熱水爐推介、熱水爐比較、熱水爐牌子及選購攻略 2024

熱水爐選購攻略

熱水爐種類

即熱式熱水爐

顧名思義，就梗係即開即有熱水提供。主要係利用恆溫器控制出水溫度，故唔需要預熱，亦唔駛內置儲水箱，體積一般較細小，唔駛佔用太多空間。由於用電力推動就唔需要好似煤氣爐，要畀每月嘅基本收費，真正嘅「用幾多俾幾多」。

儲水式熱水爐

設有儲水箱，需要「煲水」，即係要預早開一段時間之後先會有熱水供應，一般要等大概15-25分鐘。熱水爐輸出熱水嘅同時，冷水就會自動加入儲水箱。市面主要分為高壓式及花灑式儲水熱水爐。

速熱式熱水爐

加熱速度比傳統儲水式電熱水爐更快，只需加熱5分鐘，水溫可上升20-40度(視乎唔同效能)，此外，如果配合環保花灑頭使用，可以延長熱水持續時間多達約半個鐘！

高壓式：更大儲水量，能接駁多個出水位，不過需要加設通風設備。多個出水位接駁，需裝上壓力及超溫感應排放閥 (PTV)

花灑式:：儲水量較少，只可接駁一個出水管，通常用戶需要選擇用花灑延長熱水持續時間。電功率都較低。

氣體式熱水爐：煤氣爐/石油氣爐

兩者都係加熱速度夠快，同樣唔需要儲水，基本上可以話係即開即熱，熱水供應可以話係冇上限，熱水涼要沖幾耐就幾耐。

氣體式熱水爐選購重點

安全性

安全一定係考慮因素之中嘅首位，無論煤氣爐/石油氣都係易燃氣體，最簡單就梗係認住由機電工程署安全認可嘅「GU」標誌。另外，可以揀選密封式設計嘅氣體熱水爐，開爐嗰時用的新鮮空氣取自室外，廢氣亦直接排出室外，廢氣亦不會洩漏而污染室內空氣。

設計

大部分氣體式熱水爐爐身喺安裝之後一般會嵌入喺牆身並外露室外，由於安裝環境及大廈設計，除咗要留意爐身大小，亦要留意供氣管、冷熱水管及排煙道設計，有一啲大廈外牆為排煙道預留牆孔尺寸同位置都有差異。

熱負荷/熱流量

即係輸入功率，可以理解為隨燃氣輸入至熱水爐嘅單位。使用同一燃氣類別嘅熱水爐，熱負荷愈高，燃氣流量都係愈高。

購買電熱水爐考慮因素

供電上限

電熱水爐耗電量高，而耗電功率要求亦會較高，儲水式額定輸入電功率由3,000瓦特(Watt) 起，即熱式電熱水爐更高達6,000瓦特或以上，所以首先要了解家中供電上限即單位A (安培) ，假設你家中電箱有30A，買6000 Watt電熱水爐 ，而香港電壓為220V.  A = 6000 Watt /220V = 27 A  (最簡化計算，只作簡單參考)

這樣說，電熱水爐耗電量已經佔用了你家中9成電力上限。一旦超出電力上限會引致「跳制」，或造成危險。

耗電/耗電功率

簡單來說，耗電功率 瓦特 (Watt) 愈大，熱力及水量輸出愈高，因此即熱式電熱水爐耗電功率可以達18000瓦特至24000瓦特不等，所以基本要三相供電駒動，三相供電的電壓較有效利用，推動相同瓦特電器時節省更多電力，消費者應先查詢所住樓宇是否設有三相供電或「三相四線」的電路系統，才選擇合用的款式。

水壓

不論係即熱式、速熱式、儲水式熱水爐，都需要有足夠水壓先接通電源。主要原因都係安全，因為當水量及水壓不足，發熱線有可能燒毀，避免發生水溫過高嘅風險。即熱式電熱水爐設有水壓掣，購買前可以先檢查房屋水壓係咪符合要求。

恆溫功能

恆溫功能主要功能係方便用家調校合適水溫。但係唔同牌子預設嘅水溫都唔一樣，如果你係成日沖熱水涼、喜好較熱嘅水溫，就應該考慮購買有較高溫度設定嘅電熱水爐。

水力恆溫

即以指定Watt瓦特功率推動，即6000 W電熱水爐，6000W即全數輸出加熱，因此當夏天或高層單位來水溫度高，並唔會自動調節功率，同樣6000W加熱，有機會令水溫過高，而要用更多冷水降溫，流量低又會令熱水爐關閉，出現忽冷忽熱嘅情況。

電子恆溫

則瓦特功率輸出會因水流量及來水溫度而自動調節，即當上升溫度愈低，瓦特功率輸出都會下降，達到更加節省能源嘅效果。

電熱水爐安裝

根據水務條例，安裝熱水爐必須由持牌水喉匠負責或督導。大多數熱水爐廠商或代理商多聘有持牌水喉匠及經驗電器技師，喺安裝前，可確保安裝人員係咪符合資格。

或先瀏覽去機電工程署網頁了解更多安裝電熱水器安全須知。

氣體式熱水爐專家推介

Kuzzo 德國德信 KD-12RFTW 12.0公升/分鐘 節能 煤氣熱水爐 (背出)

• Ｆ-1TECHNIK電子點火
• 輕觸式＋－溫度調控
• 電腦恆定水溫
• 恆溫每分鐘出水12公升
• 內置熄火及過熱安全保護裝置
• 內置漏電斷路裝符合機電工程署條例
• 符合香港機電工程署氣體安全條例

最新優惠

Taada 多田牌 YS1610FM-T-WH 煤氣熱水爐

• 創新的亮白或金屬銀生態防變色表面
• 內置型節省空間
• 數字自動瞬時溫度調節
• 0.5℃內穩定恆溫
• 8種安全裝置
• 日本進口零件
• GU標籤認證

最新優惠

YS1610FM-WH 石油氣版本型號

電熱水爐專家推介

Stiebel Eltron 斯寶亞創 DHB-E18/21/24LCD 電子恆溫 三相即熱式電熱水爐

 德國製造

DHB-E LCD 全新增設LCD顯示屏，精確水溫更易選擇。享受優質淋浴體驗同時，亦可慳水電量高達30％*，為你提供一切主要舒適設定：以精密調控耗電量彌補入水流量及溫度變動；絕對唔會再出現忽冷忽熱~ 全賴 DHB-E LCD 電子恆溫系列之先進科技。

• 18 / 21 / 24kW功率提升選擇
• 每分鐘水流量 : 5.6-13.8公升(視乎型號）
• 電子恆溫確保水溫穩定
• 無分段溫度選擇 Off, 20-60℃ 精確水溫，自由選擇
• 可選擇使用℉華氏或℃攝氏
• 適合硬水及軟水水質
• 最高溫度可於安裝時預設於43℃/ 50℃/ 55℃/ 60℃
• 裸線直接加熱系統，加熱效能高達99.9%
• 特低啟動流量每分鐘2.5公升
• IP25防水級別

查詢價格及規格

Bosch RDH18400 18000W 水壓控制 即熱式電熱水爐

 葡萄牙製造

• 兩種溫度預設選擇 - ’e’節能模式 及 ' II ' 增強加熱模式
• 水出量：38℃ (公升/分鐘):9.90 升/分鐘
• 水出量：60℃ (公升/分鐘):5.40 升/分鐘
• CLICKFIX plus 易嵌式安裝
• 歐盟能源標籤 A

查詢價格及規格

Bosch RDH06111 6000W 小型水壓控制 即熱式電熱水爐

  葡萄牙製造

• 高壓式設計
• 噴灑控制器
• 小型水壓控制即熱式
• 開關顯示燈
• 出水量(38°C): 3(公升/分鐘)
• 最低啟動流量: 2.3(公升/分鐘)

查詢價格及規格

電熱水爐消委會報告重點

消委會喺2018年只測試12款家用儲水式電熱水爐，全部樣本都通過安全測試。不過，喺持續供應熱水時間測試中，所有樣本無論儲水量多少，持續供應熱水(40℃至45℃時間，每分鐘5公升水流量)，都唔超過10分鐘。

而喺耗電量方面，有6成樣本效能低於本身標示上嘅能源效益級別，表現參差。

高壓式

花灑式