乾後再裝番喺吸塵機，以減少細菌滋生

5. 過濾網只需用冷水沖洗，清潔嗰陣避免使用刷擦，徹底乾透後即可以繼續使用。

如何清洗吸塵機

無塵袋吸塵機

只需要用濕布抹乾機身，因為有清潔劑破壞機身嘅塑膠質料，避免有機會甩色，甚至裂開！

紙質濾網吸塵機

可以用牙刷掃走灰塵，切忌太用力整爛濾網

絨布濾網吸塵機

用清水洗乾淨後晾乾即可，唔好用熱力烘乾，否則會溶解或阻塞濾網

若吸塵機發出燶味

可以用棉花，加少少檸檬汁，喺開機前放喺集塵箱入面辟味