【廚房設計】廚房設計二三事---空間規劃篇｜一定不可錯過嘅8大注意事項+安全問題！｜櫥櫃設計公司 Woodstudio 坐陣專業分析！

廚房設計二三事---空間規劃篇目錄

戶型

首先要考慮翻廚房嘅形式，現代家居廚房設計大約分為封閉式廚房(梗廚)，同開放式廚房兩種。封閉式廚房(梗廚)適合對中廚煮食習慣要求較高嘅家庭，同時亦都可以將煮食同生活空間分開。開放式廚房就會令整體家居空間開闊啲。而且光線充足，適合烹調較少油嘅西餐輕食，亦都係近年唔少青人嘅首選！

之後可以根據翻戶型佈局去釐定廚櫃嘅形狀，大致可分為一字型、L 字型、U 字型、帶島台型等幾種。當中可以根據家庭廚房嘅使用情況，去設計唔同佈局，通常一字型同 L 字型佈局適合 2 至 3 人小型家庭或者單身人士 ；U 字型廚房就溫馨啲，但就缺少空間感，而帶島台型廚房就適合面積較大嘅開放式廚房。

高度/深度

標準廚房嘅高度同深度分別係地櫃高度若 80-85cm ，深度 60cm；吊櫃高度若90cm, 深度 35-45cm；而地櫃同吊櫃距離大概 70cm 。當然都要視乎翻實際情況，按住樓底高度同用家高度再作調整啦！

區域設計

區域設計方面, 一般都要提前諗好 「取、洗、切、炒、盛」五個區域嘅擺放位置。 簡單嚟講就好似工廠流水線咁，要,提前諗好點擺放依五個區域。確保用家由喺雪櫃攞食材，到洗菜、切菜、炒菜、上菜都唔洗來回走嚟走去。一般嚟講，準備食材嘅切菜區應該規劃喺炒洗區嘅中間, 而上菜盛菜區就最好喺炒菜區隔離。

轉角收納

傳統轉角位通常只是放兩層層板上去, 用家攞嘢時候就需要跪低再伸手去到好入嘅位置。因為唔方便就乾脆放棄擺到啲嘢咁入, 變相㗰咗唔少位。而家流行嘅方法係，喺轉角位置放入拉籃，方便放嘢同攞嘢。用家只需要簡單彎腰就可以，唔洗跪低咁辛苦。

吊櫃設計

一般情況下，櫥櫃嘅最低同最高位置大約喺1.5至2.4 米左右。身高較高嘅人會好易喺開櫃門， 又或者經過嗰陣畀開左嘅櫃門撞到頭。 所以設計吊櫃嘅時候最好使用上翻門，避免用家不慎撞親，大家可以過嚟BUILT-IN PRO MegaBox 門市體驗吓。

針對收納問題, 一般吊櫃比較高嘅位置都唔方便放嘢同攞嘢。 對於屋企有小朋友嘅家庭，我哋會建議用下拉籃，一拉落嚟可以固定好先放嘢同攞嘢，唔用嗰陣就收返上去。

插頭及嵌入式電器配搭

值得一提嘅係，設計廚房嗰陣一定要提前諗定自己需要插頭嘅位置。特別抽油煙機、微波爐、洗衣機、雪櫃同爐具等固定電器，點都要預留插頭位。至於電飯煲等非固定電器， 就建議大家安裝可移動插頭，根據實際使用情況向左右移動。就算煮飯嗰陣電話無電，都可以移動插頭，一邊叉電一邊煮飯。

門把

有小朋友嘅家庭要注意，屋企一定要安裝隱藏式門把。一般家庭普遍用緊非隱藏式門把，門把嘅角位都好尖，小朋友好容易唔覺意撞到。各位家長唔想小朋友以後塊面有疤痕的話，記緊要用隱藏式門把喇！

櫥櫃拉籃

傳統櫥櫃都係喺櫃入面放層板，但一般櫥櫃都起碼有 60-70cm深。用家要攞啲放得較入嘅物品就會好麻煩，所以我哋建議櫥櫃安裝拉籃。咁樣嘅話, 就算要攞啲放得較入嘅物品，都唔洗搞亂前面放好咗嘅嘢，只要一拉出嚟，就可以直接攞自己需要嘅物品。