經過一日辛苦工作後,終於收工返到屋企,第一時間梗係想沖返個熱水涼唞吓,舒緩返一整日嘅身心疲累啦。熱水爐嘅品質同供應方式對於提供優質熱水有重要嘅影響。係市面上,常見嘅熱水爐主要分為氣體爐同電熱水爐兩種類型,而電熱水爐又可細分為即熱式、速熱式和儲水式。係選購熱水爐嘅時候,先了解唔同類型熱水爐嘅原理和優缺點,就可以揀到一款最啱自己需求同喜好嘅熱水爐啦!

熱水爐選購攻略目錄

做咗成日嘢翻到屋企,第一時間梗係想開著個熱水爐,沖返個熱水涼唞吓啦!市面上唔同款式同功能嘅熱水爐, 又點知邊款最啱自己呢?本文會講解一下唔同款嘅熱水爐有咩特別,當然仲會同大家推薦13大型號熱水爐!

熱水爐種類


熱水爐有好多唔同嘅種類,分別有氣體熱水爐、即熱式電熱水爐、速熱式電熱水爐同儲水式電熱水爐。當中儲水式電熱水爐又細分咗做高壓式同低壓式。唔同種類嘅熱水爐喺熱水供應速度、供應量同體積上都各有差異。大家可以參考吓下面圖表。

 

氣體熱水爐

分做石油氣同煤氣,可以即開即熱,有唔同嘅體積,可以根據你嘅需求去選擇款式。安裝嘅時候要留意大廈排煙道,唔同大廈嘅排煙道會有不同尺寸同埋需要配合供氣管、冷熱水管及排煙道嘅位置。

 

即熱式電熱水爐

可以即開即熱,無內置儲水箱,體積輕巧。安裝嘅時候要確保有足夠水壓同水量。只適用於屋企有三相電嘅用家。

 

速熱式電熱水爐

透過瞬間加熱自來水去提供熱水,約5分鐘就可以將水溫上升至40度。佢體積輕巧,但冇恆溫功能,容易忽冷忽熱。

 

儲水式電熱水爐

有高壓式同花灑式,設有儲水箱,需要等待15至25分鐘將儲水加熱。想儲水量大,熱水爐體積就會越大。佢冇恆溫功能,容易忽冷忽熱。

重點產品推介


嚟到大家最期待嘅13大型號熱水爐推介環節喇!當中有3部氣體熱水爐、5部即熱式電熱水爐同5部電熱水爐。

i. 氣體熱水爐

首先會介紹三款氣體熱水爐,分別係 Taada YS1610FM、Kuzzo KD-12TF 同 Rasonic RWH-N12F。三款都分別有煤氣同石油氣兩種氣體選擇,用家可以按照返自己屋企嘅配置同需要,揀返適合嘅型號。

Taada YS1610FM

Taada YS1610FM係三款氣體熱水爐入面熱水供應量最多嘅,佢有16L/MIN嘅熱水供應,採用純白及金屬銀環保防變色物料,嵌入式熱水器節省浴室空間,美觀得嚟又慳位。仲有八種安全裝置,配備埋自我診斷功能,可以話係用得安心又放心。

Kuzzo KD-12TFTWS 

Kuzzo  KD-12TFT 氣體熱水爐由德國工程師專業設計,節能耐用。配合歐綠時尚外型,方便配合浴室設計。仲內置熄火及過熱安全保護裝置,符合香港機電工程署氣體安全條例。佢超低嘅二氧化碳排放,亦都係非常環保。

Rasonic RWH-N12F

Rasonic 係另一個好受歡迎嘅品牌,佢嘅 RWH-N12F 氣體熱水爐結合咗高端科技,記憶合金水流調節器配合埋雙溫度感應,仲有雙重電磁閥、60分鐘連續燃燒關機保護等多種安全設計,幫你精準控溫,保證為大家帶嚟舒適嘅沐浴體驗。

ii. 電熱水爐

跟住落嚟會介紹由5大品牌推出嘅10款電熱水爐,首先有5部由 Viessmann 推出嘅即熱式電熱水爐。

Viessmann菲斯曼系列

Viessmann菲斯曼系列係來自歐洲嘅即熱式電熱水爐,全部都係由德國設計外加品質監控,有德國專業電子工程VDE認證同埋IP25防水級別。其中有一部係單相即熱式電熱,配有壓力安全裝置同埋水壓控制,最高入水溫度為25度。其餘四部係三相即熱式電熱水爐,最高入水溫度係60度,有埋電子安全斷電系統同埋空氣檢測功能,當中採用智能化全電子控制,安全度非常高。

 

跟住有由Bosch推出嘅三相電即熱式電熱水爐,German West 同埋Kuzzo 推出嘅儲水式電熱水爐。仲有Rasonic 樂信同German West 西德寶推出嘅速熱式電熱水爐。

Bosch RDH18400 即熱式 (三相電)

呢部葡萄牙製造嘅 Bosch RDH18400 即熱式電熱水爐 採用咗 CLICKFIX plus 易嵌式安裝系統,配合埋獨立纖巧背板,令到水管安裝更加容易,彈性靈活配合各種安裝環境,適合唔同類型嘅用家。

German West GWPU-6.5

German West GWPU-6.5係中央系統儲水式嘅電熱水爐,主要零件都係由德國製造,仲有自動恆溫設備同埋超溫斷路設備,確保慳電穩定得嚟又安全。

Kuzzo 德國德信 KPU-6.5

Kuzzo 德國德信 KPU-6.5係開放儲水式嘅電熱水爐,有原廠供應插座式花灑頭,可以多點式系統供水即裝即用,而且採用德國 EGO 核心,主打電能節能式,而且超寧靜,做到環保零家居廢氣排放。

Rasonic 樂信 RWH-CT21L

Rasonic 樂信 RWH-CT21L 係中央儲水速熱式嘅電熱水爐,佢採用咗超薄機身同強化玻璃面設計,可以配合到唔同嘅家居環境。仲有嶄新速熱技術,大大提昇加熱速度及效能,可以節省加熱等候時間,可以節省加熱等候時間

西德寶 GWPU-25SIS 

可以節省加熱等候時間嘅呢款儲水即熱式速熱熱水爐 GWPU-25SIS,打破傳統熱水爐概念,响儲水量同體積不變嘅情況下,做到比相同容量嘅熱水爐多出三倍嘅熱水量;出水速度亦都比一般嘅儲水式熱水爐快三倍,更加慳位同埋節能。

電熱水爐選購+安裝保養貼士


  • 備用耗電量

首先當然要留意翻電熱水爐嘅備用耗電量,用家可以透過備用耗電量嚟估計電熱水爐嘅保溫能力。備用耗電量越低,代表佢嘅保溫能力越強,可以減少發熱管啟動次數或運作時間,用起上嚟就更加慳電。另外記得揀翻貼有一級能源標籤嘅產品,就可以做到節能慳電啦!

  •  正確安裝

安裝方面,必需請持牌嘅合資格人士負責。同時要留意返電熱水爐嘅電線係咪直接喺總開關拉電線接駁,避免使用普通或者萬能插座。同埋開關掣應該要安裝喺浴室門外,確保安全。

  • 定期檢查及清潔熱水爐

喺開著電熱水爐之前,要先確保入面有足夠嘅水供應,咁就唔怕佢會喺無水狀態下運行而造成損壞啦!如果發現水溫時冷時熱、有蒸氣或者熱水異常洩漏等問題,就要儘快安排維修喇!另外响清潔嘅時候,要留意返唔好使用腐蝕性或研磨性嘅物質。