您的購物車沒有添加商品！
-cr-300x169.jpg)
唔知你有冇試過出街唔記得帶鎖匙，搞到冇得翻屋企好傍偟，甚至乎要㗰筆錢請人開鎖先有門口入呢？如果屋企轉做電子門鎖，就可以輕鬆避免到以上情況喇！安裝咗佢之後，剩係記住密碼或者用指紋辨識就開到門。
如果你係啲好易整唔見鎖匙嘅大頭蝦，咁電子門鎖就係一個好好嘅替代選擇喇！本文會同大家推薦由兩大大熱品牌推出嘅電子門鎖，密碼、指紋、近場通訊兼藍牙開門方式樣樣齊！
眾所周知，電子門鎖係一種利用電子技術進行解鎖嘅門鎖系統，通常會用到密碼、指紋辨識、智能卡、近場通訊（NFC）或者無線通訊等方式去識別用家，然後解鎖。咁除咗開鎖方式外，電子門鎖同傳統門鎖仲有咩分別呢？不妨參考吓下面嘅比較圖表。
.jpeg)
同大家推介兩大品牌電子門鎖之前，等我講解吓幾款坊間最普遍嘅開門方式先！而就咁一個電子門鎖，係同時具備以下多種嘅開門方式。
.jpeg)
首先有感應匙卡。即係俗稱「拍卡」開門，一般選購電子門鎖都會附送 2 張感應匙卡。用家可以自行購買更多張，最多可以配對一百張門卡， 適合辦公室使用。
.jpeg)
然後就係密碼解鎖，當中設有觸控面板或者數字鍵盤。有啲型號仲會內設隨機防盜密碼，用家要先撳隨機數字再撳密碼，防止翻其他人盜取指紋開門。
第三個係指紋辨識，一般分為光學式感應或者半導體模組感應。後者嘅感應速度更快，而且成功率更加高。之後有手機APP應用程式，用家可以建立一次性、定期或者永久開門權限，同時管理埋開門權限嘅有效時間。更加可以透過APP去查閱進出紀錄、遙距增設指紋同建立臨時密碼。
.jpeg)
最後就係鑰匙解鎖。其實智能門鎖都會保留翻後備鑰匙孔設計，位置通常會比較隱蔽。當出現門鎖故障或者火災等突發狀況嗰陣，就可以用嚟應急備用。
.jpeg)
本文會同大家誠意推薦由美國品牌Lockly同台灣品牌Acer所推出嘅三款電子門鎖，包Lockly PGD829BF、Acer ASL-AT310 同Acer ASL- AT510，詳盡記錄咗依3款電子門鎖嘅規格、開鎖方式同星級特點等等。
i. Lockly PGD829BF
.jpeg)
Lockly PGD829BF電子門鎖採用咗，擁有超過30項專利嘅PIN Genie防偷窺電子按鍵。用家每次使用嗰陣，佢會自動變更數字位置，令其他人好難估到正確密碼。佢亦具備3D活體指紋感應技術，可以快速掃瞄指紋同識別真偽，當中最多可以紀錄99個指紋數據。
.jpeg)
佢同時設有神奇離線密碼功能，透過Offline Access Code就可以隨時授予門鎖訪問權限，唔洗另外下載手機App。設計上針對加強保安，當中內設在家安全模式，可以隨時暫停使用PIN Genie按鍵，防止有陌生人進入。更加特設安心按鈕，防止小朋友或者寵物意外解鎖。而喺錯誤輸入三次密碼之後，佢會自動進入防禦模式，只有主密碼先能夠重啟，咁就唔怕有陌生人「白撞」啦！
ii. Acer ASL-AT310
.jpeg)
Acer ASL-AT310電子門鎖設有活體指紋識辨，當中採用咗電容式。方法係透過人體獨特嘅生物信息辨認指紋，所以即使 係複製咗你嘅指紋都無法使用，安全性十足！密碼方面，就可以自定一個6-10位數字嘅組合。
.jpeg)
.jpeg)
至於匙卡原廠已經配備咗2張，亦可以額外再提供多達100張，適合安裝喺辦公室。喺緊急情況下，仲可以用到備用l機械鎖匙，佢嘅鎖匙類型同樣難以複製，夠哂安心！
iii. Acer ASL-AT510
.jpeg)
至於Acer ASL-AT510系列，唔單止有齊頭先ASL-AT310系列嘅所有功能。佢更加增添咗兩大新技術，分別係臉部辨識同掌紋辨識。「Face ID」臉部辨識功能可以識別人面開鎖，更大程度上便利咗用家，防盗指數加倍！
.jpeg)
而另一個Palm ID「紅外線三維立體識別技術」，令用家唔洗同門鎖直接接觸。只需要隔空對住門鎖位置，Acer智能門鎖就可以透過紅外線立體咁識別到你嘅手掌，幫你開鎖。依個功能唔單止令賊人徹底打消偷掌紋嘅諗法，仲衛生得多！
買滿$200可獲 1 Pro Dollar
超過2000個自取點
100%原裝行貨
過萬尺港九新界門市
