【2024電磁爐推介】最新推介5款電磁爐｜權威機構總評最佳！｜香港廚房好伙伴｜實用電磁爐使用小貼士

2024電磁爐推介目錄

依家係無火煮食嘅年代，無煙無火嘅電磁爐就越嚟越普遍，喺安全性上面都比一般煮食爐高。流行開放式廚房嘅香港嚟講，電磁爐就幾乎成為香港廚房嘅最好伙伴，但電磁爐點揀先係最好呢？最近權威機構出咗電磁爐評測，本文會介紹5款總評最佳嘅電磁爐同佢哋嘅規格！最後仲有使用電磁爐嘅小貼士！

2024最新電磁爐推介

全區域電磁爐

西門子EX375FXB1E嵌入式電磁爐

對屋企設計好有要求嘅你就一定留意西門子EX375FXB1E嵌入式電磁爐，有17段火力可以揀，係全場最多段嘅電磁爐嚟㗎。根據權威機構評測報告，佢係低火力控制、熱力分布平均同連續煎烤熱力維持嘅表現都好出色，係持續煎烤嘅測試下都可以做到色澤均勻！30厘米寬嘅電爐可以同其他Domino或者嵌入式設計爐灶一齊安裝，用家可以發揮自己創新同諗法，自訂一個屬於自己嘅完美烹飪組合！佢採用TouchSlider淨係需要撳個制或者輕輕滑動就可以輕鬆調整火力，使用PowerBoost功能仲可以縮短加熱時間高達50%㗎！

Asko HI1355G嵌入式雙頭電磁爐

Asko HI1355G嵌入式雙頭電磁爐有12段火力可以俾用家精準選擇想要嘅烹飪方法。其中佢嘅低火力控制仲獲得權威機構派發5粒星！採用黑色陶瓷玻璃，食物唔會癡係表面，即使溢出都只係需要抹走就可以，非常容易清潔。佢自帶多個自動模式，例如燜煮、煎炸、燒烤、保溫等，用家淨係需要㩒相應模式就可以做到想要嘅效果，唔洗擔心會有煮過籠嘅情況！佢嘅過熱關閉功能仲可以幫到大頭蝦唔記得留意時間又冇set時間掣嘅用家，確保安全！另外，好值得講嘅就係佢選鍋嘅高靈活度，唔理大細都可以使用！

傳統雙加熱區

德國寶 GIC-252DB嵌入式雙爐頭電磁爐

德國寶推出嘅GIC-252DB嵌入式雙爐頭電磁爐，榮獲香港一級能源標籤認證，保證慳電節能。火力最高可以去到5200W，平時煮大餐定係爆炒都冇難度！佢兩個爐採用雙線獨立輸出平均分配火力，可以同時烹調兩款菜式都冇難度，幫你用最短時間搞掂一餐！佢採用德國陶瓷玻璃面板，耐熱高達750℃，直接導熱去鍋具，咁非烹飪區就唔會傳熱，避免燙傷，仲可以輕鬆一抹去除污漬。９段嘅火力調校，可以根據菜式靈活轉變，仲有獨立13A電源線可以一插即用，無需再駁線。

Hibachi HY-2800GD1嵌入/座檯式雙頭電磁爐

另一款就係Hibachi HY-2800GD1 嵌入/座檯式雙頭電磁爐，佢有9段火力調校，用家可以根據烹飪嘅菜式作調節，加熱效率經權威機構測試平均都超過88％，準確率好高！佢嘅定時功能亦係呢度幾款之中最長，可以去到3小時59分鐘，煲湯炆嘢都唔洗守住喺爐邊啦！佢採用強化玻璃面同指滑式控制，用家係=操作同清潔上就可以更加方便！佢仲自帶安全鎖同埋自動斷電裝置，當電壓唔穩或者爐面過熱嘅情況出現，電磁爐就會停止運作，防止意外發生，用起上嚟就可以安心啦！

Panasonic KY-C223B 嵌入/座檯式IH電磁爐

Panasonic KY-C223B 嵌入/座檯式IH電磁爐有較精準嘅自動斷電功能，喺冇鍋具或者冇任何操作嘅情況下大概1分鐘，又或者加熱後冇任何操作下，約2小時就會自動斷電。有9段火力可以調校，幫助用家搵到最適合嘅火喉。佢嘅連續煎烤熱力維持 權威機構都俾咗高分。採用德國陶瓷玻璃面板加上輕觸式設計，用家清洗快捷又可以用得方便。另外佢寬敞嘅爐面，同時可以前後並排加熱2個鍋具，有防止過熱、小物品檢測、兒童安全鎖同鍋具檢測等功能，夠晒安全！

電磁爐使用小貼士

使用電磁爐都有佢嘅技巧㗎！

1. 電磁爐加熱速度比明火爐快，煮食嘅時候食物溫度有機會會瞬間提升，所以煮食時間會比起預期更短，用開明火煮食爐家喺轉用電磁爐初期，要更加專注，keep住留意食物狀態啦。

2. 煮食鍋具千奇唔好乾燒，避免電磁爐面板因為受熱過高而裂開！如果電磁爐嘅面板裂開咗就千奇唔好再用啊！唔單只容易令電器短路，仲可能因為外部液體同內部嘅帶電零件接觸而將電流引到金屬器具上面，造成例如觸電等意外。

3. 使用完嘅時候面板加熱範圍圈仲好熱，千奇唔好用手直接去摸，都唔好即刻抹，以免燙傷。