洗碗碟機因為「和諧號」一名，多咗唔少人都心思思想買返部，但係好多人都對洗碗碟機其實唔太熟悉，今日，就講多個優點俾大家知！

洗碗碟機真係比自己洗碗更慳水！

 

消委會表示，2011 年德國波茵大學有研究比較全球各地消費者手洗碗碟嘅習慣，量度洗碗嘅耗水量同熱能量，再睇吓乾淨程度，然後將結果同洗碗碟機作出比較。

結果顯示，洗碗碟機用水量普遍比手洗少，尤其係用開水不停沖洗嘅方法。

研究涵蓋近 300 位來自 29 個國家嘅人士，參與者需要依照當地人嘅洗碗習慣同用具，靠雙手清洗約 12 套碗碟同餐具，當中6套食具嘅殘餘及餸汁係按照當地飲食習慣，其餘6套都係用國際標準方法配製嘅污漬。

 

熱水洗碗，洗碗碟機更加慳電！？

 

參與者在設有雙鋅盆（每個最高容量約 14 升）的廚房洗碗，水龍頭嘅最高出水溫度有 60℃，參與者可自己調節水溫洗碗。 測試發現唔同國家嘅平均用水量由 34.7 升至 160 升，使用熱水嘅能量則由 0.9kWh（千瓦小時）至 4.6kWh，亦有部分參與者完全唔用熱水洗碗，洗碗碟機喺唔同嘅程序平均耗用電能由 0.5kWh至 2kWh，整體用電能量較用熱水手洗少！

參與者洗碗方式有唔同，有啲喺鋅盆注水後加洗潔精清洗碗碟，然後喺另一個鋅盆用清水過水，亦參與者直接用開水不停沖洗嘅方法洗碗，或混合兩者方式。

 

仲要洗得更加乾淨？

 

此外，按參與者國家可清洗 12 套碗碟及餐具的洗碗碟機規格，用水量最少為不足10升，用水最高的型號可達 26.7升，但一般型號以最高用水量洗碗的程序通常低於 14升，可見以洗碗碟機洗碗的用水量普遍較手洗低，尤其是相對在水龍頭下不斷沖洗的方法。 至於潔淨效果，按 0 至 5 分（5分為滿分）的評分準則，參與者得分由 2.2 至 2.8，洗碗碟機得分則由 1.1（快速程序）至 4.4（強勁程序），視乎選用的程序，程序愈強勁，耗水耗電量愈高。

 

資料來源：yahoo new